الى كل الاخوات اللي حابات انهن يساهمن معانا في مشروع المحفظه.....اذا كان صعب عليكم توفير المبلغ كامل ممكن تتشاركون مع مجموعه من اهلكم وتساهمون باسم شخص معين منكن....وكل الظمانات موجوده...وفي اي وقت تحبون تستردون فلوسكم او جزء منها مافي اي مشاكل...

طيب ليه ماتنزلون قيمة السهم عشان الكل يشارك
مثلا اقل سهم عشر الاف والثاني عشرين وهكذا
لانه حتى الاهل مو اكيد تضمنين انهم بيوافقون في حاجه مايعرفوها

اتمنى لك التوفيق وبانتظار ردك

الله يوفقج حبوبة
انزين الغالية
ممكن تخبريني شو هي الضمانات اللي تقدمونها؟
انتي تقولين كل الضمانات موجودة
بس سمحيلي يا الغلا انا مادري شو الضمانات اللي ممكن آخذها منكم
يعني مثلاً تعطوني جيك بقيمة راس المال اللي عطيتكم
وبعد شو؟
واذا اتفقنا ممكن انطرش حد من طرفنا يتفق معاكم ولا لازم يكون صاحب الفلوس موجود بنفسه؟
والسموحة

اختي قوت القلوب....انا ماقدر الغاليه اطلب من الشركه هاهلشي لانها اشياء معتمده في شغلهم.....وبعدين هالشي لصالحكم عشان الربح يزيد..

اختي الطير المهاجر.....بالنسبه للظمانات...الشركه معروفه بتعاملاتها....في ناس اللي تعاملو معاها اكثر من مره وواثقين من شغلنا يكتفون بتوقيع الاوراق في الشركه وهي تظمن حقهم مثل انه الشركه استلمت هالمبلغ و في حال ما رجعته في الوقت المتفق عليه يلجأون للقضاء....او عن طريق محامي يكتب العقود و ويوثقونها في المحكمه.او على طول في المحكمه لكن المحكمه تاخذ رسوم على هالشي

وبالنسبه للقسم الثاني من سؤالج لازم الشخص اللي بينكتب العقد باسمه يكون موجود عشان يوقع بنفسه على العقود و الاوراق ويكون التوقيع معتمد و يظمن حقه عندنا