ماشاء الله عليك

انا احس وقتي ضايع بين الدراسه وشغل البيت

ولا يضيق صدرك ياقمر من سالفة العضو لانه لو كان فيه ذره من الرجوله مادخل شاف مواضيع خاصه

بس ان شاء الله تكون زوجته او اخته اللي داخله

نحسن الظن

ننتظرك يالغلا

بانتظارك ياحلوه

الله يخلي لك البنات وابوهن

ايام الدوامات



Good Morning Ladies



سلتي حبيبتي حماله الاسية

اول مااصحي الصباح اغسل اول كنت استخدم سيتافيل (لوتشوفون حجمه بس خخخ) ومن جربت صابونه الغار سفطته علي جنباخذتها من مهرجان الزيتون بالجوف وكاتبين عليها اورقانيك 100٪ عاد يكفيكم شر الحماس الصابونه بـ 10 ريال اتعب وانا اقول رقيقه ع البشره




وكل بعد يومين والثالث استخدم هالسكرب اليومي الخفيف من كلين اند كلير كنتس حاطه فكس والا غاسله وجهك بمعجون اسنان يدننن) وجربت انواع من اللي استخدام يومي زي جونسون ونيتروجينا وهذا اللي استقريت عليه



الباقي اللي بالصوره: بيوري الاخضر هذا اوقات الصيف لاصار وجهي دهني استخدمه لانه يجفف البشره والابيض اللي من الي باتشيه هذا سكرب اسبوعي بالورد اتعب وانا اقول رووووووووعه للي تحس بشرتها جافه تحسين بالورد وانتي تسوين السكرب

وفرشاه بدي شوب بطلللللللله كنت استخدم ام عصا بعد من بدي شوب بس حسيتها قدمت فخليتها للاندر ارم واشتريت هذي للوجه اغسلها بمويه حااااااااااره وانفضها وابدا افرك بحركات دائريه




واستخدم مويه الورد بعد الغسول ياخي يازيييييينها احس اني اصحصح لابخيتها وباااارده خخخخخ واكتشفت ان البخ افضل عمليه معمليه فذه للناس المستعجلين بحياتهم
انصح بها وبقوه




نجي للاسنان



هذي عدتي المتواضعه



استخدم الفلوس لاسناني قبل الفرشاه لاني احب المعجون يتخلل بين الاسنان

افضل فلوس بلامنازع هو هالشي القميل ...قبل كنت انقل هم الفلوسينج ومن رشحته دكتورتي وانا افرشي اسنان عشان الفلوسينج خخخخخ بالله جربوه...ميزته ان الخيط نفسه ملبس بطبقه زي المعجون طول مانتي تسوين فلوسينج وانتي تشمين ريحه علك نعناع يفوووووووح



والمعاجين سوري اذا قلت لكم افضل اثنين هم هذولا
انا احب المعجون مايرغي كثير (من الرغوه مو السوالف) لاني من جد استفرغ لمن يسوي رغوه زايده بالفم
فاللي يعاني من نفس مشكلتي لايتعداهم روعه




بعدها استخدم هالبطل المغوار Savacol بالصوره اللي بالنعناع نشف ريقه خخخخخ ويوم جيت اشتري جديد قلت اجرب اللي بدون كحول وهو الابيض...بس لسا ماجربته ابخلص النتفه اللي باقيه بالاول :35:

ياناس مدري هو يتهيآ لي والا من جد
لمن يكون عندي التهاب باللثه واستخدم هالغسول احس بالمكان الملتهب يقرصني مو حرق لا احس فيه شي يشتغل عليه خخخخخ
الزبده ابطل غسول فم
روعه للي يعانون من روائح فم بسبب التهابات اللثه ..يوم رحت لاهلي ثشيت لخواتي وحمواتي منه <<مدري اذا فيه بالسعوديه والا لا..!






يتــــــبع

ادعك الرقبه والاندر ارم بايسكينول وجربت نوعين
اللي بالافوكادو والحين اللي بالليمون







واخلص وضوءي ادهن يديني كامله من الاصابع لين الكوع ببيبي اويل او بكريمات الترطيب وجربت كذا حاطه بكل جةر واحد علي مكتبي حاطه اللي بالفازلين وبصومعتي حاطه بالمرز وعند مغسله المطبخ حاطه سوربلين نوع يمكن اطلقهم بالمرز بس عموما انا ماعتمد عليهم ككريمات رئيسيه.... الرئيسيات جايات لاحقا من غير شر




واحط ديوديرنت

ولو اقول لكم روتيني بوضع مزيل العرق بتقولون هذي موسوسه بس الصراحه اكره مافي حياتي ان تطلع ريحه عرق
خاصه مع العبايه والدوام وكثره الحركه .

