عنايتي ببشرة وجهي المختلطة(دهنية+عادية)..وبشرة الجسم>>مشاركتي بالمسابقة

وبالنسبة لفرشة اسناني ماأستغى عن حبيبة قلبي هالفرشة اللي فيها جهة لتنظيف الأسنان والجهة الخلفية لتنظيف اللسان من جد نظاااااافة روووووعه وقد ماحاولت اغير ارجع لها وترى فيه منها النوع الناعم والوسط والخشن اختاري حسب مايناسب لثتك وهذه صورتها



معلومة: عرفتها من دكتور الأسنان من يوم اني صغير والحمدلله اسناني ماشاءالله تلمع...عند تفريش الأسنان فرشي من فوق لتحت مو من اليمين لليسار لأنه طبقة المينا حساسة وتتقشر مع الزمن ومايصير في الأسنان لمعة اذا فرشتيها من اليمين لليسار والأفضل مثل ماذكرت من فوق لتحت وترجعين من تحت لفوق يعني في الجهة الأمامية للأسنان..عشان لمن تضحكين تكون ضحكتك حلوة وبيضة وأسنان لمااااعة


ونجي للشفايف استخدم لترطيبها مرطب لابيلو طبعا فيه الوان منه بس حاليا انا على اللي لونه زهري في اسفل الصورة على اليسار وقبل فترة كنت استخدم مرطبات بودي شوب اكثر شي عجبني اللي بالعسل مررررررره حلو يجي شكله مثل هذا بس لونه اصفر(اللي فوق على يمين الصورة)


وهذه صورهم



وفيه طريقة اخرى قريت عنها في النت هي غريبة وتضحك ...بس سبحان الله دواء اي شي بالجسم البطن

وهي توضع قطرات من زيت الزيتون بالسرة..ممكن تستخدموا عود الاذان لهذا الغرض والله انه الشفايف تصير بنعومة شفايف الأطفال جربوها وبتدعولي

وبالنسبة لرموشي استخدمت مسكرة من القزاز من شركة مافالا..صراحة رووووووووووعة لتطويل الرموش في مدة قياسية...بس فيه وحدة بالنت ذكرت انها مضرة للعين ..

فأستخرت ربنا وماصرت استخدمها بشكل متواصل فقط لمن تكون رموشي مجهدة او قبل اي مناسبة بأسبوع مع العلم انه اول ماتتركيها ترجع رموشك مثل اول وفيه البعض ذكر انها رجعت اقصر من أول عشان كذا صرت استخدمها على فترات متباعده عشان ماأعود رموشي عليها.. وطبعا ارتحت لهذه الطريقة بعد الإستخارة

وطريقة استخدامها توضع على الرموش قبل النوم مره واحدة مع الحرص على عدم دخولها للعين وبس وهذه صورتها




واتذكرت شي يابنات لمن تمسحون مكياجكم امسحوه بقطنة وزيت زيتون يعني 2 في 1 تنظيف وترطيب خلي علبة زيت زيتون صغيرة دايم على تسريحتك وانا هالفترة عشان عندي زيت جونسون زائد فسويت طريقة من مخي صرت امسح فيه المكياج بس احاول مااخليه يجي على الرموش كثير عشان مدري وش تأثيره عليها...يصير ملمس القطن او المناديل لو استخدمتيها مثل المناديل الجاهزة اللي تزيل المكياج يعني ولا احلى (الحاجة ام الاختراع):42:







فيه كمان قناع النيم للوجه مررررره حلو للبشرتهم دهنية او فيها حبوب دهنية من همالايا ...استخدمه كل بعد فترة..اهم شي فيه الإستمرار






نجي للأبط...طبعا انا اكره مزيلات العرق لما تسببه من سواد ومشاكل وامراض ...دورت على طرق كثير..واستقريت على اكثر من طريقة ومنها هذه في موضوعي السابق اخيرا يابنات بعد طول انتظار وجدت مزيل للعرق طبيعي ..غير الشبه

http://forum.hawaaworld.com/showthread.php?t=1809826


ولقيت لكم طريقة اسرع واسهل ونفس النتيجة والمفعول ارفقتها بالصور وحطيتها في موضوع مستقل كجزء ثاني للموضوع الأول واستغليت فرصة المسابقة لعرضها هنا والإستفادة منها وهذا الرابط الأخر للجزء الثاني من الموضوع

http://forum.hawaaworld.com/showthread.php?p=49365757#post49365757


واليومين هذه عجزت اسوي خلطة فصرت ادهن الأبط بشريحة ليمون وبعدين ارطبه بالجلسوليد اللي علبته حمرا وانتبهوا ترى فيه منه نوعين نوع يجي كريمي مره ونوع يجي شمعي مثل الفازلين والأفضل مع الليمون النوع الشمعي

