واستفدت منه كثييييييييييييييييير وسهل انتي تقدري تسويه حتى لو كنتي جالسه ببيتك
مو لازم للسهرات
وهاذا الموضوع نقلته لكم وإن شاء الله تستفيدوا منه
اليوم بقووولكم عن خدع او حركــاآت حلوووه حق الميڪ اب يعني ممڪن نسميها عملية تجميل مؤقته
وراح اشرحها لڪم بالتفصيل ومع الصووور ...~
-----------------
في البدايه هذي الصوره اللي راح اشتغل عليها..
اولا)....تصغيــــر الانــف الكل يعرفها بس في بعض البنات مايضبوونها انا ماكنت اعرفها بس بعد تجاربي
عرفت الطريقه الصحيحه وتاكدت منها وفعلا روووووووعه تابعوا معاي بالشرح..
اول شي نحط البودره البيضه طبعا انا حطيت لون اوفر بالصوره عشان اوضح لكم الشرح..
وشوفوا شلون انا حطيته على الخشم ومديته فوق شوي وسحبته عالخفيف فوق الحواجب..
وبعدها تحطون اللون البني الخفيف على عظمة الخشم من بداية الحاجب لنهاية الخشم ولازم تلتزمووون من بداية
الحاااجب مثل الشرح بالصوووره...
ولااااحظــووو حليمه بولند من طلعت وهي تسوي هالطريقه ولحد الحين وتلاقون بكل صووورها واغلب الفنانات
يسوووونه ..
ثانيا)... اذا تبين تبينين الحنك من تحت ويطلع روووعه نفس الفنانات ...
تحطين لون ابيض على الحنك وبعدها خط مقوووس بالووون البني والشرح بالصوووره..
وهالحركه لها جاذبيه حلوووه تبرز حتى الشفايف..
اما ااذا اللي جهها طويل او ضعيف تسوي نفس الطريقه السابقهه بس الخط البني تحطه بالعرض
لانه بيعرض وجهها..شووفوا الصوووره
ثالثا)...اذا تبين تسوين مثل النحت للوجه اول شي تحطن البودره البيضه على رسمة قلب وانا حددتها
لكم باللون الازرق عشان تفهمووون اكثر...
وبعدها تحطووون البلاشر مثل ماهو موضح بالصووره..
ثالثا)...هالحركه رووووعه تعطي شكل رووعه ..على الحنك من تحت
رابعا)....هالطريقه حلووه كأنك مسويه تفخ لخدووودك شووفواا شلون بالصوره تحطون اللون الابيض بوسط الخد
وبعدها البلشر توزعينه على شكل نص دائره من نص الخشم مثل ماهو موضضح بالصوره وتحطين بعد من اللون الابيض على الحنك
عشان يبرز الخدوود وشووفوا الصووره شلون صار شكلها...
وبكذا انتهينا
اتمني من كل وحده تدخل ترفع الموضوع عشان الكل يستفيد
ولا تنسي الضغط على ايونه شكرا لو عجبك الموضوع