عملية تجميل مبتكرة . . . لكرتون . . !!

مرحبا يا بنات . . . .


كل شي كنت أتوقعه في حياتي . . . ، إن الناس تستغلني بتخزين الأغراض
وتحملني أشياء ثقيلة ، أو يفرشوني على الأرض في بعض المواقف
أو يرموني إذا ما كانوا بحاجتي . .
بس إن في يوم من الأيام أحد يسوي لي عملية تجميل ، هذا آخر شي أتوقعه . . !

خبيرة التجميل إللي جافتني وقررت إنها تغير من شكلي وأهميتي واستخدامي
هي طبعا هنايا . .
أنا الصراحة سمعت عنها من قبل ، وعرفت من بعض أصدقائي إللي أجوفهم
بالمهملات إنها تحب تستغلنا إحنا الأشياء المهملة وتسوي لنا شوية اهمية
مع شوية لمسة جمال . .
ومع كل هذا ما توقعت أبدا إنها تحولني لهذا الجما ل لدرجة إن الكل صار
يتكلم بجمالي وحلاتي ، يعني صرت حديث الناس وصرت أشهر من
نانسي عجرم . . . ! ! !

وعشان تصدقوني بقولكم هنايا شنو سوت وجوفوا بعيونكم واحكمو . .

أول شي قصتني بالحجم إللي تبيه . .



وبعدين رشت علي ماي بحيث إن الطبقة إللي فوق تصير غرقانة وما فيها مساحات ناشفة . . .



وبعد ما تنقع عدل شالتها بكل سهولة . .





وبجهاز السشوار مجفف الشعر يعني نشفتني ، وتحقق حلم من أحلامي
طول عمري أجوف البنات يستخدمون هالجهاز ويصيرون شحلاتهم وأنا
أموت حرة ودي أستخدمه مع إن ما عندي شعر . . !!



المهم بجذي خلصت عملية التجميل . . ، وحاولت هنايا إنها تستغل جمالي
جايفين هذا الصندوق . .



ما في عيب وشكله مألوف ومقبول . . ، بس جوفوا شكله لما هنايا غلفته
فيني صار مميز ومبتكر . .





وورق تغليف الهدايا وايد بالسوق وكله يشابه بعضه ، بس جوفوا لما أنا صرت
ورق تغليف الهدية زادت أهمية وجمال . . .



وجوفوا ألحين هنايا شنو سوت فيني ، أنا نفسي ما صدقت لما جفت شنو
طلعت بالنهاية . . !
أول شي خذت غطى علبة التشيبس وحطت فيه على الحافة من داخل صمغ





وبعدين قصتني بحجم مناسب ولفتني بشكل اسطواني على حجم الغطى . . وثبتتني عليه



وبعدين خذت غطى ثاني وقصت بس الحافة منه . .





وثبتتها على حافة الأسطوانة من فوق . .



وبس ، صرت حامل للأقلام أو مزهرية ما في مني بأي مكان . .





شنو أقول غير الله لا يحرمنا منج يا هنايا . . .