وكمان احط مسحة من الجلسرين السائل احيان بدل الجلسوليد وهذه صورته



واحب انوه لاأحد يستخدم الليمون لوحده لأنه يعطي نتيجة عكسية ويسود...بس بطريقتي يزيل الرائحة ويفتح المنطقة...
واحب انصح اي وحدة واجهت التهاب الأبط عند استخدامها لليمون لوحده انها تغسلها كويس وبعدين تستخدم اي نوع من كريمات الأطفال حقت التهاب الحفاظات..لأني قبل ماأستقر على خلطاتي لمن كنت استخدم الليمون لوحده واجهت هذه المشكلة والحمدلله على طول عالجتها بنفسي..يعني من مخي لأن العرق والرطوبة والأملاح نفس فكرة مايحصل للأطفال من التهاب... فاللي تنفع معاها تدعي لي واللي ماتنفع لاتدعي علي لأنه الفكرة من مخي ومأستشرت الطبيب بس حبيت اذكر تجربتي


نجي الأن للجسم شعر جسمي اشيله احيان بالمكينة (من براون) لمن يكون قصير مره ولمن يكون طويل بالحلاوة(الحلاوة ادخلها الميكرويف 10 ثواني او15 ثانية عشان سهولة اخراجها بالملعقة)

بالنسبة لمكينة براون حقتي لونها ازرق سماوي مره انصحكم فيها ممتازة جدا وعملية واحلى شي فيها كشاف النور اللي يشتغل تلقائي عند استخدامها فتبان الشعيرات الصغيرة مره وطبعا تجي معاها اكثر من نوع شفرة وهذه صورتها




وكمان حبيت انوه وانبه انه يوم يبدأ الشعر يطلع من جديد بعد ماتشيلينه.. وخصوصا اللي بالساق لمن يطلع مثل الدبابيس اذا كان نوع شعر جسمك من الثقيل...اياك والحك الكثير عالجي المشكلة بدهن المنطقة بأي نوع مرطب عشان ماتحسي بحكة او وخز ...لأنه المرطب يطري الشعرة والبشرة فتقل اعراض الحك ..اما اذا ظليتي تحكين فحتتفتح المسامات وتحمر المنطقة ويصبح شكلها غير لائق

وبالنسبة للمنطقة الحساسة بأي موس نسائي..احذروا من الأمواس الرجالية مو طيبة للمنطقة تخشنها وتخلي الشعر يطلع غير طري

واستخدم لهذه المنطقة الفوط اليومية من كير فيري

مثل هذه



وهذا الغسول ايضا من نفس الشركة بس مو كل يوم ..اللي بالصبار رائحته مره حلوة ومنعشة



ولمن ابي اعقم المنطقة او احس بإلتهاب فيها احط مويه دافية مع ملح القصب مو ملح عادي ترى العادي ينكب المنطقه..وبعدين احط قطنة واسويها مثل التحاميل قبل مانام او انقع المره في مويه دافيه واسوي نفس الطريقة..بس لاتكثرون من الملح لأن كثرته تسبب ارتخاء المنطقة مما يسبب مشاكل للمتزوجات وبالنسبة لللبنات انتبهوا هالطريقة ماتنفع لكم ...بس تقدروا تستخدموا الملح والمره كغسول خارجي فقطططط...وبالنسبة لترطيب المنطقة خارجيا استخدم زيت الزيتون او الجلسرين السائل

والحين بقولكم على طريقتي بالعناية ببشرة جسمي..

لمن ابي اسوي له صنفرة اخلط سكر وملح خشن بمقادير متساوية واحط عليهم زيت زيتون وقبل الشاور افرك جسمي فيهم نتيجة خياليييييييية ونظافه ويقشر من غير اي جفاف

واحيان استخدم ملح اليوكو

وهذه صورته




وبعد مااطلع ضروري الترطيب بأي مرطب وافضل لجسمي ويدي ووجهي احيان لمن يكون ناشف الجلسرين السائل((للمعلومية من خلال تجربتي الجلسرين السائل لمن ينحط على الوجه وتنامين ينفخ الخدود وتصير كأنها مرتويه))

وقد ارفقت صورته في اول الموضوع...وتراه روووووووووعه بمعنى الكلمة يعني اللي جسمها ناشف دايما او حساس مالها غيره لأنه طبيعي ويعطي درجه فائقة من النعومة والترطيب في وقت قياسي..وروعة للإستخدام اليومي واللي تداوم عليه بتشوف كيف جسمها ويدها بتصير مثل بشرة الأطفال

وفيه بعد جل جونسون بزهور منعشة حق الأطفال اللي لونه برتقالي حلو للترطيب الدلع واستخدمه لرائحته اللي تجنننننننننننننننننن مره خطير جربوه واحكموا بنفسكم وترى الألوان الأخرى منه مو نفس ريحة البرتقالي هو المميز بينهم..

