عملية تصغير الصدر............والبديل؟؟؟؟؟؟ ؟

أختي أنا قرأت تجربة بعض البنات ف يمنتدى العناية بالبشرة و انهم كانوا يلبسون حمالة للصدر أصغر من مقاسهم بمقاس واحد..و كل ما صغر صدرهم بينتقلوا للبس مقاس أصغر و أصغر..لين يوصلون للنتيجة المطلوبة..و كمان كان في تمارين بس أنا ما ادري كيف نتايجها...
و الخل ..خل التفاح مفيد للشد جربيه...و إذا ودك تقصيل أكثر اعملي بحث في قسم العناية بالبشرة و إن شاء الله بتلقين مرادك...

بالنسبة للعمليات الجراحية..من أكبر سلبياتها إنها تترك أثر للجرح على شكل حرف T أسفل الثدي من الصعب انه يروح و البعض قال انه ما يروح أبد....غير انه شكل الثدي بيختلف من حيث تجانسة و تدويره..و هذا شي يعتمد على مهارة الجراح وقت العملية...

و تسلمين يا رب من كل سوء....

بس بالمناسبة كثير يعجبهم الصدر الكبير... :D

اختي .. انا مثلك اعاني من الصدر الكبير بس ما فكرت بعملية تصغير الصدر ابدا اختي انتي مثلي ترضعين وشي طبيعي يكون كبير لان الحليب فيه.. وهرمونات الحليب مليانه بجسمك واستمري على الرضاعه لانها تنحف الجسم والصدر . وراح تلاحظين ان الصدر راح يصغر بعد سنه ونصف خاصة اذا وقفت الرضاعه بتلاحظين ان صدرك صغر ..
بس حبيت اسال الى الان ترضعين وكم عمر بنتك ؟؟؟ الله يخليها لك ..

عمر بنتي الان 6شهور وخلاص قررت اوقف الرضاعة ومشكوره لكي عبير الشوق ولالين على تجاوبكم معاي بس ابي كمان حلول يالله يابنات حواء وين الهمه..............انا بالانتظار

والله انا ولا حملت ولا تزوجت ولا سويت شي ابعمري عشان يكون هالصدر هو يزاااي:(:(:(انا للحين بنننت وصدري جنه وراي عشر عيال:(:( والعمليه يقولون نفس ما قالتلج الاخت لالين انا هم سمعت انه يشوه الصدر بالمره..
وترا لا تسمعين اللي يقولون لبسي مقاس اصغر او داومي على لبس الستيان في كل وقت حتى لمن تنامين.. لانه انا من طلعلي صدر البقره هذا وانا البس الستيان وما فاد ابشي.. ولو لبستي مقاس اصغر اتوقع انه يترهل لمن تشيلين الستيان لانه مو زين الضغط
وهم خل التفاااح مو الكل ينفع معاها.. ومادري يمكن يرجع انوع الخل.. وانه لااازم يكون طبيعي مو اللي ينباع عند العطار..واتمنىىىىىىى لو فيه حلووول بديله عن هاشغلات حتى بعد ما نحفت كل شي فيني نحف اللاااا الصدر بالعكس ترهل اكثر وصار بارز اكثر لانه اكبر من حجو جسمي واعتقد انها وراثه.. ادري احبط من معنويااتكم بس هذي لحقيييقه ويين بنروح عنهاا:(

في رياضه له ذكروها البنات بالمنتدى

وهي انك تجلسين مستقيمة الظهر .. وتصفقين بيدينك للخلف كل مره سويها وتدرجين فيها الين تعودين عليها وسويها من ميه الى ميه وخمسين مره .. واذا تعودي عليها بتكون عادي حتى ممكن تزودين العدد وانتي مو حاسه بشي ..

بس للاماانه مدحوهاااااااا كثير في تصغير الصدر .