السلام عليكم ورحمة الله وبركاته
يامرحبا بكل وحده دخلت موضوعي
انا ممنونه للمنتدى وعضواته ومشرفاته اللي لولا الله ثم هالمنتدى ماتغيرت للافضل
لهذا السبب حبيت اشارككم بالنتائج الرائعه اللي توصلت لهابسبب اهتمامي بشعري
والجدول اللي مشيت عليه بعد فضل ربي
راح اقولكم شعري كيف نوعيته والمشاكل اللي كانت فيه
اول شي ماننسى كلمة ماشاءالله في كل شي ونذكر الله دائما اذا شفنا شي يعجبنا
انا شعري قبل سنه كان طوله يوقف على كتفي بالضبط وكانت اطرافه مااقولكم
يابسه بكل ماتحمله الكلمه من معنى <<<<< نعم نعم ومافيه اي لمعه او حيويه وفوق
هذا استشوار وسيراميك كل يومين تقريبا ولا وكل شهرين اصبغه اسود الله المستعان
وكنت زعلانه بعد مايطول كيف يطول وهو بهذا الهلاك… وكنت فترتها اتابع بنات
حواء في قسم الشعر وتحمست اني اهتم بشعري واسويله برنامج وبديت بفضل
ربي علي اللهم لك الحمد والشكر .. ووصلت لنتائج خياليه ماشاءالله تبارك الرحمن
زاد طول شعري تعبت فراغات عندي كنت اغطيها بالظل الاسود اللهم لك الحمد
شكرا لك ياربي زادت كثافته زادت نعومته صرت اتدلع فيه وصار الكل منبهر
منه ويضرب المثل فيه كان قليل " قصير " تعبان " تالف " واللحين الحمدلله ماشاءالله تبارك الله
طوله اسفل ظهري كثيف ناعم صحي حيوي اطراف تلف على جوا فراغات مليانه
شعر بعد ماكانت فروه واضحه صار كل اللي يشوف شعري يسألني شمسويه
بشعرك حتى اخواتي جلست فتره مارحت لاهلي بحكم انهم بمدينه ثانيه لما
رحتلهم وربي يقولون لي شعرك ماشاءالله كانه باروكه اذكروا الله يابنات
وربي حتى انا كل ماشفته اذكر الله .. مراح اطول عليكم راح اعطيكم برنامجي
قررت اخلي برنامجي يوم ايه ويوم لا
يوم حنا
ومعها اضافات ويوم راحه ويوم زيت
ويوم راحه ويوم سدر
معاه اضافات ويوم راحه ويوم زيت ويوم راحه ويوم ماسك ويوم راحه وهكذا طول الاسبوع ..
وصفة الحنا : حنا + محلب + صفاربيض + ثوم بودره + زبادي
+ جرجير مخلوط بالخلاط مع زيت نارجيل وحاطته بعلبه بالثلاجه
وكل ماسويت حنا او سدر
ااو ماسك حطيت ملعقه منه + موية عجن الحنا بصله وحلبه وشاهي وبن
قهوه كلها اغليها بمويه واخليها تبرد واصفيها واعجن فيها الحنا والاضافات
طبعا انا احط صفار بيض فقط لان البياض يجفف شعري البياض للشعر الدهني
وصفة السدر : نفس الحنا بالضبط بس بدل الحنا سدر ونفس الاضافات
طبعا انتم براحتكم تبون تخلطون السدر مع الحنا براحتككم بس انا
خليت كل واحد لوحده عشان ازيد من مدة العنايه
الزيت : دابر املا + براشوت + زيت فازلين مخلوطين مع بعض
الماسك : صفار بيض + مايونيز + زبادي + ملعقه من الجرجير المخلوط
+ ملعقه من الزيوت المخلوطه
الشامبو : صانسيلك + بلسم صانسيلك
+ حمام زيت فاشكول بالثوم
بعد مااحط شي على شعري اغسل شعري بالشامبو واجيب شوي من
حمام زيت وشوي البلسم وافركهم في راحة يدي واحطها على اطراف شعري
فقط واخليهم عشر دقايق واشطفهم وبعد ماطلع من الحمام وانشف شعري
زين امشطه بالراحه واظفره واخليه ظفيره طول الوقت وافكه اليوم الثاني
القاه يجننننن فيه حيويه ولمعه ونعومه وعلى فكره الظفيره تحافظ على
شعرك من التشابك وتطول الشعر
واخيرا وليس اخرا هذا هو سر تغير شعري لمدة سنه بفضل ربي
بنات انا حبيت اشارككم بالفائده ويعلم الله من حبي لكم وحبي للمنفعه
لا اكثر واتمنى كل وحده تستفيد من موضوعي وعنايتي
واي سؤال انا حاضره
ودي
ما شاء الله تبارك الرحمن
عسا الله يهنيك فية وانتبهي اختي حصني نفسك دائمة
عن العين والحسد
ويعطيك العافية على ذكر تجربتك الرائعة