الله يعينك بس حرام تخلينهم عند الشغاله

هههههههه
انا عندي بنتين..
احيانا اخذهم واحياناا لا,,
لانه احيانا لاكانو خواتي اهناك وجمعه وجايبين عيالهم طبعا اخذهم واصلا بيت اهلي في مكان مخصص لهم ..

واحيانا اذا بيت اهلي جمعه وزوار لا ما اخذهم

لا مايصير تخلينهم في البيت انت رايحه لبيت أهلك مو بيت أغراب

اذا هم يفهمون كلميهم بهدؤ ان امك تنزعج ويوجعها رأسه من الازعاج.

واذا هم صغار شغلي لهم فيديو أو دفي دي ..اشرطة جديده أول مره يشوفونها..

او جيبي لهم ألعاب تكون دايم بيت اهلك وأول مايشوفونها يفرحون فيها ويلهون عنكم..

انا عن نفسي اخذهم كلهم الولد والبنت00اصلا لو ما ابغى اروح يتصلون اخواتي عشان اوديهم لهم00
من ناحية الازعاج هم مزعجين 00وعندي اخت صغيرة قد ولدي 00يلعبون شوية وباقي الوقت مناقرة لكن احنا مانعطيهم وجه ولا نطاوعهم في شكاويهم00

اما الازعاج الزايد مانسمح فيه نطردهم بغرفة لين يطلعون اللي براسهم 00وصاروا هم ماعاد يزعجونا عارفين ان فيها طرده00

صراحة صعبة أترك أولادي عند الخدامة وأنا رايحة بيت أهلي مهما كان إزعاجهم
لأنه مو معقولة أقطعهم من الطلعات ومن العلاقات الأجتماعية مهما كان
ممكن إذا بروح مكان فيه ناس أغراب وخايفة على أولادي من شيئ صح
أتركهم مع الخادمة ومع شخص آخر يراقبهم جميعاً هم والخادمة
أما عشان أنا أجلس مرتاحة فلايمكن يصير هذا يا أنا وياهم نروح أو نجلس سوا
وبعدين من وين بجيب الأجر إلا بالصبر عليهم والتعب الله يعظم أجرنا وجزى الوالدين على الله
بالنسبة لي عيالي معاااااااااااي في كل مكان حتى المناسبات إلا إذا كنت أخشى عليهم من أمر معين ومع ذلك لابد
للطفل أن يختلط بالناس حتى يصير إجتماعي ويكون صداقات وخبرات وتجارب مع الآخرين
ولايمكن أحرمه أنه يعيش طفولته الطبيعية عشان أنا أجلس مرتاحة
وفيه طرق كثيرة لضبط سلوك الطفل
وأولها هو أسلوب التشجيع وإذا مانفع نلجأ للحرمان
وهذان الأسلوبان جداً فعالان في التربية