الحمد لله أولا وآخرا
حبيبتي قصتكم نفس قصتنا
وصدقتني منى حسين اعتبرها أجمل حاجه عرفتها في رحله علاج العقم
ربي يسعدها ويوفقها إنسانه طيبه وراقيه وتعاملها جداً راقي وتراعي الظروف النفسيه
الخاصة للمراجعين
بخصوص زوجك
أنا زوجي أخذ الكورس ست شهور وعمل مسح والنتيجه صفر
وبرضو نتيجه العينه لايوجد حتى خلايا أم
رغم أننا سبق عمل زوجي مسح وطلع معاه خلايا أم توقف قبل المرحله الأخيرة لتكون الحيوان المنوي
أنا أفسر سبب اختفاءها بعد أن كانت نتيجه جيده ومشجعيه لاعاده العمليه
أن الكورس العلاجي لم يناسب زوجي وسبب له انتكاسه
حبيت أصحح لك معلومه
إذا طلعت نتيجه العينه لاقدر الله صفر استعيني بالله وأعطي زوجك فيتامينات
مثل البروكسيد والعسل والمكسرات وغيرها
كثير طلع عندهم حيوانات بعد ماكانو سيرتولي سيلز وهي حاله اختفاء حتى الخلايا الأم

ربي يسعد كل من مرت هنا ودعت لي
وربي يكتب لها من دعواتها لي نصيب
ويارب يكون لها بالمثل وربي يسلمكم

....
حبيبتي عيون دحوم انتي قلتي ان زوجك مثل حالت زوجي طيب شنو سويتو بعدها اقصد خذا .......
فيتامينات مثل البروكسيد والعسل والمكسرات وغيره
مثل ما قلتي لي

الله يرزقكم يارب بس اش خلاك تروحين هناك في مراكز غيرها ترا ذريه ايام زمان ممكن كان عندهم امانه بس لما اغتنو استغنو خليك من ذريه والله نصابين وماهمهم الا الفلوس ونفسهم شينه جدا
انا جايه اتعالج بفلوسي واللي فيني مكفيني ابي احد يحس بمعاناتي ترا نص العلاج النفسيه
والله لما رحت لهم ماستفدت ولا شي انا ياما شفت منهم بس مابي اذم حسبي الله وكفى
اول شي يتكلمون فيه المبلغ يعني عيب
هذا غير انو مرت عمي مسويه مرتين عند الصفيان ولا نجحت المشكله حتى مايقولولها وش السبب الرئيسي لتاخر الحمل مره يطلعونها سليمه ومره يطلعون فيها عله ماقول الا الله ياجرنا على هالتعب بس والله ان الصحه نعمه وتاج على رؤوس الاصحاء والله ماتمنى الا اني اسمه كلمة ماما قبل لاموت
انا كبرت وصار عمري 32 ولسى ماشفت ولدي
احلم بنص بزر بس
احلم بالامومه احلم بطفل امسكه واضمه واشم ريحته وارضعه واحس بكل الاحاسيس اللي يحسونها الامهات
خواتي اللي اصغر مني خلفو وانا لسا
والله اللذي لا اله غيره صرت اخاف امسك طفل اخاف يجيه شي من ربي ويقولون من عين فلانه
اتظاهر بعدم رغبتي بهم وانا ابي اموت عليهم
نفسي امسك ايدين طفلي واحط اصبعي بكفه ويمسكني بقوه واقبل يده
نفسي اغير له البامبرز
نفسي اسهر عليه واقول ماخلاني انام وانا اضحك
مشاعري متضاربه ياربي ارزقني وارزق كل وحده هنا تتمنى الحمل فالاطفال نعمه وكنز حافظو عليهم

يالله يا جود ربي يرزقني وياك وكل من تتمنى الذريه
انا ان شاء الله وضعي زين بس المشكله في زوجي
واذا تقولين عمرك 32 انا 35 وزوجي 38 ولسى متزوجين من سنه وكم شهر
بس ما نقول الا الحمد الله كما ينبغي لجلال وجهه وعظيم سلطانه
ما نعرف وش الخيره فيه يمكن تاخر الاحمل لنا خيره ربي صرف عنا بها شر

الله يرزقنا يااارب الحمدالله ع كل حال
وبنسبه الذريه انا سويت عمليه عند ابتسام المزين وللاسف احذر منهااا
والله يوم راح زوجي يسالها عني عقب العمليه تنافخ وقبل العمليه بس اهم شي استلمت العمليه ولا سوت لي اغلب الاشياء الي يسونها بالعمليه
وبالنسبه الدكتور حمود مشاء الله عليه عالج زوجي عنده اسلوبه طيب وخلووق جدااا
وكل شي بأراده رب العالمين الله يرزقنااا يااارب