عندكم تسمونها خرافه وعندنا حقيقه مافيها جدال»»انتي ومولودك وافكار جداتنا

هلابك اختي وممكن فعلاً فيه نصايح من الجدات لها وزنها وتكون صح بحكم انهم في زمانهم اعتمدو على التجارب ماكان عندهم لاطب ولاشي ......

انا اكثر معلومه اشوفها متداوله بين الحريم ويؤمن بها اغلب الاجيال قصة تغذية الوالد انها تاكل زين وتعتمد عالاشياء الساخنه والبروالتمر وتخفف من الحلا والنشويات عشان لايتعب جسمها ولاتطلع رخوه هذي اهم معلومه اسمعها بكل الولادات

والمعلومه الثانيه تنتبه النفاس لاتطلع بالهوا عشان لاتتعب لانه يعتبر مضر جداً ومااكذب عليك طنشت لهالكلام باول ولاده لي على بالي خرافات وبجد تعبت تعب اعوذ بالله طلعت معلومه صدق ماقيلت عبث

الطفل المولود ماتحطينه بغرفه لحاله مو زين وبالذات مع الاذان لابد تكونين عنده وتسمين عليه

والنفاس يفضل يكون معها كسرة مره جنبها تشم فيها حتى ماتتعبها عطور الزايرات ومنها الشيطان يكره المره ومايمسها هذي كلها من معتقدات الجدات واكيد ان اغلبها صدق وفيها من النفع الشيء الكثير

for up

صباح الخير

موضوعك حلو خصوصا إني أحب وأعشق نصائح العجايز لأنها كنز أكثر من نصيحه سمعتها من جدتي وقارنتها في حياتنا وأقتنعت فيها :

1/ لاتعودين تشربين مشروبات بارده مو بس وقت الدوره الا طول الوقت لانها سبب تحجر الدوره وآلامها المتعبه أنا تذبحني الدوره وسألت جدتي قلت أنتوا أول ماتحسون فيها وأنتوا شغل وكرف وغنم وبرد قالت حنا مانشرب البارد ولانعرفه ونشتغل ونتحرك ولاندري بها.

2/لاتلبسين الكعب أثناء الدوره يسبب الميلان وانقلاب الرحم ولاكنت أصدق الا يوم تزوجت وحصلوا فيني ميلان شديد يمنع الحمل وفعلا كنت ألبس كعب وقت الدوره فالدوام والطلعات.

3/ لاتشربين مويه قبل ترضعين مولودك بفتره إذا أنتي ترضعينه طبيعي لانه يجيه زكمه وكحه يقولون إنها تأثر على الطفل ويزكم هذا الشي شفته في بنت خالتي .

4/تقولي جدتي حطي الفلفل الاسود مطحون فحليب حار وأشربيه لاجتك الدوره قلت ليه وش دخله قالتلي والله معد يتعداك الرجال يعني ينبسط عليك لأن الفلفل حسب كلامها يسبب ضيق فالمنطقه وحراره وفعلا صدق .

5/تقولي بعد الله يطول في عمرها ولايحرمني منها وأنتي تشتغلين وانتي جالسه ولا واقفه ولا حتى أثناء الجماع أشفطي هواء بطنك هالشئ مايخلي يطلع لك بطن مهما ولدتي واللي خلاني أصدق هالمعلومه حرمه تعالج قالتها لي تقول بعد مايخلي الهواء يدخلك.

أشياء كثيره تعلمتها منها فديتها ويطول بعمرها يارب لاتذكرت جيتكم

لا اله الا الله

0ومنكم نستفيد انا معلومه سمعتها وانتي ترضعين لاطلعين في وجه طفلك وتبحلقين يكبر وجه
وبعد لحد يمر من فوق صغير يعني مانتعدا من فوقه يقلون مايطول