عمل زوجي هو السبب

السلام عليكم ورحمة الله وبركاته
كيفكم بنات بدخل في الموضوع على طول
عندي مشكله واتمنى منكم ايجاد الحلول المناسبه
انا ساكنه في الرياض بس بعييييدة عن اهلي واهل زوجي .زوجي جاه انتداب للقصيم لمدة 3 شهور اذا اثبت جدارته بيتثبت هناك
المشكله اني قاعدة في بيتي عشان مدرسة بنتي 3ابتدائي واخوي ينام عندي احيانا بس الحين بدا يمل طبعا لبعد المسافه ولان عنده اشغال
متفقين انا وزوجي بعد الدراسه ننقل عنده .بس الحين تضايقت لعدة اسباب
زوجي اعوذبالله عنده عدم اهتمام يعني ماحاول يتصرف يوم جاه النقل ولافكر وش بنسوي وافق وخلاص ,هو دايم هذا طبعه يسافر وماعنده اي مشكله عندنا احد او لا
شقتي قبل شهر جايين فيها حراميه واحنا ماكنا موجودين
وضعي بين الناس غلط اليوم كلمني عمي ابو زوجي وخاطره شين وانا عارفه ان قصده قعدتي لحالي لان امس كلمتني عمتي وقلت لها ان اخوي ماجا بس يوم واحد وزعلت قالت ليش ماقلت عشان نجي عندك وكلام الناس مايرحم
للعلم ابوي مطلق امي وكل في بيته يعني وضع العايله شوي مو مترابط
زوجي له 13 سنه ماقدر يشتري ارض او بيت او يجمع مبلغ
الحين انا دايم اتعاون معه واقعد لحالي بس اللي قهرني الحين انه كلمني قبل شوي وقال الراتب نزل ناقص قلت بسيطه وقف عند صراف وتاكد قال ماني فاضي يعني عنده عدم اهتمام لو يروح كل اللي في الحساب ماسأل
يعني انا اتحمل كلان الناس وهو مو مهتم لافي بيت ولا اولاد ولا مستقبل من جد ميته قهر وابي الحل منكم
المهم قسم بالله يابنات تعبت اهل زوجي مو مقصرين ولا اخواني المتزوجين بس انا استحي كل يوم داقه على واحد ينام عندي وش الحل يابنات تكففوووووووووووووووووووووووووووون