قرايبك اللي من اول عايشين معك يعرفونك زين ويعرفون شخصيتك وطبعك ،،، مارح يعطو لهذه البنت فرصة تشوهك او تغير رايهم فيك ،،، وانتي مجرد شفتيها تسارر احدهن حكمتِ انها تفتن وتمرهم فيك ؟ انتِ قوي علاقتك بقريباتك وتجاهلي هذي ماعليك منها حتى لو مثلا قدرت تخليهم يحبونها او يثقون فيها فهذا ما يضرك

مالك الا التطنيش طنششششي وعيشي حياتك اللي يحبك صدق لو فرقوا الين بكرا م سمع لهم الدنيا م توقف على احد انتي سوي نفسك م عرفتي شيء ولا سمعتي شيء واكثري من الدعااااء لها ان ربي يهديها ويصلح حالها

خليك طبيعيه معاها ولاتبيني لها انك متضايقه من تصرفاتها ...لان غالبا هالنوعيه من الناس تحب تستفز الطرف الثاني عشان يبدا هو بالغلط ويكون الحق عليه
وبالتالي تكسب الناس الثانيه
الله يكفينا شر الفتن ماظهر منها ومابطن

عادي خليك طبيعيه جددددا معها وسولفي واضحكي معها ومع اقاربك ولاتخليها ابد تمسك عليك زله
لان واضح تبغى اي شيء يفرقكم وحطي ببالك ممكن تنقل كلام وكذا
لكن اذا انتبهتي مارح تقدر تسوي شيء
وحتى قرايبك ممكن مايصدقوها لانهم بيكونو عارفينك ماتأذي ولاتنقلي كلام ولا تغتابي ولاشيء
وبكذا هي الخسرانه

الله يسعدكم جميعا ويرزق كل وحده فيكم افضل مماتتمنى يارب فعلا التجاهل سيد الموقف اذا ابتليت بناس كذا
بس انا مشكلتي تعبت من الحروب لاني كثير بحياتي تعرضت لاذى احس قفلت معي ماابي ااذي احد ولا احد يااذيني وصرت افضل اقعد لحالي ولا اقابل احد يجرحني واشيل بقلبي عليه او اغتابه انا فعلا اتمنى ان تتوقف هاذي الحرب اللي هي شانتها مو شرط تحبني واكون قريبه منها بس على الاقل مو لازم اذيه وتجريح ومحاولة انها تعزلني سبحان الله الاحترام والخوف من الله سر نجاح العلاقات لكن مابيدي شي

عموما الله يسعدكم جميعا وفعلا الدنيا دار ابتلاء والحمدلله كثيرا