:27:السلام عليكم بنات واخواتي في عالم حواء بارك الله فيكم جميعا
انا ولادتي تقررت قيصري لاني عندي رحم ذو القرنين والطفل جاي مقعدي
يعني عمليه وممكن قبل موعد العمليه يجيني طلق فقالي الدكتور اذا حسيتي طلق ولاشي نزل تعالي بسرعه ومعي اوراقي وكل شي يبين حالتي ووضعي
المهم ياخواتــــــــــــــــــــــــــــــــــي
وخاصه الخبيرات واللي عندهم تجارب قبل لاني لي تجارب فااااااااااااااااااشله ...
وش اسوي ؟؟
يعني كيف اجهز نفسي للقيصريه عشان اكفي نفسي شر الشمم يعني مثلا اشرب مره ولا ادهن فيها ولا حلتيت ولا ايش هذا قبل العمليه يعني قبل اروح المستشفى عشان الشمم وهل اعطر ملابسي وملابس البيبي قبل اروح المستشفى لاني بس جهزتهم ماعطرتهم وهل اذا عطرتهم وتعطرت بلمستشفى مايجيني شمم وهل بخور البيت يسبب شمم يعني لو بخرت شقتي قبل اروح عادي ولا يضر ....
تدرون عندي شكثر اسئله احس اني نسيت ؟؟
طيب بعد العمليه تقريبا 3 ايام مايخلوني اكل شي وش اسوي يصير اشرب شوربات ساخنه وحلبه مع عسل او اي شي ثاني ؟؟
طيب متى ابدأاشرب علاجات النفاس وش اللي يناسب حالتي ومتى ابدأ
وهل الكبو يناسب العمليه وكيف اسرع بعمليه شفاء العمليه لاني بولد لحالي امي بس تجي اسبوع وتروح وبنتي راح يكون عندها مدرسه ولاعندي خادمه ...ابي اقوم على حيلي بسرعه
ادري قررررررررت كثير واحس اني بعد ناسيه
بالله أسألكم النصيحه من خبره وتجربه وياقشر قهوه والمداويات لاتنسوني ولكم الاجر
سؤال اخير الحين اللي تولد قيصري دعوتها مستجابه ؟؟ نفس اللي تولد طبيعي وبطلق ؟؟:27:
قسوه ورده @ksoh_ordh
عضوة فعالة
يلزم عليك تسجيل الدخول أولًا لكتابة تعليق.
الله يقومك بالسلامة ويخليك لعيالك يا رب
راح اقول لك الي اعرفه والبنات ان شاء الله ما يقصرون
لا تتعطرين ولا تعطرين ثيابك ولا النونو اما البخور العود الصافي بدون خلطات ما فيه شي ولا يسبب شمم
ولا تدهنين بحلتيته ولا مره لكن خليها معك وبعد ما تصحين شميها وبس
قبل تروحين لا تسوين ولا شي
وبعد العمليه لا تاكلين ولا تشربين الا اذا سمحت لك الدكتوره لانه خطر وفيه وحده توفت بسبب شربة مويه امها عطتها بدون ما تدري انه ممنوع
بعد ما يسمحون لك بالشرب خوذي شاي الاعشاب يطرد الغازات ويلين البطن والاكل الدافي والشوربات وابعدي عن اي شي يسبب غازات او امساك والجرح لا تسوين فيه اي شي سوي زي الي تقول لك الدكتوره وحاولي تمشين شوي شوي
والدعوة يا قلبي ان شاء الله مستجابه وش تفرقين عن الطبيعي كله الم وجهاد
ولا تنسيني من دعواتك الحلوة بتؤام ذكور صالحين كاملين معافين سليمين من كل علة عاجلا غير آجل
.......................................................
الصفحة الأخيرة
رفع
رفع
رفع
أنتظركم ....