البنات السلام عليكم ورحمة الله وبركاته

كيدايرين واش باقي عندكم شي صهودات ولا شوية برد الحال انا شوية الحمد لله.

هاذي يومين مادخلت كنت كنخرج وكنجي عيانة.

جروح والله الا انتي لي معدلة مشكورة حبيبتي على ظنك في تسلمين حبيبتي

تعرفي جروح نكولك سر انا تقريبا تقريبا عمري كلو ماخديت ورديت مع حد بالحسانية رغم اني صحراوية

ورابية في الصحراء لاني متربية مع ماما وهي من الداخيل وكانت علاقتي كلها مع ناس الداخيل وعلاقتي

بالصحراويات حدنها المدرسة.ياغير نعرف نتكلم بيها وخا شوي كتجيني غريبة بالنسبة لي.

وظاهر انني غير نكتبها ولكن يلا طلبتي مني نتكلمها يمكن مانقدر.

ام هبة راه لي قصدت ماشي انتي لي جاية في التران قصدت بتك هبة هي لي جايا ان شاء الله الله يجيبها بخير.

تفائلي الخير تلقايه يا ام هبة .ان شاء الله ربي يفرحك ويفرح كل محرومة هو قادر على كل شيء سبحانه.

حمالة التوأم عرفتي اشنو خرجت وشريت واحد ثلاثة البيجامات ثوبهم غليظ مكيبينوش وباردين دوك البيجامات

لي كيكونو بحال يلا مرشوشين بجافيل عرفتيهم راه ثوبهم بحال ديال الملاحف الباردين. حيث الملاحف جايبة معايا

غير جوج للصلاة مكنتش دايرة بحساب الصهد.وشكرا ازين على الاطراء كلكم كتقولو قلبي طيب واقيلا

انتوما كتعرفوني لعجي ههههههههههههههههه.

اندلسية ياربي ترزقك الزوج الصالح يارب وتفرج همك وخا انا بالنسبة لي مكاين شي حاجة سميتها هم

هذي غير كلمة اخترعها الانسان اي مشكلة كتوقع لينا لي كنشوفوها احنا مشكلة كتكون سبب ديال شي حاجة

مزيانة لينا بزاف يعني حتى حاجة متستحق وكلشي مزيان والحمد لله على كل الاحوال.

البنات الحاملات اش كتعاودو.كيدايرين مع لوحم؟قولو علاش كتوحمو نصايبو ليكم.

حمالة التوأم شوفي ازين بالنسبة لموضوع الحموات انا دائما ملي كندخل لشي موضوع وكنلقى شي وحدة كتشكي من الحماة

مكنجوبش ابدا ابدا لان كلامي مغديش يعجب بزاف الناس وغادي يشوفوه تحراش داكشي علاش كندير خمسة على فمي وكنسكت

رغم انني كنتفقص.ولكن معاك غادي نهدر وسمحيلي على لي غادي نقول لك.اولا متلوحيش الغلط كلو على حماتك نقدر نقولك

بان داكشي لي كدير معاك غير رد فعل للفعل ديالك هذا مكيعنيش انك انتي لي كتعداي لا ابدا.بالعكس انتي كتسمحي في حقك

وبزاف عاد وشخصيتك ضعيفة بزاف قدامها وسمحيلي أختي وهذا لي كيخليها تتعامل معاك هكاك. وبالنسبة ليها هي عادي

لان طبيعة البشر هي هاديك يلا لقاك ظريفة ومكتقوليش لا كيدير بيك مبغا وكيولي يشوف بان هذاك حقو وعادي لانك مكتقولي

والو كتعذبي في صمت.يعني الديفو ماشي فيها فيك.وعرفتي امتا كيكبر هاذ المشكل بزاف يلا كانت العجوزة ذات شخصية قوية

والعروسة العكس صافي تما كتولي غابة القوي كياكل الضعيف.يعني أختي متسنيهاش تبدل انتي بدلي راسك وقوي شخصيتك

ومتخليش شي حد يفوت الحدود معاك كما كان هاذ الشخص ومتسمحيش في شي حد يغلط فيك ولو بالتلميح.

وعرفتي اختي فقصتيني ملي قلتي بانك كتسقطي وكتشقاي في نفس النهار علاش؟ اش من قانون هذا وانتي لي غالطة هنا

انتي مريضة تنعسي ولي معجبو حال يعاود لراسو وراجلك مامحله من الاعراب. سمحيلي اختي بزاف طولت عليك.

ياربي ياربي متقلقيش من كلامي وتلاقيتي معاي مفقوصة من واحد الماتش حضرت ليه بين عجوزة وعروستها

لبارح من العائلة ويلا شفتي الظلم فين واصل ببنادم تعجبي وموحالش واقع ليك بحال هاذ ي لي كنعاود عليها والغلط

اولا واخيرا منها كما قلت ليك .عرفتي لوقيتة لي كاين الصداع كنقول كون كانت اختي نوض نتفها فقصاتني حيث

مكدافعش على راسك وتاخذ حقها.

انا كنغبر وملي نجي كنتخمكم سمحولي راه اختكم هدارة بزاف.

السلام البنات هنا جيت والله لا عيانة ومتنرتاح عير على ضهري والليت كالعود تقول فيا الموت
انت القردة نادبة التصلت بيك البارح ماتتجاوبيش
البنات جداد مرحبا بيكم جروح باقي مارجعنا ياك انت لاباس دعي معايا اختي

متفائلة اولا بالصحة البيجامات يدخلو عليك بالدرية ياربي تانيا
انا كنسحب كلمة انك طيبة ههههههههههههههههه نضحكو شوي بالعكس كناكدانك طيبة
بغيت نقولك الزين انا فعلا كنسمح فحقي حيت راجلي غير كيسمع شي لقطة ولا يشوف من امو شي حاجة دارتها معايا ولا ختو كيقوم الدنيا وما ينزلها لدلك انا كنتجاوز وكنسمح باش هو مايسمع والو وما يتخاسرش مع والديه باش يددي الرضا حيت انا كنخاف من غضب الوالدين الله يستر ولكن شخصيتي ما ضعيفاش لالالا بالعكس انا عندي شخصية محترمة هههههههه والله الى كيحشمو مني الناس ههههههههههه شتي شكار راسو
وكن مالقاتني هاكاك كن كلاتني حيت هي متجبرة بزاف ولكن لابد من الطشاش ديالها كيوصلني ولابد مانصبرو على وجه الله ورجالنا ولالا احبيبة وهادشي ضروري طول ما احنا عايشين مجموعين لابد مايكون الصبر على واحد ولهلا يخطيك على نصيحتك