عمليتي وولادتي خطوه خطوه

هاه رجعت لكم ودخلنا مستشفى ارمكوا مع الباب الرئيسي وحست من شدة الخوف باانقباضات في الرحم ودخلنا عند تسجيل الدخول للتنويم والموظف ياخذ بيانات زوجي ورقم جواله ولمحت عيني الخايفه المترقبه استخراج للمواليد شهادات وللوفيات كانت لافته محطوطه على المكتب وزاد رعبي اكثر واكثر وقال الموظف اطلعوا مع المصعد هذا والله ياخواتي كانت رجولي ثقيله وكنت اسحبها بثقل وكانت الساعه ست ونص والمستشفى شبه فاضي وطلع زوجي يدور وانا وراءه امشي ببط والعبره غاصه في حلقي وجدنا ممرضه اخذا البيج نمبر وقالت الملف جاهز واخذتني على غرفة الانتظار وقالت روحي الحمام والبسي هاالملابس وحطي كل ملابسك بالكيس واخذت الحراره والضغط وجابوا حقت القلب وسوت تخطيط وطلعت دقات قلبي سريعه قالوا يمكن من الخوف وجاءت دكتورتي الله يسعدها ومسكت يدى وقالت وش استعدادتك قلت خايفه تكفين اعتبريني اختك قالت اعز انتي مسوؤله مني وشافت معي كتاب الاذكار وقالت كملي قرايت كتابك وكلها عشرين دقيقه وندخل العمليه وراحت رجع زوجي وقاعد يطمني وانا ماارد على احد بس استغفر واقرا الاذكار ركبوا المغذي وبعدين مااشتغل وحاطوه باليد اليمين واشتغل فقلت للممرضه زين اشتغل في اليمين اللهم اجعلنا من اهل اليمين واخذوا تحليل دم وركبوا لي قسطره وشربوني شراب تقول لتنظيف المعده ولحفوني بالشرشف على وجهي ولبسوني كيس على شعري وزوجي ماسك قالوا يالله لغرفت العمليات

00(( عفوا جاء العشاء بتعشى واكمل لكم ))))))))))))

اتجهنا لغرفة العمليات وحطوني على سرير ضعيف وجلسوني وجاءت ممرضه ومسكت رجولي من تحت كانها بتغسلهم هي جالسه على ركبه وانا جالسه على السرير وممده رجولي وبعدين جاء طبيب التخدير امريكي ومعه مساعده اردني وقالي المساعد الحين بنسوي مساج يوسع فقرات الظهر علشان تدخل الابره وبعدين قال اعفطي ظهرك زي الرباينه والحين بنعطيك ابره تخديريه للظهر قبل ابرة الظهر وبعدين قال الحين ابرة الظهر ودقني ابرة الظهر وحسيت بحراره في ظهري ولزق ظهري وسدحني علي السرير وقال الحين بتحسين بثقل في رجولك وربطوا رجولي وشبكوا الستاره على اكتوفي وشاش اخظر وقالوا بتخسي بثقل وقالي المساعد وهو قاعد عند راسي بدات العمليه

وقصة العمليه بكره اكمل جاني النوم وهي تبي تركيز علشان ماانسى شي

تصبحون على خير

الحمد لله على السلامة وكملي قصتك بانتظارك

الحمد الله على سلامتك وسلامة البيبي يتربى في عزكم يارب
كملي حنا في انتظارك