اشتقت لقسم البشرة كثير وعشان ضروفي كنت مجرد متابعه وما كتبت مواضيع
اتمنى انكم تستفيدوا من تجاربي وعلى فكرة في اشياء مجربتها من فترة طويله لكن ما سمح الوقت انزل موضوع مستقل عنها
يعني لا تقولون اغراضك كثيرة ومتى مداك تجربينها.,,,,,
اذا قد قريتوا لي مواضيع بتعرفون وش مشاكل بشرتي
نفس الي كلنا متعودين عليه:44:
حبوب واثار وقله نضارة بالوجه
سواد ركب واكواع ومفاصل
ترهلات وسيلولايت وتشققات
مسام مسدوده وخشونه بشكل عام
شعر مقصف وما يطول:icon33:
الحين كل هالاشياء زاد وضعها سوء مع حساسيه الحمل والرضاعة والدوام
لكن الحمدلله على الصحه والعافيه
ان شا الله ببدى ببرنامج جديد بعد ولادتي دعواتكم نقوم انا والنونو بالسلامه
العفو لو الصور تنسيقها مو حلو والبركه بالشيخ هشام انواع القلق والصراخ الا ويحوس الله يهديه بس
اول شئ العنايه بالوجه
ببدا من اليسار
سكراب كلين اند كلير للرؤوس السودا
جيد احسن من غيره
سعره 19 ريال بعرض التخفيض
غسول غارنيه 3في 1
مره حلو بس شوي قوي
احيان اغسل فيه وجهي واحيان اخليه كم دقيقه كماسك
ب20 بعرض التخفيض
اسكنول بيبي فيس جبته لجسمي بما انه ما عاد في اسكنول اصلي
ما عليه يمشي حاله
ب6 من سوق الفلبين
طين همالايا مرة حلو وسبق وتكلمت عنه بموضوع طريقتي بالفيشل
ب25
ميلك وتونر غارنيه
حلوين مرة ومرتاحه عليهم ولله الحمد
كل واحد ب 18
زيت مزيل لمكياج العيون من صيدليه بوتس
خايس وطايح بكبدي مرة سيئ ويدخل بالعين
فاستخدمه بعد المناسبات مع مناديل الاطفال لانه يغربلني مع القطن
ب20
واقي كلين اند كلير
حلو وما عليه زيه زي قارنيه الي بالليمون خفيف
ب15
المفروض اجيب افين بقوه 50 بس ما اطلع للشمس كثير
قطن من ابو 2 للمناكير ولاسكنول الجسم
قطن ناعم من محل تجهيز المشاغل سعره وجودته حلوة ب5 ريال بس اجيب كميه عشان استفيد من سعر الجمله
الاسفنجه
الصفرا امسح فيها صبغه الحواجب وما تحوسني الحمدلله
البنكيه خصصتها للغسول والماسكات تقشر على الخفيف ممتازة
من محل تجهيز المشاغل رخيصه بالدرزن
يمكن ب15
جبت فرشه بدي شوب جدا الي ب20 قاسيه وما ناسبتني
صابونتين جدد وحده بالقلوتثين والثانيه بحمض الكوجيك
الااولى غسلت فيها وجههي بشكل متقطع بس تراها للجسم
والثانيه بخصصها للجسم بس مو الحين بعد الاربعين ان شاء الله
كل وحده ب6 من سوق الفلبين
الثلاثي المرح
فيوسكورت للحساسيه الي هلكتني ولحبوب الوجه يموت البكتريا
في منه وطني لونه اورنج صناعه الدوائيه ب12
وفي اماراتي بنفس السعر
شوركيور ينشف الحبوب ويقشرها مثل ديفرين
ب18
فيسو ديرم نفس مفعول الفيوسودسن لبعد صبغه الحواجب
ب12
مغلفات تعقيم احطها باالشنطه الكرتون ب10 اتوقع من بنده
قرين كروس معقم بقوه 70%نفس حق المستشفى
حبيب قلبي الي ما استغني عنه
