بنات انا استخدم الطريقة هذي من زمان و هي وقاية و ايضا علاج يعني اللي تدخل العشرينات اتمنى تسويها كوقايه و خصوصا انها مواد طبيعية .. اللي خلاني اكتب هالموضوع شكوى وايد بنات في المنتدى من الهالات السودا و التجاعيد.. واحب اقول لكم الطريقة هذي انا من زمان اطبقها و اللي يشوفني يعطيني اصغر من عمري بعشر سنين... أذكروا الله
و ابيكم تدعون لاخوي ان ربي يشافيه من المرض الخبيث
الحين تبدأ طريقة العلاج
اولا: تيبين كبسولات فيتامين اي Vitamin E تلاقينها بالصيدليات مو تشترونها من العطار لانه عنده نوع رديء ورخيص .. الصيدلية افضل.. انا شارية علبه فيها تقريبا 60 حبه ب 4.500 د.ك (فلوس كويتية ).. هذا شكل الكبسولات في الصورة.. طبعا في ماركات وايد انتي اختاري اللي يعجبج بس ضروري من الصيدلية
ثانيا: تقصين الكبسوله بمقص و تفرغين محتواها من زيت فيتامين اي في قرشه غامجة علشان الضوء ما يكسر الفيتامين.. و انتبهي لازم تكون القرشه نظيفة و جافة و المقص اللي قصيتي فيه يكون نظيف
ثالثا: تضيفين نفس كمية زيت فيتامين اي تضيفين زيت الجوجوبا هو الافضل و خصوصا لو كانت بشرتج دهنيه او مختلطة اما اذا بشرتج جافه تقدرين تضيفين زيت زيتون أصلي.. بنات الزيوت اللي تضيفينها ترى على حسب ذوقج وراحتج للزين اللي تبينه يعني عندج خيارات ثانيه (زيت اللوز, زيت جنين القمح, زيت بذور العنب, ,,,الخ)
رابعا: تضيفين نقطتين من الزيت باستخدام القطاره و تسوين مساج بس بالراحه مو تضغطين و تدعكين عينج لان بشرة العين رقيقة واستخدمي اصابع ايدج "الوسطى" واكرر مره ثانيه لا تدعكين و خلي ايدج خفيفة بدون ضغط
المساج مثل ما هو موضح بالصورة.
سوي الطريقة هذي في الليل قبل النوم و اصحي الصبح و غسليه و استخدمي كريمج المعتاد
-------------------------
وبالنسبة للشفايف احط عليها فيتامين اي يصير قلوس و يرطب و يغذي بنفس الوقت بس لا تطلعين فيه بره بالشمس خلوه للبيت
وارجوكم ادعو لاخوي ان ربي يشفيه من المرض الخبيث