اهلين
انا موظفه و يديني طول اليوم في الورق و طبعا اغسل كثير وتعرفون حمامات الدوام مقرفه لازم نغسل عدة مرات
هالشي يجفف
غير القدمين اللي مساكين بالشوز طول اليوم و حتى لو بطلع بالليل ماعندي وقت ادلعني
هالوصفه راح تغني حتى عن المانيكور والباديكور الاسبوعي لانها تطري الجلد حول الاظافر ويطلع لحاله اثناء الاستحمام
لليدين خلطه وللقدمين خلطه لاختلاف طبيعتها
اهم شي قبل الخلطه نكون مغسلين يدنا ورجلنا مو بس عشان النظافه لكن حنا نبي نحبس الرطوبه بين الجلد والكريم عشان تتغلغل بالجلد طول الليل وتصير رطبه
اليدين:
زبدة الشيا
زيت زيتون
ليمون
بسسسسسسسسسسسسسس .. ذوبي ملعقتين زبده
ملعقتين زيت زيتون
عصير ليمونه مصفاه من الشوائب
في علبه زجاج
وهذا بيكون قناع اليدين الليلي مع لبس قفازات نايلون ((الشفافه مو البلاستيك الكشخه ههههههه))
وفوقها قفاز اسود عشان ما تتحرك و انا نايمه
للقدمين
علبه كامله كريم شول لخشونه الكعبين و مكتوب عليه +K
3 ملاعق زبدة الشيا
ملعقتين فازلين
عصير ليمونه مصفاه من الشوائب
بس
البسي نايلون او اكياس وفوقها شراب شتوي
طبعا ما عندنا وقت نصنفر ونسوي باديكور ومانكيور
خليه طول الليل و نامي فيه
بكره غسلي يدينك ورجلينك و بالليفه او فرشاه اسنان او حتى مقص الحواجب الصغير
شيلي الجلد الميت حول الاظافر وبتلاقينه يتقطع بسهوله
اظافرك بتبيض بسرعه
يدك طريه وناعمه مع الحفاظ على الترطيب خلال اليوم لو انتي مثلي يدينك هي اساس عملك
و القدمين دائما ادهنيها والبسي شراب واذا بتطلعين البسي شوز مقفل من الخلف عالاقل
وسلامتكم
خلطه اليدين ممكن نزود كميتها عشان الخطوط البيضا
حجه وقضا حاجه
باي
r1ksa @r1ksa
محررة فضية
يلزم عليك تسجيل الدخول أولًا لكتابة تعليق.
ཞօ7 ɱƮ3ცℎ
•
مآشآء الله الله يعطيك الف عافيه ماقصرتي على ذي الوصفه الحلوه عجبتني وراح اسويها ويارب تفيد رجولي هم اهم حاجه ❤
الصفحة الأخيرة