خير الامور الوسط و كل أم بتضايق اذا اي حدا علم ابنها شي غلط سواء من اهلها او اهل زوجها انا عن نفسي اهلي كتييييييييييييير بحبو بناتي بس بخاف من طريقتهم في التعامل مع الصغار لاني شايفة اولاد اخوي واختي اللي بنفس البناية شو بيتعلموا وما في حدا بيحكي عيب وغلط والصراحة انا ما بدي بناتي يكونو هيك وصح اهلي اللي ربوني بس ليش ما يطلعوا بناتي احسن مني!!!
واهل زوجي كمان نص مشاكلنا مع ازواجنا اذا مش كلها سببها الاهل والقرايب وانا عن نفسي زوجي دلوع اهله ومشاكلي معاه سببها طريقة تربيته يعني لو تربى بطريقة تانية كان كتير اشياء تغيرت بحياتنا ليش ما اتجنب بناتي يتربو بنفس الاخطاء ويطلعو احسن مني ومن ابوهم...اهلي واهله على عيني وراسي بس هاد مش معناه انهم كل شي منهم صح لا المفروض نتجنب اخطاء اللي قبلنا ونفكر كيف نربي تربية صالحة ...
ليش بتنتقدوا اللي ابنها بيغلط وما بتفتح تمها معاه بزيارة او بالبيت او بيضرب ابنك وامه بتضحكله بتعرفي ليه عشان الام هيك تربت وهيك عم تربي ابنها بنفس الطريقة الغلط...اذا بدهم يعلموا ابني او بنتي شي منيح ليش لأ بس اذا بدو نتيجة اني اسكت واتركهم يتدخلوا يطلع ابني او بنتي دلوع واناني وما بيحترمني لأأأأأأأأأأأأأأأأأأأأأأأأأأأاااا..بالآخر ابني والناس حتحكي ابنها قليل ادب وما عرفت تربي ما حدا حيحكي جدته تدخلت او عمته او اي حدا..

رولاتي انا معاك عنوني

مع احترامي لام ديمه

هم امه وابوه اشكرهم واحب يدينهم ورجلينهم لانهم ربوا زوجي تربيه سنعه بس العالم تغير ..
تربية زمان مو زي تربية الحين

تطورت التربيه وتغيرت الضرب موجود في التربيه من عهد الرسول صلى الله عليه وسلم لكن ضرب عن ضرب يفرق .. فيه ضرب تاديب وفيه ضرب اجرام ,,,

لما ولدي يقول كلام موزين محد راح يقول تعلمه من الشارع ,, لا راح يقولون تعلمه من بيتهم لو وحده والا ثنتين عارفين انه من الشارع مو الكل عارف انه من الشارع واولهم جده وجدته راح يقولون هذي امه اللي ما تستحي ومتعلم الكلام منها ,,

بعدين هذا ولدي انا اللي تعبت عليه اللي اللي مقابلته 24 ساعه من حقي اني اربيه مثل ما ابي ,, لو مو من حقي ماكانت التربية ع الاب والام ,, انا ما علي لو يوجهونه للخـير ياما جدان كبروا العيل قدامهم ماتعالموا منهم الا كل خير حكمه ودين وثقافه ,, هذا اللي نبيه من جدان عيالنا مو يدلعونه هم لما كانوا اباء ماكانوا يدلعون مانشووف الا الطق وخلينا نقول كلمه شينه عقااب مضبووط وهالحين ما يبون نربي عالنا مثل ماربونا ,, يعني لما الحريه لان عيالنا لنا ماهم للناس ونحب عيالنا يكونوا قد هالدنيا اللي ماترحم ..

مشكورين على طرح الموضوع الجيد
انا اللي يتدخل بتربيه اولادي يعجبني خاصه اذا شاف مني شئ خطأ بالتوجيه والنصح

اما اذا كان بطريقه الدفاع عنه او تدليله وحثه على الخطأ هذا شئ يقهرني ويضايقني

تقبلو مروري

الأم هي الشخص الوحيد بهالدنيا الحريص كل الحرص

عل تربية بنتها أو ابنها التربية الطيبة الصالحة
بدون قسوة مفرطة ولا دلال مفرط:icon33:

مهما جدته حبته ولاحتى جده(سواء للام أوللأب)

الأم هي اللي تربي
والله يعين على تربيتهم ويصلحهم:icon33:

بعدين الأخت أم ديمه
الجدة عاشت حياتها وربت عيالها وبما فيهم زووجي سمتهم ودللتهم وكبروا بدون تدخل من أحد
خلاص بتعيش زمانها وزمان غيرها

هذا زماني (عيالي أنا اسميهم وأنا اربيهم وأنا اقيم سلوكهم وأصوب أخطائهم)

اخيراً
اختلاف الرأي لايفسد للود قضية
ورد وريحان لكل من مرت هنا

انا معاكم بكل كلمه ...
وادري انه ولدي ومن حقي عليه اربيه مثل ماأبيه
وأدري انه مافيه احد بيخاف عليه ويحبه ويبي له الخير
كثري ...

