أشتري قماش تل على أسترتش
وشريط ستان يناسب اللون مثل تل بيج وشريط ستان بني
وحطي مطويات وشريط وكتيب ولفيه
وفي في دار القاسم كروت صغيره مكتوب عليها تفضلي أخيه من جهه والجهه الثانيه نصيحه مثل عن النقاب أو الحواجب أو البنطال يعني تجي علبه فيها يمكن خمسين كرت فيه نصائح مختلفه
أخرميها وعلقيها في الشريط الستان
وعند دار القاسم علب هدايا مرره حلوه

الدال على الخير كفاعله

السلام عليكم ورحمة الله وبركاته ....
آسفة اختي معارف على التأخير بس والله ضروفي هاليومين ماسمحت لي إني أدخل النت

راح أقولك على كم فكرة :
1/ جيبي خيش وبخيه باللون إلي تبين
خلاص ثم خصصيه مربعات على حجم أكبر من حجم الشريط نفسه
ثم اسحبي الخيوط إلي على طرف الخيشه المربعة إلي قصيتيها
تخيلتي وش لون ثم غلفي الشريط إلي بتوزعينه على شكل هديه بتغليفة مناسبة لونها لون الخيش
واربطيه طبعاً بشريطة الهدايا بلون مناسب للخيش ثم لصقيه بالصمغ الحراري على الخيش بس ماتكثرين
صمغ بس إلي يخليه يلصق ورتبيه بشكل في سلة يكون لونها بعد مناسب أو طوفريه كشخة .

2/ جيبي تل أو دانتيل أو قماش ستان أو خيش
وقصي منه مستطيلين قد بعض ثم إلصقي أطرافها مع ثلاث جهات بالصمغ الحراري
O.K
ثم اقلبي الكيس يعني إذا صمغتي خلي إلي داخل لبرا وإلي برا خليه لداخل!!!! (أدوختك)
ثم دخلي الشريط إلي بتوزعينه داخل الكيس واربطيه بشريط ستان بشكل مرتب وعلقي عليه
بطاقة بشكل حلو واكتبي عليها ( لأني أحبك ) هذي الكلمة تأسر قلوبي الكثيرين .

3/ جيبي ورق تغليف راقي من النوع إلي يكون بين الورق والقماش عرفتيه
ما أدري والله وش اسمه أظن اسمه (الجوخ )
خلاص ثم قصيه مستطيل كبير شوي أكبر من الشريط ثم حطي الشريط بوسطه ولفيه على شكل حلاو واربطي
طرفيه بشريط ستان يطلع شكله حلاو فهمتي وش لون
وألصقي عليه بطاقه صغيرة بشكل حلو بس انتبهي لاياخذونه البزارين <<<<<<<<<<ههههههههههه
بس والله شكله حلو في النهاية ويواجه

4/ ممكن تجيبين صناديق صغيرة أشكالها حلوة من أبو ريالين ويتحطين الشريط بوسطها
وتقدمينها .


شوفي أنا جبت لك صور من المنتدى وغيره جمعتها لك
إن شاء الله تفيدك
لعمل البطاقات وعمل التغليفه
بس انت ركزي شوي وراح تفهمين وش لون تتصلح
وإذا مافهمتي أعلمك ان شاء الله
ويارب تعجبك
وأي شي تبينه أنا بالخدمة ..

وهاك الصور ...







تحياتي ..
دندوني ..