طبيعى يابنات انالالتهابات تجى مع ربط عنق الرحم لانه شي غريب فى الرحم طبيعى يجى التهاب وافرازات بس لازم تتعالج لانه ممكن تسبب ولاده مبكره هذا اللى صارمعى فى ولادتى الثانيه ولدت فى الثامن بسبب الالتهاب اللى طول معى
الاصعب فى العمليه كلها فك الربط لانه لازم تكونيين مرتاحه على الاخر وغير شاده اعصابك
والله يتتملكم على خير ويقومكم بالسلامه

ياليت اللي فكوا الربط يقولوا لنا شلون كان ؟؟

هل يألم ؟ ولا عادي ؟

السلام عليكم..

بغيت أفيد البنات عن موضوع الربط بما أني خبيره فيه ... انا في كل مرة احمل لازم يسوون لي ربط لقصر عنق الرحم..

العمليه سهله وبسيطه تتم عن طريق البنج الكامل ... بعد البنج اصحى بالم خفيف جداً وشوي دم وافرازات ما تطول اكثر عن ثلاث ايام..

انام في المستشفى لمدة يومين..

الطبيبه تنصحني بعدم الجماع لمدة اسبوعين .. وصعود الدرج ببطء .. مامنعتني من الصعود.. بس قالت ببطء تصعدين ..

كنت أمارس حياتي بشكل طبيعي .. بس ما اشتغل في البيت بصراحه لأنه عندي خدامه ..

حذار حذار من حمل الاشياء الثقيله يا بنات ..

الربط عباره عن ربط شي مثل الحبل الصغير ويكون مطاطي .. هذا يعني وجود جسم غريب في المهبل ويؤدي بصراحه إلى الالتهابات وكثرتها .. عموما في فتره الحمل حتى اللي مب مسويه ربط تكثر عندها الإلتهابات ..

إهمال الالتهابات تراه يؤدي الى فتح الربط و حدوث عمليه الطلق المبكر والولاده المبكره مثل ما حصل لي و ولدت بنتي في الاسبوع 34 وكان الالتهاب وصل لها وظلت عشر ايام تاخذ حبيبتي مضاد لانتقال الالتهاب لها ..

لذلك يا بنات احذور من الإلتهابات ولاتهلموا أنفسكم .. انا خلال فترة كل حمل أخذ مرتين تقريبا مضاد بسبب الإلتهابات ..

بالنسبه لفتح الربط.. هو بالعاده يفتحون الربط في الاسبوع ال38 من الحمل.. وممكن تولدين على طول .. في اول طفل عندي ولدت على طول اليوم الثاني ..

ثاني طفله كانت في التهابات وطبعا انفتح الربط بسببها وحصلت وولاده مبكره في الاسبوع ال34 من الحمل..

ثالث طفل ولدته في الاسبوع ال29 من الحمل .. يعني بعد فتح الربط باسبوع..

يعني على حسب الحاله.. انا كل مره تكون عندي الولاده شكل وكل مره اولد بطريقه ..

بس تحذروا يا بنات في الالتهابات فهي العدو اللدود في الحمل وخصوصا للي يسوون الربط.. وايضاً تحذرن من الجلوس على الارض والجلوس بوضعيه القرفصاء لأنها تسبب ضغط شديد على عنق الرحم المربوط ..


بالنسبه لفك الربط يكون بدون بنج وما ياخذ غير دقيقتين.. تكونين مستلقيه عالسرير .. ولازم تكونين ريلاكس .. الدكتوره تحط لج هذي الآله المعدنيه اللي تفتح المنطقه تحت.. هيه عمليه مش مريحه ابدا وفيها الم بسيط ومحتمل .. وتدخل مقص طويل تقص خيط الربط .. طبيبتي بعد ما تقصه توريني اياه تقول هذا هو الحبل او الخيط .. وانا اقول لها تسوي لي تحريض للولاده.. وهيه أن تقوم بإدخال يدها لتوسيع عنق الرحم .. هذي الطريقه فادتني في اول طفل وعلى طول ابتدي احس باعراض الطلق و ولدت في اليوم الثاني.. ثالث طفل سوت لي الطبيبه تحريض .. ولكن ما فاد و ولدت بعدها باسبوع .. يعني على حسب الاستجابه.. وعلى حسب الوقت اللي يقدر الله فيه خروج هذا الطفل الى الحياة .. :)

وبس .. حبيت أفيدكم بتجربتي في الربط.. واي سؤال انا حاضره.. لاتسالوني اي مستشفى سويتها لاني مو من السعوديه :)

بنات الي مسوين ربط هل طلوع الدرج ياثر وخطير ولا عادي ؟؟؟؟؟؟؟؟؟؟؟؟؟؟

اختي حسناء ماهي جلسة القرفصاءمافهمتها؟؟؟

انا مسويته من ثلاث ايام بس تنزل افرازات زي الموية خفيفة مره مدري من الخياطة ولا موية الجنين بصراحة خايفة بس نقطتين ثلاث مو كثيرة