السلام عليكم ورحمه الله وبركاته
بنات انا كان شعري تحت اذاني بشووي يعني قصيير مره المهم انا اجتهدت وجلست ابحث وابحث ف النت عن خلطات وزيوت تطول وتنعم الشعر
حصلت بعض الخلطات واستفدت منها كثير والله طال شعري لنص ضهري بفتره قصيره
اووول شي وقفت الصبغات والفرد والاستشوار وكل شي مضر لشعر بس كنت استشور بلمناسبات
اولا قصي اطراف شعرك اذا كانت تالفه قصيها انتي او امك او اي وحده مسميه وفي يدها بركه وكريمه<<<عن تجربه
لا تغسلي شعرك بممويه حاره عشان مايتلف ويتضرر ولا تطولي جلوس بشمس ولا تجففي شعرك بلاستشوار خليه يجف ع مهله
لا تشدي شعرك بقون ولا تلبسي اطواق ولا ترفعي شعرك بلبنس الكبيره تكسر الشعر
خليه مفكوك او ضفريه
ولا تغطينه فترات طويله بلقبوع او بطرحه وغسليه بنتضام لاتخلين الاوساخ والدهون تتراكم وتغطي المسامات وتبلد نمو الشعر
طيب نجي لزيوت والخلطات والشمبوهات
اولا الزيوت اي زيت يناسب شعرك اهم شي الطريقه
انا عني استخدمت زيت الجدايل والنارجين والخروع ودابر ومرات احط بس نوع وعلى حسب الموجود تخلطين الزيوت بكميات متساويه يعني من كل زيت غطا او اثنين
وتدفين الزيت في حمام مائي لييين يدفى مره وبعدين تمسكين مشط خشبي واطرافه مدببه وناعمه وتمشطين شعرك ع كل الاتجاهات
ورا وقدام ويمين ويسار وبتحسين راسك ينبض ينبض من الدوره الدمويه تحركت وبعدين تقسمين شعرك بشبصات وتبدين تحطين الزيوت وانتي تحطين امسكي الخصله ومرري الزيت عليها واسحبيها اتمنى فهمتم قصدي يعني تمسكين الخصله بيدينك الثنتين وتمسحين عالشعره لييين تحسين انها نعمتوبعدين تسكبين كميه على الفروه وتبدين مساج بحركه دائريه واذا عندك خدامه ثقه خليها تساعدك
بعدين لفي شعرك بكيس بلستيك او الي متوفر
وتخلينه بلقليل 4 ساعات وبلكثير 6 سعات ماتزيد
طريقه غسل الشعر بطريقه صحيه ومحفزه لنمو الشعر
اولا فكي الكيس ال براسك واقعدي ربع ساعه وبعدين غسليه لا تغسلينه على طولا خططططر
الشامبو خذي شامبو ميتال الاصلي هذا مرررره يطول وبرضه خذي شمبوك المعتاد يعني الاثنين بتستخدمينهم في غسيل شعرك حطي على شمبوك المعتاد ملعقه زيت خروع
اغسلي شعرك عكس اتجاهه يعني نزلي راسك وكأنك تركعين واغسليه بهلوضعيه بالشامبو الي حطيتي عليه زيت خروع وبشويش افركيه باطراف اصابعك مو بلاضافر ولا تقطعينه شويشي لييين ينضف وبعدها غسليه وحطي شامبو ميتال وركزي مساج للفروه وبعدين اغسليه وحطي فاش كول الثوم وسوي فيه زي طريقه حمام الزيت
وخليه بلقليل خمس دقائق وبلكثير ثمان دقائق
واغسليه بمويه فاتره وحطي المنشفه على راسك ولا تحاولين تعصرين شعرك ولا تجففينه
وبعدها حطي نقطه زيت سمسم <<< ركزو على نقطه ونقطه زيت الوز ونقطه نارجين واذا مو متوفر كفايه زيت واحد او زيت عافيه وامسحي يدينك في بعض ووزعيها على شعرك وهو مبلول وركزي على الاطراف
والفروه خليها نضيفه لاتحطين شي
ورجعي المنشفه على راسك ولا تمشطيه وخليه لين ينشف مرررره وبعدين مشطيه بمشط الي ذكرته فوق
وخلاص كذا انتهيتا
نجي للخلطه الي مره بشهر بعد كل دوره سوي هلخلطه السهله الي تخلي شعرك حريييير وتحفز طووله بشكل عجيب والي فاضيه تسويها كل اسبوع
المقادير
بصله متوسطه الحجم
فصين ثوم
ملعقه كبيره زيت خروع
ملعقه كبيره زيت زيتون
خمس ملاعق سدر مطحون
قاروره صغيره مويه صحه
الطريقه
تحطين المويه على النار+البصل مقطع اربع قطع+الثوم مقطع نصين
وتخلينها تغلي تغلي لييين تصفر المويه
يسير لونها اصفر شفاف
وتصفينها وتاخذين مويتها وتخلينها لين تفتر شوي وتضيفين لها السدر والزيوت وتخلينها تتخمر ساعتين وتحطينها على شعرك وتخلينها 6 سعات او قبل ماتنامين وتغسلينها في الصباح بنفس الشمبوهات الي ذكرتها فوق ونفس الطريقه بضضبط
وبس الحمدلله انتهيت
من اول اسبوع بتلاحضين النعومه ومن اول شهر بتلاحضين الطول والصحه والكثافه
ومابي منكم غير دعوه بضهر الغيب ان الله يرضى علي وادخل الجنه من غير حساب