السلام عليكم ورحمه الله وبركاته
:39:
اتمنى تقرون موضوعي كامل ماراح ياخذ منك وقت
بس قبل اقروا هالايه بتمعن ..
وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ (186)سوره البقرة
ربي سبحانه وتعالى وعدنا ب(استجابه الدعوه)
مقابل(الايمان به وطاعته)
والحمد لله كلنا مؤمنين به سبحانه وتعالى
يعني باذن الله احنا من المستجابه دعوائهم
بس يبي لنا نتقرب من الله اكثر واكثر
فيه اعمال ربي يحب عبده يقوم فيها
مثل الذكر والاستغفار والقراءه
كل انسان راح يجد صعوبه في القيام بهالشي وهذا شي طبيعي جداا لان هذا عمل الشيطان (الوسوسه والتعجيز)
( فَبِعِزَّتِكَ لَأُغْوِيَنَّهُمْ أَجْمَعِينَ * إِلَّا عِبَادَكَ مِنْهُمُ الْمُخْلَصِينَ )
فلا تياسي اذا حسيتي بعجز وتستسلمين للشيطان
والا تقولين اكيد انا فيني عين والا مس والا سحر عشان كذا احس بكسل
صدقيني مع الاصرار كل شي تبينه راح تقدرين تسوينه مهما كانت صعوبه
فما بالك اذا كان شي سهل وبين يدك 24 ساعه
البعض يقولون مانلقى وقت فاضي
طيب خلينا نحسبه مع بعض
اليوم فيه 24 ساعه
بالكثير 10 ساعات نوم
يبقى 14 ساعه
مستحيل ماتلقين فيها ساعه فاضيه والا كان ماشفتكم مترززات على النت :hahaha:
اتوقع اغلبكم يعرف فضل سورة البقره
بس للاسف الشديد
اشوف ماحد يقراها الا اللي عنده مشكله او يبي تحقيق امنيه
هذا غلط كبير فينا
المفروض نقراها في كل حالاتنا سواء لحاجه او بدون حاجه
تدورون ليه ؟؟؟؟
1- اذا قريتي البقره ثقي ثقه تامه ان الشياطين لن تستطيع دخول منزلك
2-ثقي ان ربي راح يحفظك لان اخر ايتين من سوره البقره من قراءها حفظه الله
3-ثقي ان الشيطان ماراح يقربك لانك قريتي ايه الكرسي
4- ثقي بان ربي راح يحميك من السحر
5- ثقي بانك ستتمتعين براااحه نفسيه عجيبه
6- ثقي ان ربي راح يبارك لك لان فيها بركه
7- راح تجيك يوم القيامه كانها غمامه
كل هذا الفوائد تستخسرون عليها 45دقيقه او اقل من وقتكم
راح اعطيكم طرق تسهل عليكم القراءه ..
اولا/اختاري وقت غاااااااااااالبا تكونين فااضيه فيه
واعتمديه بان هالساعه تكون مخصصه لقراءه سوره البقره
واجبري نفسك تقرينها في هالوقت مهما طلع لك من مشاغل اجلي مشاغلك( اللي تتاجل طبعا)
صدقيني وعن تجربه اقولها لك راح تحبين هالوقت اللي تقرين فيه وراح تنتظرينه متى يجي بس من الراحه اللي تحسينها
((((((((( انا ضد اللي تقول لاااااااازم تقرينها كامله كل يوم اقولك حاولي حاولي حولي بس اذا ماقدرتي مو مشكله قسميها على يومين او ثلاثه)))))))))
ثانيا: عبي لك جيك كبير مويه ( ويفضل مويه زمزم )
اذا جيتي تقرين جيبي المويه وانفثي فيها بعد مثلا كل 20 ايه انفثي ولازم يطلع منك رذاذ في المويه .. هالمويه اشربي منها كل يوم وكملي قرايه فيها وكلما نقصت المويه زيديها
وكمان انفثي في زيت زيتون.. واحفظيه عندك واذا عورك شي انتي او اي احد تعرفينه عطيه من هالزيت ولك الاجر
في هالساعه وش استفدتي ؟؟
قريتي سوره البقره + قريتي في مويه راح تشربين منها كلما عطشتي + قريتي في زيت راح يكون معك كلما احتجتي له..
وهذا رابط للقران
جدااا سهل ومرتب وتخلصين السوره بدون ماتحسين بتعب
http://quran.muslim-web.com/
حطي السهم على السوره اللي تبينها وبيطلع لك استماع او نص اختاري نص واقري
اذا ودك تقسمين القراءه على اجزاء براحتك واذا ودك تقرينها مره وحده افضل عشان ماتنشغلين او تنسين او تتكيسلين
النقطه الثانيه
الاستغفار
مافيه احد يجهل فوائد او بالاصح عجائب الاستغفار
وتكفي هذه الايه عن الكلام
{ فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * }
الطريقه اللي راح اعطيكم اياها
اولا: احفظي هالرابط بالمفضله ويفضل لو تخلينه الصفحه الرئيسيه للنت
http://www.pylon-group.com/e-seb7a/
ثانيا:اول ماتدخلين النت افتحيه وصغريه وافتحي الموقع اللي تبين تتصفحينه وبين كل فتره وفتره كبري الصفحه واستغفري او اذكري الله بالصيغه اللي تبين مو شرط تتقيدين بالصياغات الموجوده
صدقيني راح تلقين نفسك وانتي تتصفحين المواقع الثانيه وكل وقت تستغفرين لان لسانك بيصير تعود
راح تستغفرين 2000 مره او اكثر بدون ماتحسين
بس يبي لك عززم وحرص في البدايه
اليوم اللي تبدين فيه هالبرنامج اكتبي تاريخه عندك لو بالجوال راح تتحمسين اكثر واكثر كل يوم بس بشرط لاتنتظرين متى يخلص الشهر عشان تتركينها
وباذن الله راح تتحقق كل امانيكم
لان ربي وعدكم
والله يوفق الجميع لما يحب ويرضى ويحقق امانيهم ويشفي مرضاهم ويخلي احبابهم ...
متعـــبه عســافها @mtaabh_aasafha_2
محررة ذهبية
يلزم عليك تسجيل الدخول أولًا لكتابة تعليق.
جولنار هانم
•
جزاك الله خير
الله يجزاك خيير ويرزق ان شاء الله بالوضيفه الي تتمنينها اذا فيها خير لك يارب
واازيد يبنات لازم يكون عندك يقييييييييييين بالاجاابه ،،وكل ماكتب الله لك من شي احمديه عليه وكل شي فيه خييييييره والله يثبتنا ويتقبل اعمالنا ويجعلنا من الذين تستجاب دعواتهم يارب ،،
واازيد يبنات لازم يكون عندك يقييييييييييين بالاجاابه ،،وكل ماكتب الله لك من شي احمديه عليه وكل شي فيه خييييييره والله يثبتنا ويتقبل اعمالنا ويجعلنا من الذين تستجاب دعواتهم يارب ،،
الله يسعدك ياشيخه ويفتح لك ابواب رحمته ويحقق لك ماتتمني بالقرررريب العاجل
من جد موضوع رااااااااااائع
من جد موضوع رااااااااااائع
الصفحة الأخيرة