ماشاء الله تبارك الله
لازم تقولوها قبل ماتشوفوا الموضوع وكل ماشفتوا شئ أعجبكم اذكروا الله
بسم الله الرحمن الرحميم
هذا أول موضوع لي في هالمنتدى أتمنى انكم تستفيدون منه وتدعون لي بالذريه الصالحه
كثيرين اللي يطلبون عجينة الورق قلت ليه ماانزل موضوع عنها بما أني سويتها ونجحت معاي والحمد لله
المهم طريقة عجينة الورق خذي جرايد وقطعيه قطع صغيره <<<<< هههههههه حلوه قطعيه صار لحم
المهم انه يطلع عندك قطع صغيره لكي يسهل عجنها
وخذي وعاء وحطي الورق فيه وصبي عليه مويه حاره وخليها شوي الين تدفى المويه بعضهم يقولوا خليها من الليل
ألين الصباح أنا أشوف انها مافرقت اني اخليها من الليل الى الصباح وإني اعجنها من وقتها في النهايه بتنعجن معاك
سواء طولت والا وماطولت <<<<< وش رايكم في الكلام مره لغه عربيه ومره من جنبها بس مشي حالك أول مره أكتب موضوع فمتحمسه لاتلوموني :hahaha:
وهذه صورة الورق وهو منقع في المويه ماطول الين بدأت تدفى المويه
وهنا بعد ماعجنتها ولازم تلبسين قفاز عشان الحراره وتعرفون جنس ناعم مانتحمل :o
لو تلاحظون باقي مانعجنت زين باقي فيها قطع ألحين صبي عليها غراء خشب وهنا صبيت عليها الغرا
بعدين اعجنيها مع الغرا الين تتجانس وتصير عجينه ناعمه تختفي معالم الجريده وهذه بعد مانتهيت منها وصارت جاهزه للتشكيل
وللموضوع بقيه انتظروا أعمالي بعجينة الورق
هنا شكلتها على الجدار تشكيل عشوائي وكانت بدايتي على هالجدار فخبصت شوي وترى الجزء الغامق في الصوره صورته وماقد جف عشان كذا طلع غامق
وهنا بعد بس بشكل ثاني واستخدمت المسطره
وهنا بعد تلوينها
وهذا جدار ثاني حطيته كله بالشكل هذا
وانتظروا الباقي لكن الآن تعبت انتظر ردودكم ودعواتكم الحلوه
ولاأسمح لأي أحد ينقل موضوعي من دون ذكر المصدر ومع تمنياتي للجميع بالفائده