وهذه صورته



وعلى سيرة الروائح الحلوة عندكم هالكريم بالكرز من همالايا صورته مثل اللي بحطها ريحته تخليك ودك تاكلينه وترطيبه يعتبر وسط حلو تحطين منه وانتي رايحة عزومه



وبالنسبة للأظافر ابردها بمبرد زجاج انعم لليد ومايكسر الأظافر وتجلس فترة طويلة اطرافها ناعمة ومرتبه وهذه صورته




وشريت هاليومين كريم لصنفرة الوجه والجسم مدحه لي زوجي يقول الحلاق يستخدمه في المحل بس لسه ماشفت نتائجه..لأن ماأستخدمته غير مره وحده..وعجبني في استخدامه للإبط تدرون مع الحر اللي عندنا خصوصا هاالصيف احيان تحسون رائحة العرق ماتنازل بالصابون أو الرغوة بسرعة اذا خلص مفعول اي مزيل لرائحة العرق واستحميتي اخر اليوم الثاني مثلا بس جربت وقت الشاور افرك ابطي فيه قبل الصابون ...تروح الرائحة بسرعه ولا يكون فيه اثر لها ابدا..ان شاءالله بستمر لأن هدفي الأول التفتيح لأقصى درجة مع العلم انه الحمدلله وماشاءالله ابطي يعتبر فاتح من الخلطة اللي ذكرتها في اول الموضوع لإزالة العرق

وهذه صورة كريم الصنفرة





ونجي الحين لنوع الرغوة ...حاليا استخدم نوع يهببببببببببببل جوووووووووووووووونان وربي رائحته تجنن من كامي برائحة العطر..انصحكم فيه كنت ابي احط موضوع عنه ..والله تخرجي من الشاور وكأنك حاطه عطر وهذه وصورته صورتها لكم





طبعا هذا تستخدم معه ليفة الرغوة
واحيان استخدم اي نوع صابون مع ليفة الكفوف
ولظهري ليفة الظهر صورتها لكم سهلة ومريحة وتنظف بسرعه

كلها تلقوها في بودي شوب







وقبل رغوتي الفتاكة كنت استخدم رغوة ديتول كمان تجنننننن وتعقم ونظافة وانتعاش وهذه صورتها




وكما ذكرت سابقا استخدم اي نوع صابون بس افضل هرموني ريحته تسطل وهذه صورته








وصح ماذكرت لكم نوع مشقر الحواجب حقي لمن اتكلمت عن رموشي...هو جولين وذكرته لأن اشوف كثير من الأخوات يسألون عن احسن نوع مشقر مايبين صفار في الشعر وهذا شكله







وحبيت اقولكم شي بعد يابنات...الي تحس انه بشرتها حساسة ...تحاول لاتستخدم اكثر من منتج...لأن انا الحمدلله مايضرني بس يختلف من وحدة لوحدة حسب نوع بشرتها يعني مثلا انا ايام استخدم غسول لوريال للوجه اللي ذكرته..وبعده بكم يوم اي صابون عادي وبعدين ارجع للغسول مايفرق معي ..بس اللي تحس انه ممكن يأثر عليها تستخدم شي واحد..وفي اي شي ذكرته اختاري الشي اللي يناسبك...لان نوع بشرتي يختلف عنكم وانا ذكرت كل شي عشان تشوفون تجربتي وتستفيدون منها


والحين ماابي منكم غير دعوة حلوة واللي تجرب شي من اللي ذكرته تبشرني عن النتائج واي سؤال انا حاضره

تـــــــــــــــــــم بحمدلله

مشرفتنا الغالية اشكر مرورك واهتمامك المتواصل في مواضيعنا جزاك الله خيرا عنا

تسلمي ياقمر

رووعـة

حابة اجرب لييفة بودي شوب شراك فيها؟ احسن من الليفة المغربية؟