اعقم فيه كل شي
المقصات, اغراض الفيشل,
يديني قبل لا امسك وجهي او بعد المساج لانه ما يصلح تمسكين مويه
اعبي منه بعلبة صغيرة مخصصتها للشنطه
ب11 من سوق الفلبين
في ماركات ثانيه بس انتبهوا لا تجيبون 40%لانه مجرد عطر
كريم العيون من بوتس
بدون عطر
عادي جدا يمكن لاني ما استمر عليه بس بالليل بعد التنضيف وقبل المكياج
ب20
المرطبات عاديه جدا من بنده ب6
الي بالمشمش كنه قمر الدين
والي بالفانيلا لا يمت لها بصله
اخر مرة جبت بالمرز وحلو بس ما مداني اصوره
كريم الليل غارنيه
حبب وجهي خليته ليديني
ب10 وقت التخفيض
فيد اوت المبيض
فتح لي يدني شوي تركته وسمرت وعبيته بخلطه طير الحرم
افلون وفازلين موف اول ما عرفت اني حامل تركته
ب35
كريم جونسون عادي وخفيف بس ريحته حلوة
ب20 اتوقع
لما خلصت العلبه عبيتها بخلطه انل 2011
العلب قزاز يا بنات على حسب طلب صاحبات الخلطه
اجيب علب قزاز من ابو 2 واحطها بالثلاجه وللاستعمال اليومي اغرف بهالعلب الصغيرة وتكون جنبي بالكمودينوعشان لا اكسل او انسى
عطر زهور الريف بالغلط صورته بتكلم عنه بعد شوي
روتيني بالعنايه
بشرتي مختلطه وعندي مسام ورؤوس بيضا بالخشم واحيان تطلع لي حبوب من هنا وهناك وعلامه الجوده الهالات السودا
اول ما اقوم اغسل بالغسول حق قارنيه 3 في1 واذا حسيت وجهي مدهن اخليه شوي وافرك بالاسفنجه تقريبا هالحركه مرتين بالاسبوع او كل يوم لخشمي بما ان بشرتي مختلطه
احط الواقي ارسم حواجبي وشويه خافي عيوب لهالاتي وروج زهر لحمي واطير دوامي
قبل النوم
امسح بميلك غارنيه البنك وبعدها تونر غارنيه الازرق احط كريم عيون واحيان ارطب ببانثين الازرق العفو سقط سهوا ما صورته
اذا جايه من مناسبه حسب مزاجي يااغسل بالغسول او بالصابونه او امسح بالميلك او بالزيت المنضف بمناديل الاطفال وانضف الكحل بعود الاذن بشويش وبعدها تونر
اذا وجهي نظيف من المكياج بس امسح بتونر
واذا في حبوب انقط فيسوكورت او شوركيور
افرش اسناني وارطب شفايفي احط بودرة نونو وبخه بدي سبراي واناااااااااام
العنايه بالجسم
نبدا بالشاور جل
بجوز الهند واللوز ترطيبه حلو وكميته راهيه بالنسبه لسعره
ب15 من بوتس
فازلين المبيض عادي مرة
ب15
ملح اليوكو بالزبادي ممتاز بس شوي يحرق
ب5
صابونه فروتي بابايا ب5
وقفاز بدي شوب ب15
ارغي الصابونه على كل الجسم واحط الملح وافرك بشويش بالليفه
احس جسمي ينضف صح
هذي الحركه ضروريه قبل لا اطلع مشوار او اشيل شعر الجسم حتى اتخلص من الجلد الميت
صابونه ديتول مخصصتها للإبط كرمتوا
اشتري بكت ما اذكر السعر
اللوشنات اسعارها من 15-20
لوشن نيفيا المبيض
ما شفنا بياض ولا شي بس ترطيبه وريحته حلوين
لقيت عليه عرض ب15 عاد انا من شفاحتي ما صدقت وخميت 5 حبات
هههه انصدم العامل مسكين
فازلين بالمسك
