ألف مرحبااا يا أمورات اليوم حبيت انزل لكم عنايتي الكاملة و الشاملة لإبطي و النتيجه ابط ابيض لونه موحد مع لون جسمي و ابط نظيف جميل عندي ثقه كبيرة جدااا و ألبس اللي ابي و كل من انتبه لإبطي سألني وش استعمل ديودرنت بس طبعا كل هذا مو عالفاضي بعد الله ثم عنايتي المكثفه بهالمكان الحساس ~
بس فيه استيراتيجيات مهمه لازم تعرفونها :19:
* احف ابطي بشرائح فيت الشمعيه الخاصة لمنطقة الابط و ما عندي موعد محدد كل ما طلعت الشعيرات حفيتها فورا تقريبا شهريا او كل ثلاث اسابيع , المنطقة الحساسة " البكيني " و الابط هذولي المنطقتين ما اقدر استحمل الشعر فيهم اول ما تطلع الشعيرات فورا احفها بالشمع
* انا اسوي حمام مغربي اسبوعيا و محدده يوم الخميس لهالشيء و راح انزل ان شاء الله موضوع قريب طريقتي بالحمام المغربي , و يوميا بالليل قبل النوم استحم جسمي بس بدون شعري بالخلطة الصابونية حقة حور الجنان جربت اكثر من صابونية هي اللي ناسبتني و الافضل بالنسبة لي
" منطقة الابط من المناطق اللي لها اولويه بالنسبة لي بالحمامات لكن افركه بالليفه بنعومة و بشكل دائري لأنه حساس جدا "
* نسيت شيء اسمه مزيل عرق تجاري مهما قالوا لك مزيل عرق يبيض طبي كويس ... إلخ , دامه تجاري يعني من السوق اعرفي انه يسمر انا ما خليت مزيل ما جربته و كلهم لاحظتهم يسمروون لكن حاليا اعتمدت لي مزيلين عرق استخدمهم و مستحيل اغيرهم و اثنينهم طبيعيين يعني انا اسويهم
الأول : استخدمه بعد الحمام المغربي و بالليل بعد الاستحمام بالصابونية لأنه خفيف
" جيبي علبة اسكينول بالبابايا و ضيفي لها ملعقتين صغار " حقة شاهي " شبه مطحونه و قبل الاستخدام رجي العلبة زين و بالقطنه مرريها على كامل الابط "
الثاني : استخدمه بعد الشااور و قبل الخروج من البيت بعد الشاور لأنه قوي و بنفس الوقت طبيعي و حلو
" جيبي علبة كريم جيلسوليد الاحمر الحجم الوسط او الصغير براحتك و 3 ملاعق كبار موية ورد و ملعقة صغيرة شبه مطحونة و خمس ملاعق صغار مسك ابيض مطحون " انا اخذ مسك ابيض مكعبات من القرشي و ابشرها " و ترى فيه بنات يحطون مسك ابيض سائل انتي براحتك بس انا مرتاحه على هالطريقة و ملعقتين صغار نشاا و اعصر عليهم نص ليمونه صفراء بعد ما خلطتهم كلهم زين حطيتهم بعلبه صغيرونه زجاجية حلوة من دايسو تفتح النفس و بس هذا الديودرنت حقي
( الصورة من الانترنت )
ملاحظه : يمكن الليمون يسبب حساسية لبعض البنات فاللي خايفه تشيله احسن تراه مناسبني و اللي مناسبني يمكن ما يناسب غيري و العكس صحيح فرجاء اللي تشوف نتائج عكسيه لا تدعي علي فأنتبهووا لأنفسكم :14:
و بس هذي عنايتي المبسطه بأبطي الجميل و الحمد لله اتمتع بأبط نظيف ابيض ناشف جميل و ان شاء الله تستفيدون و لا تنسوني من دعواتكم حبيبااتي ~