عملية القلب المفتوح .. ابي دعواتكم وتجاربكم

قبل سنتين الله رزقني بولد بعد انتظار دام ثلاث سنوات ربي سبحانه اراد انه يكون لي رحمة وكتب له يكون مصاب بمتلازمة داون

سبحان الله تعلقت فيه من يوم كنت حامل

وشكيت انه داون وانا حامل بدون فحص ولا شي مجرد احساس ام ولما شفته عرفت انه داون قبل ما يخبرني الدكتور

وما كرهته ( رد فعل طبيعي لبعض الامهات يرفضون اطفالهم المرضى ) بالعكس تعلقت فيه اكثر

طبعا الداون مشاكلهم الصحية وايد

اهم مشاكله الصحية عيوب خلقية بالقلب و الربو والاكزيما عانيت معاه وايد

المهم انا كاتبة هالكلام لكم لان ولدي عنده عملية الفلب المفتوح يوم الاثنين القادم بتاريخ ميلاده الثاني يعني بيكمل السنتين

بيوم العملية

تكفوووووووووون ادعوا ان ربي يعطيه عمر ويخليه لي ولا يحرمني منه

انا واااايد خايفة وما اقدر انام ولا اقدر ارتاح ودوم دموعي على خدي

ولدي الصغير ( عمره شهر ) كاسر خاطري اسوي له كل شي كأني مبرمجة تفكيري على طول بعملية اخوه

اذا عندكم تجارب شخصية يا ليت تشاركوني فيها لاني بالفعل محتاجة لوقفتكم معاي

زوجي ما يحب اكلمه بالموضوع وما عندي ام واخواتي لاهيين باشغالهم وحياتهم