السلام عليكم


لا حول ولا قوة الا بالله

سبحان الله كتفهمو غير الي يعجبكم

اولا انا عندي اكثر من تجمع مشاركة فيهم، والحمد لله ما عمري لقيت مشكل مع حد
والى على جماعة راه دايرين قروبات في منسجر فيها اكثر من 50 وحدة في كل قروب

والحمد لله ما شفت غير الخير من الاخوات

حمالة الاسى انا ما قلت والو على نقل المواضيع ،انا غير شرحت الوضع، حقاش هدى كي كتب الرد ديالي
قالت ماتخفيش راح نقلبو ونجيبو المواضيع هاذا قصدي

لان التجربة الشخصية والمعلومات الي عند كل وحدة ممكن تفيدنا


ثانيا انا ما قلت ليكم ما جمعو او تقصرو ، لان قبل كل شي الملف ماشي ديالي، والمنتدى ماشي ديال والديي
يعني بالعربية تعرابت ماشي سوقي، يشرق يغرب مايهمني
غير الي خلاني نتكلم، هو ما نبقاو ضحكة وشفاية عند العديان
كل التجمعات عاطيينا للضحك والنشاط والفضفضة وفي نفس الوقت الفائدة

وانا كي قلت ليكم بغيت الملف يكون للفائدة، قصدي نضحكو ونجمعو وفي نفس الوقت نستافدو
لا اقل ولا اكثر


ايوا يسحابلي تنتكلم مع بنات بلادي يفهموني ونفهم، ساعة للاسف لقيت العكس
انا ماعندي لا بقرة لا نعجة في الموضوع، ومانيش اصلا في المغرب حتى نستافد من تجاربكم في الاطباء
غير حاسة بيكم اكثر ما حاسة بأحد آخر حقاش انا منكم وفيكم، وكنت نتمنى نتلقاكم حتى في المغرب


ودابا سمحولي ،دخلت سوق ماشي سوقي، الملف هاهو ليكم قصرو فيه جمعو فيهم ديرو فيه واش بغيتو
اعتابروني غير ضيفة معاكم، مرة مرة نجي نطل عليكم، واكيد نفرح لفرحكم ونحزن لحزنكم
انا عندي 2 تجمعات انا الي فاتحهم ومسؤولة عليهم، ورغم ذلك تنجي نطل عليكم
وسمحولي بزاف كي فهمتوني غلط


تهلاو في راسكم، والله يرزقكم بالذرية الصالحة عاجلا غير آحل، والله يرزق هدى الزوج الصالح

في امان الله
استودعكم الله الذي لا تضيع ودائعه

الصراحة انا متاسفة بززاف على هاد الحالة اللي وصلنا ليها حنا كلنا مراض وحساسين من هادشي اللي واقع لينا والضروف هي اللي دفعاتنا لهادشي عرفتو والله انا الى من زمان كنقلب نتعارف مع شي سيدات محترمات وفاش لقيتهم الحمد لله لقيتهم حتى هما عندهم نفس المعاناة وقلت هادو اللي يحسسو بي ونحس بيهم اما البنات اللي كنت نعرف كلهم ولدو الحمد لله اللي شكيت ليها كتقوللي زدتي فيه وماكتحسش بي وانا عادراهم حتى انا شاركت في التجمعات الاخرى ولكن فيهم بزززاف ديال التصنع وفاش لقيت تجمع مغربي قلت هدا هو اللي يهضر فيه الواحد بلا تصنعات ونفهمو بعضنا والبنات اللي مغربات نفوجو عليهم ونفكروهم بريحة البلاد جروح حتى انت احبيبة فهمتينا غلط راه لطيفة كانت في محنة وما بغيناش نخلليوها ونبدلو الموضوع الى درنا هاكداك دليل على اننا ماهززينش هم بعضياتنا وهدى مسكينة بعيد عليها هاد الهم وخا هكداك كتسول وتجيب لينا معلومات والله اختي جروح الى عيييييييينا بالهضرة فموضوع الاولاد وكنقلبو علينا المواجع كل نهار وقلنا نبدلو شوي فترة راحة صافي وحيت هاد النافدة مامواضبينش عليها البنات الاخرين كنكون انا وهدى ولطيفة ونفس الكلام داكشي باش كتقادا لينا الهضرة وكنخرجو على الموضوع وانا وللفتكوم بززاف وحببيتكم كاملين والله لهدا انا الاولى غادي نتاسف على اللي وقع وغادي نحل باب صلح لبنلت البلاد انا الاولى كنمد ايددي للصلح ونفتحوا صفحة جديدة والى مابغيتوش انا نساحب من المنتدى كامل وخا ماسخيتش بيكم العفريتات

وناري اصحبتي واش بغيتو تحمقوني
اعباد الله راني ما قلت والو
سبحان الله قلتلكم قصرو وضحكو وجمعو وفي نفس الوقت تكون فائدة
زعما دابا انا الي ما كنت واقفة مع لطيفة
راه ربي شاهد علي، يوميا الحمد لله تنصلي الفجر وتنقوم بالليل وما تنخلي حتى وحدة منكم في الدعاء

انا الى هدرت باش ما يتشمتو فينا العديان

والله قسم بالله ندمتوني علاش قلت الملاحظة ديالي

سبحان الله وبحمده ، لا حول ولا قوة الا بالله

وحتى انا ماقلت عيب غير شرحت علاش احنا خرجنا على الموضوع انا درت اللي علي ومدديت ايدي للصلح ساعة ما رد حد للصلح لهدا انا في اللي يكفيني الصراعات مع ضروفنا والصراعات مع العكوزة واش نزيد حتى فالانترنيت بزااااااااااااف وكنتاسف الى صدعتكوم وكنتمنى لكم حض سعيد فمسيرة الحمل والبنات اللي كيدخلو بالليل نجوى جوهرة سناء سحابة ام هبة ام نجمة ياسمونا وفلورة واللي نستها تسمح لي كنعتدر على هادشي اللي وقع بين بنات البلاد وبالسلامة عليكم

لا اله الا انت سبحانك اني كنت من الضالمين