عمي وعمتي يقولوا لولدي (بغام) ويبكوني

سؤال الطبيبه يوضع فى موضوعها المثبت
*المشرفه*

السلام عليكم ورحمة الله وبركاته

طبعا قريتوا العنوان لاكن ما ابالغ فيه هو حقيقة والله فيني حرقة من ولدت وانا على هذا الحال لان زوجي ما من اهلي وكل يوم يطلعوا في ولدي شي يحرقوا قلبي واعصابي الله يسامحهم
ولدي عمرة اللحين سنة وثمانيه اشهر وقريب راح يكمل سنه وتسعة اشهر بس ما اعرف هذولا الناس كل شي يريدوا يصير بسرعة ما يفكروا ولا يتذكروا كل شي بقدرة الله .
ولدي يتكلم الحمد لله يعني مثلا يعرف يقول جوتي / احبك/ عيش/ واشياء ثانية والحمد لله بس مرات كلامه يكون ما مفهموم ولما يريدوا يعلموه كلمة يكرروها عندة يرفض يكررها وهذا الشي لاحظتة حتى معي ومرات في كلمات حافظنهن قبل بس لاحظته ينساهن ما اعرف وفوق هذا كله (عمي وعمتي الله يسامحهن يقولوا له انت بغام) والله تجيني حرقة من داخلي واتضايق لانهم في هذه الفترة يكرروها كثير وهذا كله ليش لان بنت اخو زوجي اصغر من ولدي بثلاثة اشهر كلامها افهم من ولدي ولدي لما يتكلم يكون سريع بس هي يكون كلامها مفهوم وتكرر كل شي ينقال لها. عكس ولدي
والله انهم يقتلوني من غير ما يحسوا الله يسامحهم بس انا ارد عليهم واقول البغام اللي ما يعرف ينطق ولا كلمة ويبان علي الضيق.
فما اعرف ايش اسوي على الرغم من اني واثقة من ربي انه كل شي في اوانه وولدي الحمد لله ذكي وواضح من تصرافته والحمد لله.
اتمنى تتطمنوني على ولدي وهل من المفترض ولازم ان الطفل يتكلم قبل السنتين ارجوكم طمنوني الله يخليكم.