بسم الله الرحمن الرحيم
السلام عليكم ورحمة الله وبركاته
بعد ما نزلت موضوعي هذا
بقسم البشره
خلطاتي أيام زواجي لعيونكم :
كثير من البنات طلبوا مني عنايتي بشعري
فقلت بإذن الله راح أنزلها وجيت اليوم على الوعد
اولاً
لازم تعرفون إن الشعر تبدأ تغذيته من الداخل ( التغذيه )
يعني ما ينفع بس من برا ....لا لازم تراعون هذي النقطه خاصة اللي يسون رجيم ..ثاني شئ النفسيه شئ ضروري للشعر وتاثر بشكل كبير عليه << ادري هذا الشئ الصعب وأنا ما سلمت منه في سنه من سنوات الدراسه من كثر التفكير والنفسيه الزفتصارت معي ثعلبه ( جعلها ما تعود والحمدلله على كل حال
المهم نجي بالعنايه بالشعر
أنا استخدم حنا ..وزيت للشعر مع بعض الإضافات
أولاً الحنا ::
أحط الحنا بالشهر مرتين << اللي يبون أكثر خير وبركه وإسبوعياً احلى ...بس ها إذا لقيتي نتيجه لا تتركين الحنا مره وحده راح يسوء حال شعرك خليك مستمره دائم لان شعرك تعود عليه يعني مرتين كويس
المهم أنا أخلط مع الحنا سدر وأكليل الجبل
والطريقه
أغلي أكليل الجبل بشوي مويه على قد شعري وأخلطها مع الحنا والسدر << أسويها بالليل
وأحطها الصبح أو الظهر << بس إنتبهي لا يكون الجو بااارد وإلا مكيف عشان ما يدخلك هواء براسك
وغسليه بالليل ولو تخلينه لليوم الثاني أفضل
وبعد كذا إغسليه بمويه بس بدون شامبو وأقعدي كم ساعه وحطي على شعرك زيت دافي مخلوط بــ أملج مطحون تلقينه بالعطار
وغطيه بالكاب تبع الشعر عند بو ريالين
وخليه ساعات طويله << أنا الى الليل
وبعد كذا أغسله بشامبو اللي يناسبك << أنا شخصياً احب دوف مع بلسمه ريحته روعه
كمان تقدرين تغسلي شعرك كذا بالشهر بمويه أكليل الجبل بإنك تغلينها ولما تبرد تغسلين بها شعرك وتتركينه اكثر من يوم مره حلو يعطي لمعه وريحته حلوه
وبس هذي خلطاتي لشعري
وترى دائماً الجمال بالبساطه << قولي قسم ههههه
بلا بيض بلا مايونيز بلا هبال وراعين << من جد والله أشوف الهوايل من هالخلطات والله يعين بس
إذا إستمرتي على هاللخلطات بإذن الله راح تلاقين النتيجه مرضيه من أول شهر شعر جميل ..بس ما أقولك خيالي زي اللي بالدعايات لا ...لان الوراثه تلعب دور طبعاً من ناحيه النعومه وسرعة الطول واللون وإنتم أعرف
كتبته على الوعد والله هذا كل اللي أستخدمه
دعواتكم إن الله يحقق لي اللي في بالي << لي مده أنتظر والله كريم
~ دانة عبس ~ @dan_aabs
عضوة نشيطة
يلزم عليك تسجيل الدخول أولًا لكتابة تعليق.
مرق هواء
•
الله يحقق اللي في بالك ياقومر وتسلمين
يسلمو ياعسل
بنات لاتنسوني من دعواتكم إن ربي ينجحني في إختباري وييسر لي كل خير ويرزقني من فضله..... محتاجه دعواتكم
ولاتنسون الصلاة على اشرف خلق الله محمد عليه افضل الصلاة والتسليم
بنات لاتنسوني من دعواتكم إن ربي ينجحني في إختباري وييسر لي كل خير ويرزقني من فضله..... محتاجه دعواتكم
ولاتنسون الصلاة على اشرف خلق الله محمد عليه افضل الصلاة والتسليم
الصفحة الأخيرة