عمل وحدات منفصلة لتشكيلها فيما بعد.. بالخطوات والصور (سهلة جدا)

السلام عليكم ورحمة الله وبركاته لاحلى حوائيات


زي منتو شايفين انا عضوة جديدة 
وسجلت في المنتدى مخصوص بعد ما جذبني قسم الكروشيه 


وبصراحة شفت كيف انو العضوات هنا زي الاخوات 
كل وحدة تعلم التانية ... واللي تسوي ورشات للتعليم 
واكيد هذا كلو في ميزان حسناتهم لانه علم نافع ينتفع به


وفي اشياء في الكروشيه لما الوحدة تشوفها تحسبها صعبة جدا 
وبعد ما تشوف خطواتها تكون سهلة جدا جدا وخطوات بسيطة وغرز ابسط من اللي اتوقعتها


انا هنا بديت بكوفلة لولد اختي ربي يحفظه ياااارب
توأم للبنت اللي سويتلها البطانية السابقة ما شالله تبارك الله

وهذا موضوع البطانية اذا تحبوا تطلعوا عليها...
http://forum.hawaaworld.com/showthread.php?t=3504043

انا لسا ما خلصتها بس حبيت اوضح لكم الطريقة اللي قاعدة استخدمها لهذه الكوفلة
لانها حلللللوة وسهههههللللة  و كلها عبارة عن سلاسل وعواميد فقط!!!
وتقدري بافكارك تخليها شال او بلوزة 
وهي عبارة عن وحدات ،، وانتي تشبكيها في بعض وتتحكمي فيها على حسب طلبك 



واي استفسار انا جاهزة وتحت امركم

وياااارب يكون شرحي خفيف عليكم وسهل وواضح لاني اول مرة اسوي شرح...

اترككم مع الصور و الشرح،،،




في البداية نعمل 8 سلاسل ونقفل بمنزلقة



نعمل 5 سلاسل ونقفل بمنزلقة .. وهكذا...



نكرر هذه العملية 11 مرة زي مو واضح في الصورة


نسوي 5 سلاسل كمان ونقفل بمنزلقة في اول وحدة بدأنا فيها في الصف الاول عشان نطلع لصف جديد (الصف الثاني)




نكرر العملية السابقة (الصف الاول) عشان نكمل الصف التاني ... وهكذا 
طبعا رح تكون 11 وحدة زي الصف الاول 
وهنا ما يحتاج تعدي الوحدات بس تسوي 5 سلاسل وتقفلي بمنزلقة وتمشي في الشغل...



وهنا الصف التاني بعد ما اكتمل...


نستمر في بناء الصفوف الى 5 صفوف من الوحدات السابقة وبنفس الطريقة 
5 سلاسل ونقفلها بمنزلقة

بعد ما نكمل ال5 صفوف حنكون واقفين في اخر وحدة من الصف الخامس



ندخل على الوحدة اللي بعدها (رقم 1) من اول وحدة بغرزة العاود


يتبع