عادي مرة وترطيبه عادي والريحه مافي مقارنه بمسك اشلي ابدا
اللي بالشوفان ترطيبه جيد
والي بالخيار والصبار تغير ما حبيت ريحته
فازلين الموف
حلال المشاكل مختفي من الااسواق حاليا
اول ما نزل ما نسابني وكرهت ريحته حبب لي جسمي
لكن من فترة رجعت شريته وخصصته لتشققات بطني بعد ما خفت الحساسيه
احطه باالليل وبالنهار زبده شيا والكاكاو من فازلين
نفس طريقه الااخت عابرة سبيل الله يسعدها
النتيجه خفت شوي الخطوط بس على قولهم الحلو ما يكمل وقفته مع الحمل
استعدادا لاستقبال شخاميط جديدة-الله مستعان-
لوشن جونسون بالشيا
خفيف مرة ويتشربه الجسم بسرعه وريحته نعووووووومه
جليسوليد حبيب الشعب مايحتاج اتكلم عنه
تعطير الجسم
بودرة نونو ريحتها نعووووووووومه ومنعشه احبها كثير واحلى من جونسون بالنسبه لي
احطها على الصدر والثنايا تنعشني من جد
بدي سبراي فنتزاي
احب هالماركه اكثر من بدي شوب ونكتار روايحها تطول وما تخنقني وقت البخ وسعرها جدا معقول
طلع لي بالعرض الحبه ب28 تقريبا الباكت كله ب80
والحين خلوا ب65 بتلقونه بالدانوب الحقوووووووا
تقريبا جربت كل الانواع
وقلت هالمرة اغير
الفوشي بحلاوة القطن حلو كثير
الازرق بينا كولاده جوز هند واناناس ابخه اذا تروشت بشاور جل بوتس
الزهري ريحه ورد عاديه
الموف بالكرز الياباني يهووووووووووس
عطر زهور الريف الي بصورة الكريمات ب85
اخذت زهرة الوادي او على قوله البياع دلع بنات
طلبت منه بدي سبراي عطاني عطر!انقهرت لاني فتحته
عجبني بالمحل لكن بعد كم يوم حسيته كنه معطر جو من ابو 2!!!
لكن عجب الي حولي-عاد نفسيه حامل هههه وش اسوي-
مزيل رائحه من نيفيا
عباره عن ستيك حلاته ما يبقع ينشف بسرعه
جربت كل الاانواع جيده
ب12
توله المسك الابيض من القرشي ب200 وايام العرض التوله الثانيه مجانا
والثانيه عود من بدي شوب ب55
احطهم على الجسم وهو مبللول وتثبت الريحه
المنطقه المحتاسه
نير للبشرة الحساسه اشيل فيه يديني لان شعري صغير مرة ويتعبني بالحلاوة الحبه ب10
مناديل كيرفري مقدر اعيش بدونها مستحيل اطلع بدون ما البسها
ب20اتوقع
موس جيليت ب5
امواس عاديه ب13
غسول كير فري ب13
فيم فرش جاني هديه
المناديل ب20 اتوقع احطها بالشنطه
روتيني بالعنايه
هذا ردي لوحده من الاخوات
طريقتي اسوي صنفرةو اشطفها
بعدين احط رغوة بالغسول النسائي كيفيري
استخدم موس ابو مشط زي سانيتا او جليليت بودي
لاني حامل طبعا ما اشوف بس اتحسس بيدي-مو تجي وحده تقولي قله ادب ليش تتحسسين مدري وشو!!-
ميزه هالموس انه بيلم الشعر وما يخليكي تعيدي على المنطقه وتتجرحي
تشطفي زين بيقى شعر بسيط جدا ومشي عليه باي موس نسائي عادي مو ضروري فينوس غالي سعره ضربه
وتشطفي
ممكن تتشطفي ببيتادين مخفف بمويه
او مسحه طبيه وسلامتكم