فاول شي استخدم البخاخ وللحين مارسيت علي واحد توب لازلت قاعده اجرب حاليا ريكسونا وماش احس ريحته قويه مره وانا ماحب الديودرنت ريحته Overpowering



وبعد ماخلص تفريش اسنان احط مزيل عرق كريمي

وطبعا صديقي الصدوق هو دوف ابو غطا ازرق ....ماخليت ديودرنت مامدحوه ماجربته ولاعاد يملي عيني الا هذا



وبعده ارش بودره بيبي جونسن وياسلاااااام سلم لو ابقس اللي بالدوام كل ابوهم مايطلع نتوفه
ريحه خخخخ



الثلاثه هذي مايدوم مفعولها فخليتها للبيت بالويكند والا لمن انعزم ومابي الكريمي يبين فاستخدم واحد من هذي



وارجع لغرفتي ادهن خشيشتي ورقبتي بسيروم اما فيتامين اي E او كبسولات فيتاامين سي من Body shop<<خساره راميتهم قبل اسبوعين



واصلي الفجر ولمن اخلص ادهن باي كريم ترطيب معتمدته لهالفتره
وكريماتي هي
الي باتشي<<رووووووعه بس ترطيبه قوي وقريسي يعني يبقي له اثر دهني احب احطه منه وبعدين اطبطب عليه بكلينكس
كريستيان ديور<<ترطيب ممتاز وتتشربه البشره بالراحه
كلينك<<حلو بس مايطول مفعوله لنهايه اليوم
اولاي بالتوت البري<<ماجاز لي ابد






خلصت ترطيب انزل اسوي فطور بطاتي وابوهم
وارسلهم لدواماتهم
ارجع فوق اتجهز لدوامي واحط صن بلوك وجربت كذا نوع



هذا بيوري من وحده من خوياتي يابانيه جابته هديه
روعه ملمسه وبسرعه يتشرب بالبشره ولايترك اثر قريسي والحلو فيه انه خفيف جدا من ناحيه سيولته
مره ناسب بشرتي بس عاد من يجيب لي الحين

هذا اللي استخدمته اول ماجيت لاستراليا
كان حلو بس يعطي لون كانه كريم اساس فقلت ادور غيره <<لاني احب والله اجرب كذا نوع

واخيرا طايحه علي لوريال من قريت الريفيوز عنه وانا قلت مابدهاش..هذي ثاني عليه اشتريها وباذن الله اذا رحت ماليزيا ولا سنغافوره ناويه علي قارنيه لاني مالقيته هنا ابد والصراحه الكل يقول انه افضل من لوريال بشوي بس خخخ


خلصنا
الوش (الصباح)


بالطريق للدوام ادهن يدياتي ورجيلاتي ريثما بعلي يسوق السياره ويسابق الريح وطبعا توني اكتشف ان كريمات اليدين الرئيسيه ياااااكثرها<<مدري وش احس به قسم



كنت استخدم فازلين الوردي روعه


استخدم حاليا هالمملوح اللي من بدي شوب باللوز ويعود الفضل لله ثم للمملوحه لبني الله يسعدها مدحته لي

نيتروجينا كانه جليسوليد للي يحبون قوام الجليسوليد

ومافالا اروعهم الصراحه ..ارطب يدي ماا حتاج ترطيب زياده الا لو غسلت بصابون ممكن اقعد 5 ساعات بدون ماداهن مرتن ثانيه


الذهبي Q10 روعه بس للاسف من اليابان هديه من خويتي يوكي تقول اشهر كريم يدين باليابان الصراحه مو توب عن النصب بس انه مريييييييح

واطلق واحد هالرخيص الدبيبه اللي اسمه Lanolin cream ياناس يرطب ويشبع وتجي ايدك بشمه من زينه ...الله يسعد اللي كتبت عنه بملتقانا كنت حاقرته لين شريته وباذن الله ابعتمده




يتبــــــــع

اما رجيلاتي تكرمون

فهذي خرابيطها مدعوسه بالدرج عند راس سريري



ولاني مسويه عمليه ببطن القدم من تحت قبل شهرين فادهن اثار العمليه ببايو اويل روعه الصراحه مدري وش اقول لكم
كان مكان العمليه منفوخ شوي واحس بشد مو طبيعي فيه واحمرار بمكان العمليه
والحمدلله هدا لي الزحمه




ادهن مكان العمليه مع مساج خفيف بعدين ادهن القدم كامله باي كريم

بتقولون ياكثر قرابيعتس ...بس انا احط في كل مكان كريم عشان مااكسل وهذي نصيحه للطالبات والموظفات..اذا تبين تستمرين بالعنايه لازم تكون حولك طول الوقت..واحد حاطته عند راسي وواحد بدرج مكتبي بالدوام





يابنات اللي ماتملك كريم شول لكعب القدمين فهي عن النعومه في ضيااااااااع

يخلي كعب القدم ...خد بيبي خخخخخ

بالله جربوه
لي بالضبط 9 سنوات ما استغني عنه...