السلام عليكم ..
اعرف وحدة سوتها وتعبت منها كثير مع انها كانت مضطره تسويها لان كان معها هبوط في المهبل يعني ما سوتها كذا من نفسها ..هي صحيح تخلي الوحده كأنها بكر لكن لا تخلو من أضرار..هي تقول أنها لاقت الويل منها أول شي بعد العمليه الله لا يوريكم ألم لا يطاق من شدته هي سوتها بعد 20 يوم من الولاده حتى أنها لا تستطيع الجلوس بس نايمه أما الجماع ماتتصورين وش كثر عانت حتى بنتها كملت سنه وهي في كل مره يصير جماع ينزل معها دم هذا بالاضافه للالتهابات رح تصير جزء من حياتك ...بتقولون الدكتوره يمكن مهيب شاطره ؟بالعكس الدكتوره استشاريه وعيادتها مزحومه ومعروفه وممتازه مره ..نصيحه لا تسوينها دام الوضع ما يستدعي سوي تمارين كيجل المعروفه واحرصي على نفسك في فترة النفاس والدوره اضمن لك من العمليات والخرابيط أسألي أي دكتور نساء عنها وشوفي وش يكون رده...:26:

حبيبتي لاتنسوا اسرانا : رفيقتي سوتها من 12 سنه عند مستشفى الراشد عند دكتوره اجنبيه اعتقد رومانيه الي كانت مع زوجها اسمها على ما اظن ( ايفا ) ما ادري ما زالت موجوده والا لا وصديقتي سوت العمليه الكامله يعني حطت لها اعتقد ( ترقيعه ) ( اجنبيه على بالها راح تكتفي فقط 3 اطفال ) وبعد ذلك جابت طفلين بعد سنتان من العمليه والتي اشرفت على ولادتها بعد العمليه هي د.فوزيه القطان وكان عندها خبر انها مسويه العمليه الكامله( يعني كانها بكريه) وصديقتي انا شفتها لما سوت العمليه كانت مؤلمه جدا وكانت تبكي كثير ( هي ترى كانت من النوع الي ما يتحمل الالم)وانا سويتها عند د.فوزيه القطان وكانت آخر ولاده عندي من 6سنوات وسويتها والحمد لله ( فيه الم بس والله تحملت)وصرت بعدين وش حليلي ( مافيه جماع بعد العمليه مدة شهرين ) والعمليه ما تصير بعد الولاده على طول غلط لان الاوعيه الدمويه تكون لينه وتنزف افضل واحسن لما تكون الامور عاديه ( فيه بعد الولاده د. فوزيه تعمل خياطه تضويق اذا طلبتي منها قبل ما تولدين اذا وصيتيها يعني تعمل لك خياطه لانها سوتها حق اختي وتقول زينه وايد ) صديقتي بعد الولاده في الطفل 4 سوت لها الدكتوره خياطه وكانت مثل اول طفل( صديقتي تقول العمليه الكامله كانت جدا مضبوطه لدرجه اول لقاء مع زوجها كان مثل اول ليله زفافها ) اما الخياطه بعد الطفل4 كانت ضيقه بس مو مثل العمليه الاولى ( مسكره مره وحده .. ها ها ها ) نصيحه مني هذي العمليه هي صحيح مؤلمه واذا تبين تسوينها وتفتكين وما تخربينها اعمليها بعد الطفل 4 حتى ترتاحين وتشوفين نتائج العمليه وتاخذين كم سنه بدون هم ولادات مثلي انا سويتها بعد ما قررت ما ابي عيال وانا الحين مرتاحه ( سويتها من سنتين )

حبيبتي a7labent اللي يبي الدح ما يقول اح ( هذا مثل ) مافيه حلاوه من غير نار بس النتائج باهره فيه حريم من كثر الاطفل الي وراء بعض او ( روسهم كبار ) الله يحفظهم يكون عندها توسع كبير ما يرضي بعض الرجال وش حيلتها الا ها العمليه وهي لازم تسويها ( هي ما هي ناقصه تعليقات من الزوج ) يكفي تعب الاطفال وترى الحرمه بطبيعتها تحب الجمال حتى في هذا المكان وتحب تكون دائما بنت ( وعندها عيال ) بالنسبه للالتهابات الي قلتي عنها هي بعد العمليه تكون عندها مراجعات مع دكتورتها لين تشوف الدكتوره كل شيء مضبوط خلاص تستانف حياتها ولا احلا من كدا . ملاحظه ( تري الدكتوره اولا تفحصك وتشوف مقدا التوسع وذا تحتاجين عمليه والا لا وتقول لك مقدار التوسع وتخيرك وتقولك اذا لازم تسوينها والا ما فيه داعي ) تري صديقتي لما راحت حق ايفا كانت معتقده ان العمليه هي اول وحده في الكويت راح تسويها (كانت خايفه جدا ) قالت لها الدكتوره كل الكويتيات يسوونها بس ما يقولون ليش انتي خايفه قالت ما قد سمعت اي حرمه قالت اني مسويتها قالت لها والله وايد الي سووها .

اختى لا تنسو اسرانا

شوفى اختى اولا العمليه لازم تكون عند دكتوره شاطره مره ومخصصه فى عملها
ولازم تقولين لها كم المده الى بتقعدينها بعد العمليه لانه مهم هذا السؤال مثل بتقعدين 3 سنوات او اكثر وترجعين تحملين

انا افضل العمليه بعد الطفل الخامس 00 اذا استدعى الامر

انا جلست الام مبرحه شهرين متواصله من الالام البقيه ترينها فى الرسائل الخاصه

نور بنت ابوها الله ينور عليج حياتج قولي امين



انا اللي اراجع عندها الدكتوره ايفا والله خرعتيني :06: يعني الدكتوره ايفا زينه والا لا ؟؟ صايره عجوز الحين وزوجها سافر وانا ناويه اسويها بالعطله الكبيره بس جاوبيني ايفا زينه والا القطان احسن منها .؟؟ يعني اولد عن ايفا واسوي العمليه عند القطان ؟





قصدج الخياط التجميلي والله تضويق عادي ؟؟



انتي قلتي بعد الطفل 4 سوت خياطه .. تقصدين خياط تجميلي والا خياط عادي ؟
بعدين رديتي قلتي الخياطه بعد الطفل 4 مو مثل العمليه الاولى ... اي عملية اولى وانتي تقولين كلهم الطفل رقم 4 ؟؟!!

انا ناويه احمل باذن الله تعالى اذا الله احياني بعد 3 سنين انشالله
وانا بعد بستخير ربي بصلاة استخاره

تكفين دزيلي عنوان القطان او رقمها بالخاص الله يخليج ولايغير عليج ويجزاج خير مو تكشتين فيني

ومشكووووووووره :26: