نحتاج المطاط انا طلبته من برى لان الي عندي الكوالتي ماله مش اوكيه وينقطع بسرعه
نثني حافة القطعه ونخيط بمقدار نص انش بعيد عن الحافه
نلف المطاط يدويا من دون شد
نبدا نركبه مثل ما هو ظاهر في الصوره كانا نركب خيط عادي
نبدا الخياطه خط سيدا عادي المسافه بين كل خط خليها تكون نفس عرض الدواسه مثل ما تشوفين في الصوره
لا تنسين في بدايه ونهايه الخط تمكنيين الغرزة بارجاع الدواسه شوي الى الوراء بتلاقين زر على المكينه لارجاع الدواسه وتمكين الخياطه
عموما حتى لما تخيطين عادي لازم تستخدمين هال الخاصيه في بدايه ونهاية الخياطه عشان ما تنفتح الخياطه
في بدايه الدرس ثنينا الحافه الحين ندخل مطاط عرض ربع انش عسب يثبت الفستان او القميص لما تلبسينه
ولا تنسين في بدايه ونهايه المطاط تسكرين على المطاط بغرزه عشان ما يتبطل