اللي تقول انه إذا منعت شي عن ولدها وجاء زوجها وعطاه الشي
ادري هذا بيخرب معاملتكـ لطفلكـ .... لكن مثل الزوج او الأخت او الأخ
انا افضل انكـ تتكلمين معاه قبل ....
وأعطيكـ مثال ....
بنتي لما تبي شي مني وارفض اعطيها تروح لأبوها تصيح في زعمها
انه بيساندها ... لكن خلاص انا وأبوها متفقين ع شي إذا جت البنت تبكي
وتقول ابي هذا يقول لها أمكـ موافقه .؟؟؟؟؟؟
إذا قالت لا يقول هو لا ..... وإذا قالت نعم يجي ويسألني يتأكد ...
وهذا يكون بالبدايه بس بعد كذا يثق بكلامها إذا قالت نعم ماما وافقت
لكن لو أكتشف بعدين اني كنت رافضه الموضوع ... يجي ويكلمها ويبين انه
متضايق منها لانها أولا كذبت .... وثانيا عصة كلام امها ....
ويصير زعل من الطرفين بحيث مانتكلم معاها ولا نعطيها اي اهتمام ...
وبكذا تحس وتعرف انه مهما كذبت او حاولت تمكر ع احد الطرفينه
انه بينعكس عليها لو انكشف موضوعها .....
وهذا طبعا العكس مع زوجي لو رفض شي وجتني تبكي ... اسوي نفس
مكان زوجي يسويه ... اسألها بالبدايه ....
*
*
*

اما الأب او الأم لأحد الزوجين ... انا ماأقول كل شي يسونه لودكـ اسكتي عليه
ولا تقولين ثلث الثلاثه كم ...
بالعكس انا معاكـ ابي بنتي ماتسوي غلط ولا تتلفظ بكلمات وسخه ...
لكن تأكدي انه الأجداد لما يشوفونكـ تضربين الطفل يرحموووووونه
حتى لو كان تأديب ....

وماأعز من الولد إلا ولد الولد ....


وبكذا بيشوفونكـ قاسيه قلب ع طفلكـ ولا ترحمين ..........إلخ
ولا تروحين بعيد ... لوتشوفين ام تضرب ولدها ضرب قاسي
مو بترحمين الطفل .... هذا نفسه اللي يشوفونه الاجداد فيه نظرهم
حتى لو ضربكـ مو قاسي ولكن لتأديب بس في نظرهم قااااااااسي ...

وأدري فيه كثير اطفال لما يشوف أجداد خلاص في نظره هو الحصن المنيع
اللي يحتمي فيه .... ولانه عارف لو سوى وش ماسوى وراه ظهر بيحتمي عليه
بس انتي لاتحاولين تضربين طفلكـ او تعاقبينه او تهاوشينه قدام جدانه ...
لانه راح يحلفون عليكـ ماتقولين له شي او تضربينه او .... أو .... أو ....إلخ

لكن عودي طفلكـ ع النظره
النظره ..................................



وأقصد بالنظره .... انه لو غلط الطفل عند احد أنكـ تعطينه نظره
وكأنكـ تقولين له حسابكـ بعدين ....
وهذا ينطبق ع كل شي سواء اكل او شرب او كلام او لبس ....إلخ
خليه يتعود انه لما يجي اكل يناظر فيكـ اول هل ياكل اولا
لو شفتيه يأكل بيده اليسار عطيه نظره ع السفره وأشري بيدكـ اليمين
وكأنكـ تذكرينه مو تهاوشينه ....
لما تجلسين ع الاكل سمي بصوت عاااااالي ... يعني تذكرينهم ومن غير
مايحس احد ...
وصدقيني هالمعامله بتغير كثير عليكـ .... وبنفس الوقت مافيه احد يتدخل
بعيالكـ ... لانه عيالكـ عارفين انه لو غلط راح يلاقي عقابه بعدين ...
لكن إذا صرتي تهاوشينه قدام الناس .. ولقى دفاع من الغير هذا بيقلل
من قيمتكـ قدامه طفلكـ ....
*
*
*
واللي تعاني من الأسنان واكل الشوكولاته



ولو شفتي احد اجداده مثلا عطاه الشوكولاته وليل نهار يأكل منها بدون حساب
خليه كل مره يأكل يروح ويفرش اسنانه .... والله بيتعب وبيصير يحاسب
وهذا انا ماقلته من فراغ .... وانا مع بنتي نفس المعامله ... لدرجه صارت
إذا راحت تفرش تقول ماما خلاص ماأكل شوكولاته ... لانه خلاص تتعب .... كل شوي ترجع وتغسل ...

وعوديه ع التفريش اسنانه اولا يتعود
وثانيا فهميه انه الشوكولاته تجيب السوس ...


