هذي الوصفات مو حلوه بس ايضا سريعه وموفره افضل ما تسوين قالب فرن كامل وحرام ما ينوكل هذي المقادير تخليج تتحكمين بالمقادير حسب حاجتك يا قمر
نبدي بالاسهل
صمون بالقطر
كيس صمون 240 جم يعني ربع كيلو تفرمينه بالسكين خشن مو بالمكينه
علبة قشطة كي دي دي الصغيره او نص كوب
نص بكت زبده سايحه
بيضه
ربع كوب سكر
ملعقتين طعام ماء الزهر(ممكن يستبل بحليب سايل فيه نقطه فانيلا)
اخلطي الزبده السايحه بالقشطه وماء الزهر والبيضه والسكر واخلطيهم مع الصمون المفروم
عبيهم بقوالب كب كيك الصغيره ويكفيك 24 حبه لا تضغطين كثير بس تهذيب شكله طبعا ادهني القوالب زبده
اخبزيهم حتي\ى يشقروا وبس يطلعون اسقيه قطر بس تكوني ضايفه له ماء زهر ايضا عشان يقوي النكهه تقريبا كل حبه تاخذ ملعقة متوسطه قطر وخليه يبرد ورشي الوجه بالفستق
ممكن بدال ماء الزهر حليب وفانيلا وبدال القطر نستله محلى او توفو وبدال الفستق قرفه او هيل مطحون
التوفو العشره هههههههههههه
طبعا لانه ماشاء الله يدوم بالثلاجه وما يخرب ابدا
نص كوب سكر ابيض ومثله سكر اسمر
بكت زبده او نص كوب
كوب كريمة خفق
فانيلا نتفة ملح
ربع كوب عسل او شراب الذره الخاص بالبان كيك
ذوبي السكر بنوعينه على نار هاديه وبس ينعمو ويسيحوا اضيفي باقي المكونات كلها عدا الفانيلا وقلبي بسرعه وحتى تنعم بس تغلي خففي النار جدا واتركيها تغلي ربع ساعه مكشوفه برديها وعبيها بغرشة بان كيك فاضيه او اي انبوب رعاص وتنحفظ بالثلاجه لشهر وفوق اهم شي تسكرينها بعد الاستعمال زين
كب كيك التفاح
6 كيكات الكميه هذي وضاعفيها حسب حاجتك
تفاحه متوسطه خضراء مفرومه مربعات صغيره مخلوطه مع ملعقة طعام سكر ومثلها جوز مفروم خشن وملعقه صغيره زبده ومثلها قرفه ناعمه
الكيكه هذي تكفي لمقدار ال 6 كيكات وايضا لل 6 كيكات اللي بالكنافه يعني 12
كوب وربع طحين منخول مع ملعقة صغيره مملوءه بيكنج ورشة ملح
3/4 كوب سكر
بيضتين
نص كوب حليب سايل
ربع كوب زيت
ملعقتين طعام زبده سايحه
فانيلا
اخلطي جيدا الخليط حتى ينعم
ادهني قوالب الكب الكبيره زبده ووزعي التافح فيها صبي مقدار ملعقتين طعام من العجين واخبزيها بالفرن
بس تطلع ريحيه 10 دقايق واقلبيها لو كان لها قمه مرتفع قصيها بالسكين عشان هي تتقدم من القاعده اسقيه توفو او حليب نستله ورشة جوز مفروم ناعم ومفروك بالقرفه وعوافي
كب كيك الكنافه
6 كيكات
باقي العجين السابق وزعيه بالتساوي في 6 قوالب كب كيك كبير بعد وضع الورق فيه
ال6 قوالب تاخذ 2 حبة جبن كيري يعني كل حبا تتوزع على 3 قوالب بعد فرمها بالاصابع وتوزيعها على العجين
افركي كنافه بالزبده 3/4 كوب بملعقة طعام مليان زبده جيدا عشان تتشرب
ووزعيها فوق الجبن وتخبز واول ما تطلع اسقيه قطر بالزعفران تقريبا ملعقة اكل لكل كب
ويارب تعجبكم
158734
158735
158736
158737
158738
يا ما كو اسامي
تم الحفظ