لطيفة داخلا فالاناقة بلا ما تقولي الغدارة كتخونينا

ولي دعات مع بنت خويا لحبيبة ديالي خرجت لبارح الحمدلله هبطتليها السخانة
ألف ألف مليون مبرووووووك لأخت فاطمة ولعقوبالينا ولجميع المتأخرات والله يتمم لك على خير يـارب
شويا نرجع بما قريت لي فاتني

سحابة الى بغيتي خطوات التوقيع رجعي للصفحة على ما اضن 48 الى ماكنتش بالضبط قلبي غير حداها تما الخطوات اللي كتبات جروح الله يجازيها واضحين
والبنات اللي دعاو معايا لهلا يخططيكم واالله يعطيكم ما تمننيتو
وجوهرة على سلامتها مسكينة الله يتمم شفائها ويقر بيها عين والديها ويخلليها ليكم حتى انا ماتصوريش شحال كنبغي ولاد خويا سبحان الله تقول ولادي داك الحنان اللي مالقيت فين نفرغو كنعطيه ليهم الله يحفضهم ويرزقنا بشي وليدات بحالهم ياربي
ام ايمن ههههههه ياربي امين والله يشفيك ويرزقك بالدرية قريب غير بعيد شوفي راه على مااضن ماشي التكيس اللي عندك وقيلا غير شي كيس حيت الكيس كيدوب بالموانع الحمل اما التكيس لالالا على ما اطن شوفي بدلي الطبيب حيت انا عندي التكيس ولليت طبيبة مجالو كنتمنى ونترجا الله تعالى يشفينا ويرزقنا بوليدات صالحين ويفرج همومنا ويزوج هدى واندلسية هاد الصيف ياربي

نست ماقلتش ليكم راه اليو م خديت اخر حبة من اتروجيستون وكنتسنى الدورة بنت الحرام تجيني غدا ونهار 3 ناخد كلوميد و***** الله مانشوفها من هنا 9 شهور تجي مورا شي بيبي سالم غانم
بالله عليكم اخواتاتي دعيو معاي بخشوع
تمننيت نمشي الصيف لدارنا حاملة باش نطفي لماما واحد الجمرة ديالي كواتتها فقلبها ياربي انا تمننيت نفررح امي اللي وصيتينا عليها ووصانا عليها خير المرسلين صلى الله عليه وسلم ياربي حقق لي رجاي وفرحها بي راك ياربي عالي وعالم انها كتالم في صمت ياربي يارحمان يارحيم ارحمني وارحم اخواتي في الله بنات قسم تاخر الحمل وارزق كل محرومة يارب

السلام عليكم
جوهرة الحمد لله على سلامة البنوتة.
البنات اللي عندهوم تكيس كاين produit سميتو MACA المشكل ما كتباعش في المغرب, اللي عندها عائلة في الخارج تطلب منهم يشريوهالها. انا مشاركة في منتدى آخر و كاينين بنات عندهوم تكيس و حملو ما شاء الله بعد شهر او شهرين. انا عطتولي وحدة فيهم شاط عليها من بعد ما حملات, خديتو مي ما جابش الله.
غنحاول الى ممكن نجيب ليكم المساجات ديالهم.