عمل يدوي بالســـــــكر والماء وقليل من أي لون تبينه ادخلي وخلينا نشوف

السلام عليكم ورحمة الله وبركاته
شحالكم يا بنات حواء يا سكر :21: :21:

بنات انا اليوم كنت فاتحه على قناة عمان الساعه 10.30 صباح بتوقيتنا وكانو عارضين برنامج اسمه لك سيدتي فنون يدويه ................

المهم وكان موضوع اليوم اعمال من السكر والله يا بنات لو شوفتو شغله يجنن طلع مع انه الاغراض اللي استخدمتها عباره عن سكر وماء وقليل من اي لون تبينه بس عشان يعطيج لون

شوفو الطريقه انا على طول جلست اكتب علشان اخبركم قولت اكيد حبيباتي يعرفون شي عنها ويخبرونا اكثر <<<<<<<<<<<< خلصي علينا :mad:

اسفه طولت عليكم
يالا نبدا

اربع اكواب سكر + 8 ملاعق صغيره ماء + اي لون (بودر يا بنات )
(على فكره لكل كوب سكر معلقتين صغار من الماء )تعجن السكر مع الماء واللون
وبعدها تضع العجين في قالب تبينه سوا كان بيضاوي او مربع او دائري اي شكل تبينه او حتى في اكواب تكون شكله حلو
وتتركينه حتى يجف ومن ثم تخرجين يطلعلج الشكل اللي تبينه
ومن ثم ترشينه بالسبراي مال الشعر علشان ما تتساقط حبيبات السكر
وتبداين بتزينه باي شي تبينه من دانتيل او صدف او ازرار او ورد مجفف على راحتج
لا تنسين الشمع الحراري لتلصيق الزينه

وبس هذا اللي عندي ان شاء الاقي ردود على الموضوع
وابي من الخبيرات في الاشغال اليدويه تتطلعلنا مواضيع او صور علشان البنات يستفيدون اكثر

وانا الحين بروح اجربها وان شاء الله تضبط معاي بس للاسف ماعندي كاميرا علشان اذا ضبطت اصورها لكم
بس ان شاء الله الخبيرات ماراح يقصرون

سامحوني على الاطاله
تقبلوا تحياتي لكم :27: