عملية الليزك بمستشفى المانع بالدمام من فيكم يابنات جربتها

فوووووووووووووووق :(

مع انكم مااحد رد علي بس الحمدلله عملت العملية والان نظري تمام
ماشاءالله تبارك الله

السلام عليكم ورحمة الله
الف الف الحمدلله على سلامتك اختي ومبروك نجاح العملية ماشاء الله اللهم بارك
اختي اذا ممكن تكسبين في اجر وتعطيني تفاصيل العملية لاني من زمان ودي اسويها ومتردده
والنظر والانحراف كل ماله يزيد خاصة من ماقابلة هالكمبيوتر:(
ولا عليك امر ياقمر تقولي كل اجرائات عمليتك وكم كلفت
جزاك الله الجنة ووالديك :26:

الحمد الله على سلامتك
كم قيمه العمليه

الله يسلمك حبيبتي والله يبارك فيك
نصيحة لك من قلب اخت تحبك اعملي العملية وانسي هم النظارات والنظر الظعيف وقل الشوف
انا كنت مثلك اتعذب وكرهت شي اسمه نظارات وكرهت اكثر شي اسمه عدسات وعيوني كانت تتحسس جدا منها
المهم الي شجعني اكثر على العملية هو ولد خالتي لانه عملها عند الدكتور خورشيد والحمدلله نظره تمام التمام
شوفي حبيبتي راح اعطيك ايش الي صار لي بالتفصيل الممل
اول شي دقينا على الدكتور عمران في مستشفى المانع وكلمناه وقال لنا متى آخر مرة لبستي العدسات قلت له اول البارح قال لا لازم تكوني على الاقل اخر مرة قبل اسبوع عشان الفحص يعطي نتائج افضل
وبالفعل انتظرت تقريبا عشرة ايام وكان موعدي يوم السبت
رحت يوم السبت اول شي طبعا فتح الملف بمية وعشرين ريال وبعدين تروحي على الفحص
قبل لاتدخلي على الدكتور يدخلوك ثلاث غرف كل غرفة فيها فحص شكل عشان يعرفوا هل عيونك ينفع لها الليزك ولا لأ
وآخر المطاف تدخلين على الدكتور ويقول لك ان العملية تصلح لك ولا لأ وطبعا الدخول على الدكتورة قيمته 200 ريال غير فتح الملف
المهم قال لي الدكتور ان سعر العملية هي المفروض 5700 بس لانه يعرف ولد خالتي راح يعملها لنا ب 4000 ريال :)
ودفع مبلغ العملية هو يوم العملية وبالنسبة لي كان جهاز الليزك تحت الصيانة وقال لي اول مايخلص بندق عليكم وتجون قلنا اوكي
انتظرنا اسبوع كامل بعدين كلمناهم وقالوا لنا تعالوا يوم السبت لصباح للعملية
طبعا انا طول الليل التفاكير والهواجيس تروح وتجي :(
انتوا عارفين هذي عين ومافي اغلى من النظر
يوم السبت رحنا المستشفى على الساعه ثمانية ونص وانتظرنا لين جى دورنا ودخلونا على الدكتور وقال يالله فوق للعملية
وقسم انا امشي وقلبي يرقع رقع وخايفة موت وزوجي يهديني
ركبنا فوق وانتظرنا شوي ونادتني الممرضة ورحت دخلت غرفة صغيرة نوعا ما وفيها سرير وفوقها جهاز
قالت لي الممرضة شيلي النقاب ونامي
انا نمت وجا الدكتور وجاب شي مثل الملقاط قال لي طلعي تحت ودخل الملقاط وبعدين قال لي طلعي فوق ودخل الجهة الثانية من الملقاط عشان العين تكون مفتوحة ولاترمشي
بعدين حط لي نقاط هذا هو المخدر حق العين وجلس يحوس فيها بعدين مسك راسي وقال لي طلعي على النور الي يطلع من الجهاز وكلها خمس دقايق وخلص من العين اليمين وبعدين عمل نفس الشي للعين اليسار
وقال لي مبروك نجحت العملية وانا احس مثل الظباب على عيني
واعطاني نقط استخدمهم اول يوم اربع مرات وقال لي تعالي بكرة عشان نشوف شلون العملية
الي ذبحني وشو؟؟؟؟ الي ذبحتني هي الشمس حتى وانا مغمظة تضرب في عيني وتألمني مرة وانا تندمت لاني ماشلت معاي نظارة شمسية
وكان اول يوم فيه الم خفيف وماجى الليل الا والحمدلله خف الالم بس فيه ظباب قليل ولااقدر افتح عيوني كثير
والان ماشاءالله تبارك الله كل شي تمام بفضل الله ثم بفضل دكتور عمران خورشيد لانه دكتور شاطر ويده خفيفة ماشاءالله عليه
واعطاني موعد بعد شهر
اسفه طولت عليك بس حبيت اعطيك التفاصيل عشان تتشجعين وماتخافين ابد :26: