عملت تجميل للمهبل بس شوفو وش صار لي........

السلام عليكم ورحمة الله وبركاته
البارح سويت عملية تجميل للمهبل بس والله صار لي موقف ماانساه ابدا وحتى زوجي تندم انه قال لي اعمليها ... قصتي كالتالي:
لي اربع سنوات متزوجه وجبت 3 اطفال ولكن بعد الطفل الثاني خربت هذيك المنطقه مررره لدرجة اني حسيت اني متوسعه ومنظرها الخارجي بعد طبعا ولادتي هذي في قوى الامن (حسبي الله عليهم) والولاده الثالثه كمان عندهم وكانت بدون خياطه وهنا كانت افضل لانهم مايعرفون يخيطون هذيك المنطقه بس يشوهونها لك ...... بعد الولاده قال زوجي لازم تضيقين هذي المنطقه سئلت الدكتوره قالت افضل التضيق لك بعد الاربعين يوم .. رحت وركبت لولب بعد شهرين من الولاده وبعد 3 شهور قررت اضيق هذيك المنطقه قلت لزوجي خلاص بروح للمستشفى طبعا سئلت وقالوا لي ان كثير سوت لهم الدكتوره وهي سودانيه في مستشفى الازهار بالنسيم رحت امس الاربعاء الساعه 10 صباح وقلت لزوجي هذا اليوم غياب لك .. الي صار ياحبيباتي انو الدكتوره سئلتني زوجك راضي قلت اكيد وهو جاء معي (نصيحه ياحريم الي تبي تروح تساوي ترميم لا تخبي على زوجها ابدا) زوجي قال ليه ماتروحين مع اخوك قلت لا الله لا يقدر بس لو يصير لي شي تكون انت معي وفعلا كلامي في محله...... نومتني على سرير مثل سرير الولاده وضربتني ابرتين بنج وبعدها دخت ودخلت عالم ثاني وصرت اهربد عليها مدري وش اقول .. وصارت تصحي فيني وجاني انخفاض ضغط قالت ان الخياطه نص ساعه بس هي جلست ساعه كامله وقتها راح تخدير البنج وصرت اتألم واحس بالابره وقتها ضربتني ابره ثانيه بس ماطول مفعولها ورجعت احس بالالم وقلت لها ماقدر اتحمل الالم قالت باضربك أبره بس المشكله انتي تدوخين منها قلت خليني ادوخ ولا احس بهذا الالم وضربتني أبره وقالت قربت اخلص ... بس المشكله صار معي نزيف وهي تحاول توقفه بس ماقدرت وسئلتها وش السبب قالت لاني ضربتك ابر كثير ......... حطتني بغرفة انام فيها شوي ودخلت علي الدكتوره سئلتني كيفك وشافت الشاش الي هي حطته لي وشالته وحطت جديد وحطت عليه مرهم عشان يوقف النزيف وارتحت شوي بس كنت احس بألم ودوخه اخذني زوجي على البيت وكنت تعبانه مرررره دخلت البيت وانا ماني حاسه عن نفسي اروح يمين ومره شمال وماعاد شفت الي قدامي جاني زوجي عشان يفتح لي الباب قال لي اش فيك.. قلت عيالي امانه معك .. قال وش تقولين انتي ....... طالعت انا تحت ولا بركه من الدم ويوم شافها دخت وطحت عليه ... وداني على طول مستشفى قوى الامن ..... عاد خبركم الاسئله حقتهم وانا دايخه ماني حاسه عن نفسي .. أول مررره اشوف دمعة زوجي .. نادى على اخوه لانه دكتور هناك وتعرفون عاد صار الاهتمام من الممرضات اسعفوني بمغذي ومضادات حيويه وادويه كثيره واعطوني اكل لاني مااكلت من اليوم الي قبله وحطت الدكتوره قطنه من تحت فيها مضاد وخلتها فيني ساعتين او اكثر والحمدلله بديت احس بتحسن وتحاليل الدم طلعت سليمه .. قالت خلاص خروج .... واااااااااااي يافرحتي ......... والحمدلله انا بخير بس نصيحه يااخوات لاتعملون مثل هذي العمليات الا بمستشفيات كبيره لانها والله خطيره وشفت الموت فيها...... وزوجك لازم تعلمينه يعني وش راح يصير لو علمتيه والله بالعكس يدري ان كل هذا الاهتمام عشانه .....
اسفه على الاطاله بس عشان افيد اي وحده تبي تقدم على مثل هذي العمليات