اهم شي صنفرة كل يومين عشان ما تحبب المنطقه
اذا انجرحتي ادهني بسودو كريم بعد المسحه
العنايه بالشعر
شامبو هيد اند شولدز للفروه الحساسه ب20
شامبو سايوس الماني للشعر الخفيف خالي من السيلكون ب13وقت العرض
شامبو جونسون صناعه ايطاليه ب20
سبراي من بوتس زي قلته عادي جدا على اساس انه كوندشنر ليف ان
ما يسوي شي بس ريحته حلوة
سبراي لوريال للحمايه من الستريتنر
ب28
شريته عقب ما انقطع ترسييمي من السوق هو ب45
سبراي النت لوريال
مثبت روعه وما يخشب الشعر ب30
زيت براشوت جولد اخلطه مع الزيت الحبه السودا او زيت الجدايل
الاسعار بالترتيب13-20-50
فتامينات ماتيرنا للحامل مع الكالسيوم بستمر عليها ان شاء الله فترة الرضاعه
ب30 والكالسيوم ب40
مشط خشبي
من بودي شوب ب17
كريم هير فود
ب15
حمام زيت بجوز الهند واللوز
من بوتس ب15
معلقه ال15 معي هههه الله يطرح فيها البركه
روتيني بالعنايه
اول شي نوعيه شعري اسود وناعم بلفه وفيه قشره مقصف وما يطول-مضروب عين باختصار-
قريت موضوع الاخت احلام بنفسجيه وقلب لي كل مفاهيمي بصراحه الله يجزاها بالجنه
اول كنت اغسل بهيد اند شولدز واحط كريم براشوت وينكش شعري نكشه لئيمه يومين ويدهن وتطلع القشرة
بعد قرايتي للموضوع كبيت كل القرابيع الي عندي بديل زيت كريم املا براشوت
صرت اغسله بساسيوس واحيان بجونسون وكل اسبوعين مرة بهيد ان شولدز او اذا دهنته بزيت الجدايل لانه ثقيل وريحته قويه
اخليه ينشف على راحته ثمن امشطه بالمشط الخشبي
الماسك عادي ومراح ارجع اشتريه مرتاحه مع الزيوت
اذا قاعده بالبيت ادهنه مسحه بسيطه من براشوت مخلوط بزيت الحبه السودا
واضفره عشان ما اقعد العب فيه
واذا عندي مشوار استشور بالتسكوم الغرة والجوانب بعدما ابخها بالحمايه من لوريال
ابخ النت والفها باللفافات واثبتها بالكلبسات مو بغطاها عشان ما تكسر الشعر
والباقي مسحه بسيطه بهير فود اربطه والف اطرافه باللفافات
في فترة داومت فيها على رقيه الشيخ خالد الحبشي
اقص بمقص خاص ايام البيض واتصدق
كلما مشطت ادعي اللهم زده طولا وجمالا
قللت سشوار قدر ما استطيع
طال الحمدلله لكن رجعنا لنفس الدوامه يوصل لكتفي ويتقطع-الله لا يحلل من كان السبب- من اسبوع اضطريت اقصه لفوق كتفي بشوي لانه انعدممممممممم
لانه بيطيح مع الرضاعه
وان شاء الله بحاول اضغط على نفسي واحنيه معرف ليش اكره الحنا ودعواتكم
اتمنى تكونوا استفدتوا من الموضوع والعفو ما حطيت حركات وديكورات
كثر خيري تعلمت اصغر الصور وانزلها
خلينا حركات الكشخه عشانكم
خخخخخخخخخ احبكم مووووووووووت
ولا تنسوا تقيموني;)
اغراضك حلوه تتهنين فيها.. اما باانسبه لعطر زهور الريف صادقه حتى انا شريته ماعجبتني ريحته عطيته بنت اختي واخذت الشاهي الاخضر رووووووعه انصحك فيه اذا ماجربتيه
موفقه