عناية × عناية

السلام عليكم ورحمة الله وبركاته

هلا والله ببنات حواء

بصراحة شفت كل المواضيع اللي بهالقسم وافترر راااسي !

انا ماني براعية خلطات ولاهم يحزنون

لان الخلطات في نظري هي اللي تدمر الواحد

رغم ان وجهي فيه حب شباب بس استخدم صابونة الكبريت....

ممتازة لانها تجفف الوجه انا وجهي دهني حيييييييييييل

خصوصا لما اقوم من النوم اطالع نفسي بالمنظرة الاقي وجهي مدهن مرات..

فعشان جي..اول ما اقوم من النوم اغسل وجهي بصابونة الكبريت..

أما شعري...لا خلطااااااات ولاهم يحزنون..والحمدلله على كل حال طبيعي وزي الفل

سابقاً كان شعري دهنيييييييييييي حيييييييييييييييييل......

وكنت رايحة لدكتورة جلدية عشان الحبوب اللي في وجهي..قالت لي انتي شعرج دهني

عطتني شامبو بالاعشاب..اسمه : T/GEL Total

كنت اتسبح كل يوم....صار شعري جااااف..عقب يوم خلصت العلبة هديته

ورحت لشامبو يناسب شعري اسمه(( LOREAL ))...والحين شعري طبيعي الحمدلله بفضل الله

واهم شي لا تسشورينه وايد....انا ما اسشوره الا اذا فيه عزيمة أو بيجون ناس

اما اذا بالبيت مايحتااج اسشور...بس اسشور من قدام .. يعني الغرة وماحولهااا

صدقوني الاستشوار يدمر الشعر كلياً....

المهم..نرجع لمحور حديثنا..

بالنسبة للسبوح... استخدم صابونة دوف..طبيعية وتخلي البشرة ناعمة...

مع شامبو LOREAL وبلسم خاص بالشامبو..يخلي الشعر طري وناعم..

ولما اطلع من الحمام احط بودرة المسك.....تخلي ريحتج اتجنننننننننننننن

وطبعاً رشات من عطوراتي المفضلة Black xs وعطر kate moss

وتلاقين نفسج زي الفل والعسل والياسمين كأنج بيبي توه مولود هههههه:04: :04:

اما الاظافر...استعملي كريم جلسرين..يطول الاظافر ويخليها تلمع...

والله اظافري تطول بسرعة ماشاء الله وفيها لمعان...

وصدقيني كلما خليتي نفسج بستايل طبيعي راح تتحسن البشرة

ولا خلطاااااات ولا خرابيط.......نصيحة والله

نسيت لا اقولكم.......بالنسبة للشفايف..استخدموا مرطب من بودي شوب

ريحته حلوة حيل ولونه وردي...والله ينعم الشفايف ويخليها ورررردية

بودي شوب مشهور بهالمرطب واعتقد مافي غيره.....

وكلما بغيتي بشرتج ترتاح اكثر قللي من المكياج

في البيت بس حطي ماسكارا وكحلة....وصلى الله وبارك...

ونجي لآخر شي..الاسنان..وما أدراكم ما الاسنان..

مثل ما انتوا عارفين لازم تغسلونها 3 مرات باليوم

وتقعدين عشر دقايق تغسلينها..لاتقولين وايد...صدقيني عشان

اذا ابتسمتي تكون ابتسامتج حلوة........واستخدمي أي مضمضة مناسبة لأسنانج

لان المضمضة تقوي اللثة وتساعد على نضارة الاسنان

يستحسن انج تتمضمضين بماي وملح اذا كان فيه التهاب او شي جي...

واهم شي تكونين واثقة من نفسج لان الثقة تلعب دور كبيييييير بالانسان

واتمنى يكون برنامجي البسييط عجبكم..........

لكم خالص حبي.....سمااايلي.....