عنايتـي اليـوميه ،ماتكلف وبشغلات موجوده في كل بيـت

السلام عليكم ورحمة الله و بركاته
كيفكم ان شاء الله ب احسن حال

عندي عنـايه بعرضها لكم لعلي اكون افدت اي احـد فيكم
اولا عنـايتي للشعر
"مره ف الاسبوع قبل لا اتسبح احط حليـب "
وفوائده هـي :
ينعـم و يـرطب الشعر ويغذي الجذور فتقوى الشعره وينمو بشكل اسـرع .
"مره ب الاسبوع استخدم زيت دابر املا ، مع ملعقتين محلب،ملعقة حبة بركة "الريحة جداً سيئه لكن استخدموها جداً جميله
"مره ب اسبوعيـن" استخدمي حنه والحنه بكل انواعها زينه للشعر يعني الي عندج حطيه اهم شي الاستمراريه وبتشوفين اجمل النتائج .

ثانياً عناية البشرة.
دايماً في الليل احط كريم
وفي الصباح اقوم احط غسول ولمن اخلص انشف واحط سكينول .
وشنو تحطين في بشرتج لو شنو بيفيد معاج اهم شي الاستمراريه
وطبعاً غير الماسك حقيي غييير يرطب وينعم ويبيض وما استغنى عنه .
نص كوب لوز مطحون غير مملح ولا محمص + ٤ملاعق طحينيه سائله ٤ ملاعق عسل +ملعقتين زبادي من ١٥-٢٠ دقيقة 🖤
وهذي عنايتي للبشرة كل شي تستمرين فيه راح يبين النتايج

والحين خلصت عنايتي للشعر والبشرة وبقول عنايتي وقـت السبوح :
-قبل لا اتسبـح زين جلسرين اوزعه علـي جسمـي اقعد٣٠ د
- وقت السباحه كريم كاب غنى عن التعريف اخلط معاه نيله مغربيه بس ينشف اسوي حركة دائريه علـي كل جسمي لين يطيح بعدها اتسبـح
-اخر جزء صابونـيه الي عندكـم حطـوه .

هذي عنـايتـي
والـي عندها شي تفيدنا فيـه تحط خل نستفيـد ❤️

"بنات ابي اغير لقبي شلـون"