عندكم شي يطول الرموش غير الخروع وفادكم؟؟؟؟

قوة

انا استخدم الخروع وماعرف شي ثاني جان ساعدتج ^_^

انزين مو لازم تستخدمين المسكره مادام رموشج طوال استخدمي اللي يعقص الرموش
عشان انتي بس تبين ترفعينها >_<

هذي رايي وانتي جوفي اللي يريحج

مرحبا حبوبه..في موضوع عندي من زمان خزنتنه ع الكمبيوتر..ان شاء الله يفيدج..مع العلم اني ماجربته :) اخليج ويا الموضوع:
مثل ماوعدتكم بكتب طريقه الكحل الخاص لتطويل الرمووووش للبنات الي طلبوه بقسم الشعر!

وبصراحه ودي اكتب مميزات هالكحله

1:سهل التحضير والاستخدام
2:لونه اسود سواد خيالي
3:سهل الازاله والتنظيف
4:اذاخلصت الكميه اقدر اسوي بمطبخي كميه ثانيه تكفيني اناوبنت جيرانا لووووول
5:مطول ومكثف للرموش
6:مزيل لاحمرار العين يعني مصفي للعين
7:مناسب لفترات الصباح اثناءالدوام وكذللك للسهرات لوووول

نجي لطريقة عمله

تجيبين التالي: نوى تمر _ مره (من العطار ولونها بني وطعمها مررر))
النوى= نص كاس .. المره= ملعقه طعام كبيره
تحظرين مقلاه جافه تماما وتحطين فيهاالنوى والمره وتحمسينها لحد ماتصير لونها اسود محروق
وبعد ماتبرد تدق بالهاون وبعدها تطحن اكثر من مره لحد ماتنعم ملاحظه مهمه::لازم تنعمينها عشان ماتضرين عيونك وبعدها تجيبين شاش وتنخلينها فيه الحين حصلتي على مسحوق ناعم مثل البودره لونه أسووووود مثل اليل
احطه بزجاجه معقمه واستخدمه كحل لداخل العين أي وقت وأن شاءالله بفتره اسبوعين تحصلين على رموش كثيفه وطويله وعيون صافيه والاهم انه الكل بيقول وش ماركه كحلك!!!
----------------------
منقول..وارجع واقول ماجربته :) بس اتمنى تستفيدين..

جربت قص الرموش مع استخدام زيت الخروع طولت ارموشي ماطلت بس الحمدلله استوت افضل من اول**أكو بنات يقصهن كلهن واكو بنات نصهن صراحه خايفه اغامر واقص الرموش من اولها لآخرها قصيت اطرافهن بس

هلا إختي إيماني : أشكرج على ردج ويزاج الله خير أنا رموشي تطيح لأني استخدم اللي يعقص الرموش كل يوم وهالأداه هاي اللي تعق رموشي للأسف.

إختي: uae Queen
يزاج الله الف خير على المعلومات اللي حطيتيلي إياهن وبحاول اسوي الكحل وأستخدمة

إختي زهرة الريف البرية: مشكوره على مشاركتج بس مستحيل اقص رموشي كفاية اللي يطيح منه

أنا بقولج عن تجربتي واللله على ما أقول شاهد

أنا كانت رموشي بالمره مافي شي بسبب الكحل وأصلا ماأقدر أطلع من دون كحل شكلي مريضه يصير

واستخدمت من زين الاتات مطول الرموش وهو عباره عن خروع وزيوت ثانيه خلال اسبوع تقريبا بينت معاي نتيجه حلوه واستمريت شهر كامل عليه فعلا صرت أقدر أقعد من دون كحل عادي

بس في شي مهم حاولي تخففين من وضع الماسكارا يعنمي في الاوقات اللي ماتحتاجينها لا تحطينها ودايما وابدا امسحي الكحل قبل النوم

وهذي تجربتي وما ابي منج الا الدعاء الله يحل مشاكليي الللي متعبتني