عملية أطفال أنابيب للمرة الثانية

السلام عليكم ورحمة الله وبركاته
شكراً لكل اللي سأل عني بموضوعي السابق
اللي كان بعنوان مقبلة على عملية أطفال الأنابيب
https://www.hawaaworld.com/%D9...

وأعتذر جداً اني انقطعت ولا كملت الموضوع.. 😁
طبعاً مثل ما كنت كاتبة بالموضوع تجربتي الأولى..بيوم السحب.. سحبو عني 14 بويضة.،واتصلو ثاني يوم قالي اتلقحو منهم تسعة.. لازم يكملو لانقسامات الأجنة في اليوم الخامس عشان يقدرو ياخذو منهم خلية ويفحصوهم
وتقريباً بعد خمس أو ست أيام زيادة اتصلو.. وقالو انه 4 أجنة صمدو لليوم الخامس وأخذو من كل واحد خلية للفحص وجمدوهم لأنه الفحص يطول لتظهر النتيحة
وبعد تقريباً أسبوعين ظهرت النتيجة


الأربع أجنة مصابين بالمرض الوراثي اللي عند بناتي.. ربي لك الحمد على كل شي.. تخلصو من أجنتي وقالو يعني مافي ترجيع للأجنة 😔
ما أنكر اني انصدمت و زعلت😁 بس حمدت الله وشكرته لانه أكيد خيرة.. أمر ربي كله خير في كل شي بالصحة والمرض.. أهم شي الرضا


وقررت أريح كم شهر.. وبديت تجربتي للمرة الثانية.. ورحت للمركز ثالث يوم للدورة وبديت ابر تنشيط وكذا
وأعمل صورة باستمرار.. المفاجئة انه جسمي هالمرة ما استجاب للابر مثل المرة اللي طافت.. يعني 14 يوم ابر ويادوب ظهرت 5 أو 6 بويضات وحجمهم مو ممتاز.. تقول الدكتورة انهم صغار يمكن 2 بس اللي حجمهم أوك
قلت يادكتورة يعني نكنسل خلاص.. قالت انتي فحص جينات لازم عدد كبير من البويضات.. بس مع كذا حددت لي موعد للسحب بيكون يوم الأحد بإذن الله ويارب خير.. وبس نفس التجربة الأولى بس ضعف استجابة للإبر (في أحد مر عليه كذا).. شو أسباب قلة الاستجابة لابر التنشيط
وان شاء الله بإذن الله أخبركم شوصار بعملية السحب وكم بويضة سحبو.. وأبشركم اخواتي
وربي يرزق الجميع بالذرية الصالحة السليمة المعافاة يارب