هلا اختي انا اتفق بس مع الاختي dadoush12
1- حسسيه انك راضيه على سفرته وانك تبغينه يروح ممكن يغيررايه ويقول ليش تبغى تصرفني
2- انتي منتي خسرانه شي اذا مثلتي عليه لانه كذا ولاكذا معاندك ومسافر
3- لوعاندتي معه ممكن يعانداكثر ويجلس مده طويله لانه بيحط في باله انك زعلانه ونكديه يمكن اصحابه يشجعوه على الجلسه اكثرويقولوله هنا احسن من النكد وشلك في الديره واهلها ونكدها هذا هم بعض الشباب الله يهديهم دايم يخربو
4-اذا رحتي عنداهلك زعلانه بيقول خلها عندهم ماعليها خلاف وكذا بيطمن عليك وانتي عنداهلك وبياخذراحته في السفر
الحاله الثانيه:
1- اذا صمم وسافر وديعه وسوي نفسك فرحانه مره واوعك يحس انك زعلانه اوبخاطرك شي
2- اذا حس انك زعلانه قولي لا بس هذا شوقي وخوفي عليك
3- قوليله لاتنسانا احنا بنتظارك اتصل بنشتاقلك كثير ولاطول الغيبات واجلسي امدحي فيه واطلبيله بطول العمر ترى الرجال يحبون هذه الدعوه
4-اذا سافر وتاكدتي انه سافر اقهريه بدل المره الف مره
اقولك كيف طنشي تلفوناته لاتردين عليه قولي خربان ماسمعته واذا خايف من المشاكل سكري الموبايل مره وحده قولي قفل علي وضيعت الرقم حقه اواي عذراحسن وحاولي تشوفين تلفون البيت اكيدبيتصل شوفي الكاشف بس لاتردين واذا جا بعدين وعاتبك لاتنسين قبل مايجي تشيلين البطاريات اللي في الكاشف
5- وهي الاهم الاهم
اكثري من الدعاء
وتفرقيله تمام
قيام الليل صلاة الضحى في الفروض بين الاذان والاقامه اكثري في السجود
صلي صلاة المظطر وهي ركعتين بعد الفريضه اواي وقت بس يكون من اوقات الاستجابه
اللحي بالدعاء على الله
اطلبي من الله اول شي انه يحفظ زوجك ويطول عمره ثم يحفظه لك من النظرالحرام ويحصن فرجه ويطهرقلبه ويغضض بصره وان الله ينزع في سفرته هذه من قلبه حب الحريم والنظرلهم ادعي بهذه الكلمات بشده اكثري اكثري
اكثري منها
علشان مانظلمه اذا كان مسافر مع اصحابه فقط لتنزه
اطلبي ان الله يحفظه ويرده لك بالسلامه ويبعده عن الحرام واصحاب السوء يسخر له الصحبه الطيبه
واذا انتي عارفه ليش مسافر ادعي الله انه يجعل صدره ضيقا حرجى كانما يتصعدالى السماء طول مهو في هذيك البلد واذكريها وان الله يسلط عليه عذاب الظمير ويدب في قلبه الرعب والخوف من الله
وادعي بهذا الدعاء بعد
اللهم ان كنت تعلم اني كنت على اساءتي وظلمي واسرافي على نفسي لم اجعل لك ولدا ولاشريكاولا ندا ولا كفؤا فان تعذب فعدل وان تعف فانك انت العزيز الحكيم اللهم اني اسالك يامن لاتغلطه المسائل ولايشغله سمع عن سمع ويامن لايبرمه الحاح الملحين ان تجعل لي في ساعتي هذه فرجا ومخرجا مما انا فيه وتذكرين حاجتك مثلا( انك ترجع زوجي وتشغل قلبه وعقله فينا الى ان ترجعه لنا عاجلا غيراجل) من حيث ارجوومن حيث لاارجو وخذلي بقلب عبدك ( فلان) وسمعه وبصره ويده ورجله حتى تخرجني في ساعتي هذه فان قلبه وناصيته بيدك يارب يارب
6- وهي المرحله الاهم
اذا زوجك باقي على سفره كثير
عامليه معاملة الام لولدها اي بحنيه وبكل طيبه لاتستهتري بهذا والله انه عجيب
ادعي ان الله يعوقه عن السفربخير وان يتعطل عن سفره بشي ينفعكم في دينكم ودنياكم
وان الله يصلح اموركم ويسهلها
والله يسخرلك زوجك ويبعدعنه السفروعيال الحرام0
الصفحة الأخيرة
بيسافر يعنى بيسافر
وغدا ان شاء الله
يروح ويرجع بالسلامه
والله يحفظهم من كل شر
ويبعد عنهم الشيطان
اما انا فبحاول انكد عليه بطرق مختلفه
بس خلونى اطبقها وامخمخ عليه وبشوف
النتيجه وبعطيكم الاخبار
سلام عليكم