السلام عليكم ورحمه الله وبركاته
شحالكن حواءات،، عساكن بخير؟!
عزيزاتي،، عندي استفسار عن عمليه زرع عدسه دائمه فالعين لحل مشكله النظر،،
خلوني اعطيكن معلومات عنها اول عشان اللي ماعندها فكره تستفيد وياليت اللي عندها فكره تفيدنا (:
هالعمليه يسوونها اكثر شي للناس اللي ماينفع معاهم الليزك لانه قصر/طول النظر عندهم شديد جدا
وللي يعاني من قصر/ طول نظر متوسط بس القرنيه سمكها رقيق "ضعيف" <-- هذي مشكلتي
العمليه عباره عن زرع عدسه لاصقه داخل العين شبيه بالعدسات اللي نلبسهن خارج العين
العدسه هذي يحطونها ورا البؤبؤ،، وتتميز بانها مصنوعه من ماده تخليها مرنه وطريه والجسم ممكن يتقبلها بسهوله واتم مدى الحياة فالعين وطبعا يقدرون يشيلونها في حال سببت مشاكل
العمليه ماتاخذ وقت اعتقد مابين 15 الى 30 دقيقة..
هني فيديو شرح للعمليه
http://www.eyemaginations.com/v/2415/46d452a0cb809
للحين مالقيت شخص مجرب هالعمليه ومسونها >_<
ياليت اللي مسويتنها تخبرنا عن تجربتها او حتى تعرف حد مسونها
شو عيوب هالعمليه!!
الحين بخبركم بقصتي <-- يبالها كوفي وكوكيز
طبعا انا من الامارات وبالاخص من بوظبي..
الله يسلمكن رحت فحصت عند المغربي عساس بسوي ليزك وقالي مايصلح لج
عندج مشكله خلقيه القرنيه سمكها وايد ضعيف ومع شده ضعف نظري ماتنفع
وقال ماعندج الا حل واحد فقط لمشكلتج تسوين زرع قرنيه..
الصراحه ماعيبني الدكتور مع انه وايد يمدحونه واعرف ناس مسوين عنده ليزك ويمدحون فيه
بس ماعطاني وقتي كـ مريض ياي يستشير.. كان بس يبا يفتك مني ومامداني اتخبره واسأله عن شي :mad: وعلى طول حولني على وحده تخبرني عن زرع القرنيه، مابا اذمه بس هاللي لقيته منهم <-- يهمها التعامل قبل اي شي
وهم تعاملهم بدون مبالغه زفت،،
ماعلينا،،
قلت اخذ راي خبير ثاني.. رحت سويت فحص ثاني عند دكتور روسي في مستشفى لايف لاين
هو بروفسور وماشاء الله عليه عطاااااني وقتي كااامل.. بس يهذرب وايد ويتلقف وايد
استفسرت منه عن كل شي ومافيه سؤال ماسألته وشرح لي مشكلتي بالضبط..
واستغرب يوم انه الدكتور اللي فالمغربي قال ماعندج الا زرع قرنيه!
قالي اصلا زرع القرنيه احتمال كبير ماتناسبج،، لانه لازم لج قرنيه يتقبلها جسمج وافضل قرنيه ممكن يتقبلها جسمج يفترض تكون من حرمه/ريال خليجي/هـ او عربي/هـ وانتو المسلمين ماتتبرعون بأعضاءكم يعني صعب اصلا تلاقين قرنيه تناسبج
وغير انه لازم تتريين حتى تحصلين قرنيه من شخص يبالها وقت.. وعقب تترين يتقبلها الجسم والا مايتقبل!
المهم،، قالي عن عمليه زرع عدسه دائمه في العين وفهمني انها سهله ومناسبه للوضع اللي انا فيه
طلعت من عنده مرتاحه نوعا ما.. عالاقل لقيت لي حل ثاني غير زرع القرنيه
ومن فتره ادور وين افضل مركز او طبيب عيون عشان اخذ استشاره ثالثه واحسم القرار
خبرتني بنت ييرانا عن مركز الشريف للعيون في دبي
ودخلت على موقعهم ولقيتهم حاطين شرح كامل عن عمليه زرع العدسه اللاصقه"ICL - Implantable Contact Lens " وكذا..
اتصلت بهم وخذت موعد فحص وان شاء الله خير..
اتمنى القى حد يعرف شي عن هالعمليه وعيوبها
او حتى عن هالمركز
اظني ماله فرع فالسعوديه،، لهم بس في دبي والدوحه وعَمّان
ياليت نلقى حد يفيدنا.. حنكون ممنونين كتير
بس الفديو يشتغل ويتوقف شوي
تسلمي