السلام عليكم ورحمة الله وبركاتة
كيفكم اخواتي ؟ ان شاء الله تكونون بصحة وعافية
حبايبي حابة اتكلم معكم في موضوع يمكن الأغلب ماتحط له اي اعتبار او اهتمام رغم انه بالنسبة لي ولكم مهم جدا ولازم نحاول نعدله
طبعا مثل منتو شايفين بالعنوان الموضوع يخص المرأة اللي تملك أطفال أعمارهم مارح اقول اقل من اربع سنوات لانهم لسا مايعرفون يحكون نفسهم بس انا اتكلم عن اللي تكون اعمار اطفالها من اربع سنوات فما فوق و ( عندهم فرط حركة ماهي طبيعية ) وتاخذهم معها بكل بيت وبكل زيارة :44:
والمشكلة مو واقفة على كذا .. لا المشكلة اذا جاتك الضيفة تملك ثلاث أو اربع اطفال ( ماشاء الله ) واعمارهم متقاااربة وجدا مشاغبين وللاسف هي تدري انهم مشاغبين ومع ذلك تلقينهم ناشبين معها في كل مكان تروحه وتعالي شوفي النتائج اللي بتظهر والمشاكل اللي بتصير لك بعد هذي الزيارة
بصراحة اكثر شيء يضايق بالضيوف اذا كان عندهم اطفال مشاااغبين والاخت تتجول بهم معها سواء عند جيران والا عند صديقات والا اقارب ماشاء الله اول من يدخل مع الباب هم
طبعا بغض النظر عن زيارات الاهل هذي مالنا شغل فيها
بس الزيارات الرسمية وخصوصا اذا كانت بأوقات تجمع الصديقات او الجيران ماله داعي تجيبينهم أبد واذا مرره مافيه مكان تحطينهم فيه خليهم مع ابوهم يمشيهم لين تخلصين ويجي ياخذك وتوكلي بتكونين ارتحتي وريحتي الناس معك
اما انك تجيبينهم معك وماشاء الله تبارك الله يجلسون معك بنفس مجلس الضيوف ويتقهون مع الحريم هذي الطريقة أبدا ما أأيدها
واصلا ماهو منطق تقعدين اطفالك بين سوالف الحريم
:09:
الشيء الثاني
الأخت اللي تشوف عيالها قلبوا بيت الاوادم فوق تحت وحولوه نادي رياضي ولا همها احب اقولها تراك فعلا ماتستحين ولا عندك ذوق ابد
من جد استغرب من هالنوعيات وعانينا منها كثير تكون الضيفة شايفه عيالها وشقاوتهم وحركتهم الزايدة وتسوي نفسها ماتشوف
لا والمصيبة العظمى انها تدري ان الناس اللي راحت لهم تضايقوا منها ومن عيالها ومن فوضويتها ولا همها الوضع بالعكس يكون يوم الهنا عندها واذا جو يلكمونها تقول روحوا العبوا .. طفشتوني .. :mad:
؟؟؟
طيب يالفاهمة ويالعاقلة احب اقولك وبالخط العريض
ترى بيوت الناس ماهيب مكان ترفيهي والا نادي رياضي عشان تجين انتي وعيالك وتطلقين لهم العنان وتخلينهم يسوون اللي يبونه
ترى هذي الطريقة تخلي الكل يتضايق من زياراتك يعني المرة الاولى نمشي والثانية الثالثة خلاص الكل يسير يتكلم فيك وفي شقاوة عيالك وهمجيتك ومع الوقت حتى زياراتك يسيرون يتهربون منها
احب اقولكم انا ماكتبت الموضوع من فراغ او اني حابة اتسلى عليه بالعكس انا فعلا شايفه كثير ناس كذا وكثيرر اتنرفز منهم ومن زياراتهم ويمكن يسوون اشياء انا ما تعمقت فيها مثل التكسير والتخريب وتنبيش الغرف والمطبخ حتى كنبات المجلس يسحبونها :44:
نصيحتي لكل ام اذا كنتي فعلا حريصة على مكانتك بين الناس وحريصة على احترام الناس لك وتقديرهم لزيارتك خلي عيالك ببيتك وقت زياراتك والا ادبيهم عشان لا تضايقين الناس وتضايقين نفسك معهم
اتمنى تستفيدون من موضوعي المتواضع
تحيتي :26:
هـــدوء ّ~ @hdoaa_37
عضوة فعالة
عندك أطفال سنهم من4 سنوات فما فوق ؟ تفضلي هنا لواللي حابة تستفيد حياها >> موضوع مهم
15
2K
يلزم عليك تسجيل الدخول أولًا لكتابة تعليق.
شروق صافيooo
•
صادقه المشكلة الى تشوف عيالها يخربون ولا همها الله يصلحهم
آآآآآآآآآآآآآآآآآآآآآآآآآآآآآآآه جيتي ع الجرح توني امس كنسلت زيارتي لقريبتي بسبب اولادي
ابوهم مشغول ولاعندي احد يمسكهم صرت مازور احد والله ماألوم الناس لو ضايقوا
بصراحه معد هم بأطفااال ماشاء الله والي مرضاه عنفسي مرضاه لغيري
المشكله بالبيت عاقلين ومسيطره عليهم بس اذا رحنا عند الناس
احس مهم باولادي الي بالبيت............
ابوهم مشغول ولاعندي احد يمسكهم صرت مازور احد والله ماألوم الناس لو ضايقوا
بصراحه معد هم بأطفااال ماشاء الله والي مرضاه عنفسي مرضاه لغيري
المشكله بالبيت عاقلين ومسيطره عليهم بس اذا رحنا عند الناس
احس مهم باولادي الي بالبيت............
والله في ذا الزمان معد ينفع الا استراحات وبس البيوت صعب جدا حتى القريب قبل البعيد لان عيالنا اصبحو غير اول نشاط ولعب زايد مدري من التلفزيون ولا التربيه حتى بالمولات عيال السعودييين فيهم حركات ترفع الضغط .
والله انك صادقه المغرب جاتني وحده قالة بنتها (البنت ثاني ابتدائي)ابي شاي ووالبنت معروفه تحط سكرفي الشاي الى ماتقول بس قلتلها عيب البنت ماتشرب شاي لانها بتروح تتجول في البيت كله بشاهيها واناماعندي شغاله تروح تمسح وراها بس رحت اجيبلي شغله من المطبخ الا واجي الاقي معها شاهي بعد ماراحت لقيت بيالتها في اخر غرفه في البيت وسالت بنتي من اللي اعطاها شاهي قالت امها علما اني ماخذ عيالي معي لاي زياره الا اختي وعمت عيالي فقط لا غير
الصفحة الأخيرة