*******عنايتك اليوميه********

شوفي ياقلبي بالنسبه لي بشرتي حساسه ومو أي شي يناسبها
بس مو شرط اللي يناسبني يناسبك بس رح افيدك بالأشياء اللي استخدمها
اهم شي بالنسبه في المستحضرات اليوميه الغسول انا اخذتو من نكتار قبل كان ممتاز بس مؤخرا عادي
ان شاء الله ناوية اجرب من ذي بودي شوب هالمرة
وكمان استخدم بودة+بخاخ للمناطق الحساسه من فيم فريش تلاقينو بالسوبرماركت مثل هايبر بنده قسم الصابون ومستحضرات العنايه
واهم شي الله يكرمك الفوط اليوميه من فرش داي
تنظفي المنطقه بالغسول والماء وبعدين تنشفي كويس وبعدين تستخدمي البودرة او البخاخ اذا كنتي مستعجله استخدمي البخاخ
وبعدين فرش داي
بالنسبه لمزيلات العرق تعبت وجربت كثيييييييييير بس مالقيت شي فعال 100% وخصوصا بالصيف بس كان الافضل من بين اللي جربتو مزيل عرق من زهور الريف ممتاز
جربي مجموعه زهزور الريف اعتقد التوت رررررائع قليله بحقه فعلا انتعاش
شوفي ياقلبي
انا شريت بودرة الجسم+عطر مركز وعطر مخفف+مزيل العرق+لوشن الجسم+شاور جل للاستحمام بالتوت وبعد كل حمام استخدمهم انتعاش مو طبيعي ريحه خيال
انتي لما تروحي المحل شمي الروائح وخذي اللي يناسبك
بالنسبه للشعر بما اني صبغت شعري وانعدم فحاليا استخدم زيوت منوعه وان شاء الله يتحسن استخدم زيت براشوت وزيت مرحبا أملا وزيت جوز الهند اللي يجي بتنكه حديد
وبعد الحمام استخدم بديل الزيت من بانتين
وناويه ان شاء الله اعمل حمام زيت
بالنسبه للشفايف تيجي فترات تشقق شفايفي فيها اخذت بلسم من نكتار ب25ريال لو عندي 4 سنين وماخلص بس فعلا ممتاز
اما العنايه بالاقدام احاول بين فترة وفترة وانقعها بماء فاتر وملح خشن واسويلها صنفرة وازاله للجلد الميت وادهنها بكريمات مثل شول ومرة جربت كريم من جرجينز كان مو طبيعي ع التشققات بس بعدين مالقيت منو بالسوق ما ادري وين اختفى