مشكورين حبايبي الله يريحكم مثل ماريحتوني بردودكم .. و عسى الله يسخر لي زوجي و أهله يارب :)

الله يفرج همك

حبيبتي راجية الجنة انتي غلطتي لما قلتي لابو زوجك المشكلة --المشاكل مهما كبرت ماتطلع من البيت ابدا-- اولا راح تكبرين في عيونهم ثانيا راح تنحل المشكلة اذا تناقشتوا بينكم بين -- انا حتى اهلي مااقول لهم مشاكلي مع زوجي صح راح تتعبين بس الصبر الصبر الصبر ثم الصبر
فيه مثل يقول:(اصبر على الحصرم يصير عنب)
ولا اوصييييييك لا عاد يجي لها ثانية ابد ابد
واذا حابة تفضفضين الجأي الى الله تعالى في الثلث الاخير من الليل فهو كفيل بان يعطيك اكثر مما طلبتي ثم عليك بالاستغفار فله عجائب في فك كرب المسلم وهذا ماحصل لي وعندك عالم حواء ماشاء الله البنات مايقصرون
اخيرا -- روحي لابو زوجك او ناديه عندك وقولي له ياعم احس انك متغير علي لايكون ضايقتك بشي من كلامي ذاك اليوم واذا قال لك السبب او ماقال اعتذري له وسلمي على راسه وقولي ترا انا اعزكم مثل اهلي وماشكيت لك ذاك اليوم الا من معزتي لك ولا اقصد اني اكره زوجي فلا يكون في خاطرك شي علي وبس
المعذرة ع الاطالة
ارجو ان اوصلتك للحل
موفقة

انا اشوف تصرفك عادي
مره مرت اخوي شكت اخوي على ابويه عادي بالعكس اعطاها حقها كامل وما كش منها
اتوقع ان من الكلام اللي قاله زوجك لابوه شي انتي قلتيه عنهم هذا اللي مزعل عمك منك
بس شكل عمك فاهم ورجال عاقل عادي كلميه قولي له انت مثل ابوي ولا ابيك تزعل مني واذا فيه غلط طلع مني بدون قصد انا اسفه ما يهون علي تزعل
لانك غالي ومن هذا الكلام
ما فيه احلى من الحياه الهاديه بدون مشاكل
نصيحتي كلميه شوفي وش في خاطره اربع شهور وانتي ساكته لا خلاص تكلمي الحين

والله يوفقك

ابيك تكلمين ابو زوجك
قولي له الله يعافيك من بعد ماكلمت زوجي وهو متغير الحمدالله للاحسن
والله يجزاك الجنه
بس لايكون ضايقتك لانك بمقام الوالد
واذا فيه شي مو عاجبك فيني قولي عادي لاتردد