ووضحي له برسومات كيف شكل السوسه وقوليله انه مثل
الجراثيم تأكل اسنانكـ إذا مافرشت بعد كل وجبه وماتكثر من الشوكولاته
لانه لو أكلت شوكولاته جت تأكل اسنانكـ لانها تحب اسنانكـ بعد الشوكولاته والحلويات وبكذا اسنانكـ تخلص وماعاد يصير لكـ اسنان وماتعرف تأكل شي

ولكن لو تأكل خضروات او فواكه وتشرب الحليب وتفرش اسنانكـ راح تخاف وتهرب ...
وبنفس الوقت تخليكـ بطل وكبير وعندكـ عضلات...
حدديه وقت يأكل الشوكولاته وقولي له هذا الوقت هو اللي تنام فيه السوسه
ولما تخلص فرش اسنانكـ عشان لو قامت ماراح تلاقي شي تأكل...
وضحي له انه الفرشاه والمعجون اعداء السوس وانه يخاف منها
ولو مااستخدمها راح تتسوس اسنانه وتفوز السوسه
وانه لازم يروح لطبيب الاسنان ...


*
*
*

والطفل يتذمر من كلمه لا لا لا لا لا
وتلاقينه يلجأ لأحد يلبي رغباته ... لكن لما تفهمينه ليش لا ... بطريقه حلوه واسلوب مشوق ... راح يفهم انه ماقلتي لا من فراغ ... وهو راح يتعود ع هذا النظام ....

ولاتنسين كل ممنوع مرغوب


وانا ماقلت كلامي هذا كله من فراغ ... انا مثلي مثلكم جربت وعانيت وتعبت .... وكنت اشوف اخوي ليش يتذمر ويقول انا اربيه ع شي وانتم تخربونه ... هذا الشي يقهر اجداده .... وولده مع الاسف كل ماجاء لأحد اجداد تفرعن لانه عارف واره حصن منيع ...
وكنت اضحكـ عليه لين جربت وشفت بعيني ... بس الحمدلله زوجي علمني كيف اقدر اتعامل معاهم ... حتى لو رحت ماأتعب ولا اشيل هم ...
ولو قالوا لها احد جدانه شي وقالت لا هذا يسوي كذا بعدين والله يجلسون يضحكون
ويقولون لها شاااطره البنت الفاهمه واللي تسمع الكلام ... لانه مايقدرون يقولون شي ...او يغصبونها ع شي وهو مقتنعه باللي تقوله ... وع صواب
*
*
*
وبعد هذا الكلام كله ... لا تحاولين تبين لطفلكـ او اجدادكـ انكـ متذمره من اسلوبه او تعاملهم معاه
إذا شخص شاب تفاهمي معااااه لانه بيفهم لكـ .... لكن إذا كبير بالسن صعب والله صعب واللي براسه بيسويه ... لانه بيقولون ع اخر الزمن صرتوا تعلموني الصح من الغلط ..؟؟؟؟

وطالما طفلكـ متعود ع شي ومقتنع باللي يسويه .....صدقيني ماراح تشيلين عم
ولا تنسين تبين السبب لطفلكـ إذا قلتي لا ... حتى بعدين يقتنع ويعرف ...
*
*
*
وبأضرب لكـ مثال بسيط ....
بنتي كانت دائما تنضرب من الاطفال.... وهي خوافه ماتأخذ حقها .... وكنت اقول لها اللي يضربكـ اضربيه .... بس مع الأسف صرت اشوف الأمرين ... لانه لانه اكثر الضرب يجي ع الوجه ...وهذا شي خطير

فعودت بنتي انه لو ضربت احد كف ع وجهه من الأطفال هذا ممكن
يقلل من سواد العين وبكذا يخلي الطفل ينعمي مع الوقت ومايشوف
وبنفس الوقت تقصر اليد كل ماضربت احد ع وجهه ...
صارت تخاف تضرب احد ع وجهه ... وبنفس الوقت لو احد ضربها
ع وجهها تجيني مرعبوه وتقول ماما عيني صغرت .؟؟
أقول لها ليش .؟؟ ..... تقول فلان ضربني ع وجهي ... وقتها انادي الطفل وافهمه .... وهذا حلت ازمه كنت اعاني منها ...
وفهمتها الضرب يكون من الكتف او ع اليد .... لكن الراس والظهر غلط ...

والحمدلله ارتحت كثير .... وبنتي تعودت ع اشياء كثيره
وفهمت بنتي وش الأكل المفيد ووش الأكل الغير مفيد
ومتى نأكل الغير مفيد ... ووش المفروض نسوي بعد الأكل ؟؟؟
والكلام الشين وش ممكن يسوي باللسان .؟؟؟
والضرب ومشكلته باليد والعين ...؟؟


وبكره إذا كبرت تفهم انه فعلا الكلام الوسخ مثل الجراثيم
والضرب ع الراس اكبر غلط وممكن يخلي الطفل ينعمي
او يتأذى لاقدر الله
وبكذا انا ماكذبت عليها وفهمتها بأسلوب يناسب عمرها
وعقليتها ....


واعذروني ع طول الحكي
ومثل ماقالت اختي أم جود العتيبي

اختلاف الرأي لايفسد للود قضيه



ودمتم بود ...