عملية ربط عنق الرحم مساوئها ومميزاتها

السلام عليكم ورحمة الله وبركاته

هذا اول موضوع لي بعد ماكنت مدمنه هالموقع وكنت اقرى مواضيع التلقيح الصناعي واطفال الانابيب

بفضل من الله ونعمه قمت بعملية انابيب في شهر اغسطس ولله الحمد تمت بنجاح ورزقني ربي بتوائم "ندعوا الله لهم الثبات"

الحين انا في الاسبوع الـ 15 وبعد محادثه بيني وبين الدكتوره اللي عملت لي العمليه اخبرتني بانه كان يجب ان اعمل عملية ربط لعنق الرحم:(

وانا تاخرت كثير كان يجب عملها بعد معرفتني بالحمل << طبعا فرحتي بالحمل نسيت ابلغ المستشفى اني حملت خخخ

المهم انا ماكان عندي اجهاض من قبل فقط ولادة طبيعيه لطفل ميت في الاسبوع 33 بسبب ارتفاع في الضغط " تسمم حمل"

وبعد هالولادة لم يقدر الله علي الحمل مره اخرى بطريقة طبيعيه

المشكله وين؟؟؟

القانون عندنا في قطر يمنع عملية ربط عنق الرحم << الله يعلم وين جابوا هالقانون

كلمت الدكتوره مره ثانيه قالت لي يوم الاثنين القادم اكلمها لان الدكتور في اجازة وجاي يوم 16

المشكله بعد وين؟؟؟

قالت لي الدكتوره ان الولاده 90% بتكون قصيريه لان حملي مو طبيعي " انابيب" << مو مقتنعه

ولان حملي مو بيبي واحد << يارب يثبتون

فلازم انبه الدكتور وقت الولاده اني مسويه ربط عنق رحم << عشان يفكونه :11:ماينسونه خخخخخ

وهو اصلا ممنوع عندنا في قطر

انا الحين محتاره بين اني اسويه وبين اني مااسويه ابي اسويه عشان ماتحسف واندم

واخاف اسويه وتصير لي مضاعفات اثناء الولاده

لان ولادتي الاولى كانت قمة في التعب لدرجة اني طلعت من غرفة الولاده حتى رقبتي ملفوفه لانهم يدورون وريد

يدخلون فيه شفاط لكثرة الماي بجسمي وقاعدين يضربون رقبتي صرت مثل المشخاله "الغربال" من كثر نغزات الابر

اللهم لا شماته طب متخلف:11retcher


بليز اللي عملوا هالعمليه يذكرون لي كيفيتها وهل هي تألم؟؟؟ وهل اعملها او لا؟؟؟ لاني اذا بعملها بعملها في دولة اخرى مو في قطر

وبعد هالعمليه بيوم او يومين برجع لقطر بالطياره " 3 ساعات جو"

فانصحوني بليييييييييييييييييييز

انتظر ردودكم بفارغ الصبر