عم والدي غني يساعد الكل ومايساعدنا

السلام عليكم ورحمه الله و بركاته

خواتي والدي توفى ونحن وصغار, نحن خواتي وامي عشنا عيشه عاديه الحمدلله مو كان ناقصنا شي بس على حد معين.

كبرنا والمصاريف زادت انا تزوجت والحمدلله خواتي لساتهم ماتزوجوا الطلبات كثرت والايجارات غلت
و شفت عمامي وبنات عمي ماشاءالله عليهم مو ناقصهم شي كلهم بيوت ملك ويصرفون من دون وجع قلب والخير طبعا كله من عم والــدي ... هم مايحسبون حسابنا في الفلوس ماعرف ليششش
يمكن لانه والدي مات وخلااص متنا معاه ... الحين امي تزن على اذني اتصلي بعم والدك اتصلي فيه اتصلي فيه واشكي له الحال وقولي له انه انتم حالكم حال بنات عمك كل وحده عندها ايباد وايفون ومو عشان هالتكنلوجيا بس عندنا مصاريف ثانيه حنصرفها عليها وهم حقهم بس الذل الي انا متخيلته وكله عشان امي وانا والله العظيم حتى ايفون ماعندي وكله مثل ماقلت لكم من خير عم والدي بس نحن لااااا مش بحسبتهم ابداً مع العلم نحن احق بما كون اننا يتيمات اذا هم يفكرون بالاجر فالحق لنا اول الناس بس بنات عمي عندهم اب والي هو عمي وابوي توفى وماحد يقدر يفتح فمه بكلمه يخاف كل واحد على نفسه وعلى عائلته ....... امي قالت لازم تتصلين فيه وتقولي له نحن صار لنا سنيين ماناخذ والحين انتي كبرتي ولازم تتكلمين معاه وتقولين له ..... ماعرف يا بنات والله انا مو حابه اذل نفسي عشان فلوس ابداً الحمدلله انا وزوجي عايشين عيشه راضيه عليها الحمدلله ومابغي زياده والله شاهد على كلامي بس عشان اخواتي وامـي انا بعد ماقدر اصرف عليهم صح امي تتداين من زوجي وزوجي دخله محدود اليوم داينها بكرا مايقدر ... وانا بعد تعبت امي دائما تفتح هالموضوع شوفي فلان وفلان وكله من خيررررر عم والدك وانتي لو والدك كان عايش كان حالك من حالهم بس لانه مات خلااص ؟؟؟؟

انا قررت اتصل مع انه رجل كبير في السن واقوله ياليتك تبدي تحسب لنا حسابنا في الفلوس
بس انا خااااااايفه يفشلني ..... رافعه سماعه التلفون عشان الفلوس والله مو حلوه بحقي ابدا.... صح حالي حال باقي اقاربي
بس هم عمرهم ما فكروا فينا طول هالسنيين .... ياليت خواتي تكونوا معي بهالموقف الي ممكن افشل فيه او انجح ويحن قلبه علينا ويعطينا.
انا كل هالسنيين مو محصله شي منهم معقوله الحين يفكروا يعطونا ؟ وحتى وان عطونا والله ايجار مايكفي
وكل هذا عشااااان امي واخواتي والله العظيم انا مابغى ولا ريال واحد منهم ولو مني مااتصل اصــــلاً
والله شاااااااهد والله شااااااهد على كلامي بس انا بعد تعبت من امي واخواتي هم من وين يجيبون الفلوس وانا ماقدر اصرف عليهم لا موضفه ولا شي وزوجي بعد صراحه افشل قدااامه اذا صرفت من فلوسه والله مادري يا بنات حكيمات بالله تساعدوني الله يرضى عليكم مضطره اذل نفسي والله بس عشان امي واخواتي بما اني الكبيره لازم انا الي اتكلم معاهم وامي تقول انا صرت غريبه بعد ما توفى ابوك انتي بنتهم ودمهم وانتي الي لازم تتكلمين عنا كلنا وانا هذا كله مو في عيني والله والله والله بس امي واخواتي ايش اسوي وبعد الكل تاااخذ ونحن لا يعني بعد مايصير ظلم.