عملت قبل يومين لبن ولبنة وطعمهم طلع رووووعة
رحنا اشترينا حليب طازج جبت 15 لتر
غليتهم على الغاز
بعد الغلي طفيت النار وانتظرت حتى راحت سخونة الحليب
يعني لازم لما احط اصبعي في الحليب اقدر اتحمل سخونته
هيك بتكون الخطوة الاولى تمام
بعدين جبت لبن علبة حجمها نص كيلو ووضعتها على الحليب وحركته جيدا
غطيت طنجرة الحليب بالغطا
ولفيته بحرام صوف جيدا وتركته لتاني يوم
تاني يوم صار ما شاء الله لبن ومنظره يشهي
وضعت قسم بالمرتبانات وفي الثلاجة
والقسم الاخر وضعته بوجه مخدة وعلقت طرفه بخيط قوي وعلقته على مسمار فوق المجلى وتركته يتصفى يومين تقريبا
حتى صار لبنة
ويا سلام على الطعم
انا احب اللبنة اللي تكون طابات او كرات
المهم وضعت قسم من اللبنة بمرتبانات وتركت الباقي معلق بالكيس وتركته كمان يوم حتى تصفى من كل الماي واصبح جامد
غسلت يداي جيدا وامسك اللبنة واعملها كرات بيدي والكرات فردتها على قماش وتركتها 24 ساعة
وكنت كل فترة انفل طابات اللبنة على قماش اخر لانه القماش يصير مبلول من اللبنة
وبعد ما نشفت كرات اللبنة
كنت احط طبقة في مرتبان من كرات اللبنة وكل طبقة ادير عليها زيت زيتون
واللبنة هادي الكرات تبقى ممكن 6 شهور ولا يصيرلها شئ
المهم انه الزيت يغمر اللبنة
وصحتين
واعطونا ارائكم الحلوة
حوا بجد @hoa_bgd
كبيرة محررات
عملت لبن ولبنة ولبنة كرات من الحليب............ يا سلام على طعمه
25
3K
يلزم عليك تسجيل الدخول أولًا لكتابة تعليق.
الصفحة الأخيرة
يسلم ايديك