عملك اخذك اثر في تربية ابنائك؟ تتمني لو انك ربة منزل؟

هلا الغاليه اسوار

بشارك باللي عندي صحيح اني ماني امراه عامله لاكن كنت ادرس وقت ولدي وبنتي الاولين اصعب مرحله واصعب شي تتركي اولادك وتروحي انتي تتالمي لمن تشوفي بكاءهم وقلبك يتقطع

اذكر كلمه قالتها وحده زميله الله يذكرها بالخير احبها في الله ذيك الانسانه قالت احلى مراحل وأيام اطفالك تمر وانتي بعيده عنهم مراح نعوضهم ولا نتعوض احنا عن اللي راح ابد

حفر في قلبي كلامها ومن قبل وانا رهيفه على اولادي وفضلت البيت والأولاد على العمل وان شاء الله ماخسرت

صحيح اتوظفت سنه لاكن تركت كل شي من اجل عيون أحبائي اولادي واني ماتركهم بيد خادمه مادري شتسوي فيهم

الله يكون في عونكم يالموضفات ويساعدكم ويحفظ أولادكم

الله يسعدكم ويرزقكم الفردوس الاعلى من الجنة ردوا على موضوعي هذا

http://forum.hawaaworld.com/showthread.php?t=3644354&page=15

هلا والله وغلا ... جبتيها اختي عالجرح

انا موظفه ماعندي شغاله خالتي (ام زوجي) هي اللي ترعى اولادي وانا بالدوام رافضه رفض كلي ادخل الشغاله بيتي على انه يجيني ايام انضغط بالشغل والبيت ومشاكل وبزارين بس خوفي اجيبها وابدا اتساهل على شوي شوي وغير كذا من اللي اشوفه الفرق واضح اللي تربوا على يدين الشغالات والشيء اللي ما نقدر كلنا ياالموظفات ننكرة انا مقصرين معهم بس والله اني حاولت بقدر الامكان اضغط على عمري ونفستي واعوضهم لو شيء بسيط صرت لاجيت من الدوام ما انام ولا انومهم احاول اشغل وقتي ووقتهم نسولف على بعض والله اني حيانا اجلس واضحك والعب معهم مجامله كله عشانهم والعصر ننام سوى الى اذان المغرب او اذا كان عندي تنظيف تنازلت عن النومه واصحيهم نتقهوى مع بعض والعشاء اذاكر لهم واذا كان عندي شغل للعمل بهذا الوقت انهيه وقبل ما انام ارتب البيت ..ويارب لك الحمد شفت نتيجة تعبي فيهم وماراحت هدر واشكرك يارب ولدي الطالب المتميز على فصله والطالب المثالي على الصفوف الدنيا بسم الله عليه وكل اولادي يارب لك الحمد الله يحفظهم من شافهم هلل عليهم مومبالغه بس هذا كلامهم والله الشاهد وموقف صارلي قبل فترة هو اكثر شيء كرهني بشغلي وحز في خاطري كنا طالعين لاستراحه ويمزح زوجي على اولادي يقول بجدع امكم بالمسبح وكنت اقول لهم تبوني اموت ولا يصير عندكم ام قال ولدي الصغير عندنا امي فلانه (جدته) هذا هي تجلس عندنا وانتي تروحين لمدرستك كأن مويه حاره منكبه علي كرهت حياتي وشغلي وتغيرت 180 درجه صرت احاااول بقدر الامكان ان وقتي معهم وجلستي نص اليوم على الاقل
الله يعيننا ويساعدنا يارب